საქართველოში კორონავირუსით დაინფიცირების მეორე შემთხვევა დაფიქსირდა. დღემდე არ არსებობს ვირუსისგან თავის დაცვის კონკრეტული საშუალება და რეკომენდაცია. ვირუსთან გამკლავების ერთ-ერთ მნიშვნელოვან კომპონენტად კი ძლიერი იმუნური სისტემა სახელდება, რომელსაც სწორი კვება, ჯანსაღი ცხოვრების წესი და კიდევ რამოდენიმე სხვა კომპონენტი განაპირობებს. როგორი უნდა იყოს დღის კვების რაციონი, როგორც ბავშვებისთვის ისე მოზარდებისთვის, ასევე საფრთხეები და რისკები, რომელიც  ქვეყანაში კორონავირუსის ქვეყანაში გავრცელებასთან დაკავშირებით არსებობს „კომერსანტი“ ენდოკრინოლოგ ლაშა უჩავას ესაუბრა:

ლაშა უჩავა ამბობს, რომ მასიური პანიკის საფუძველი არ არის: იმუნიტეტისთვის აუცილებელია ჯანსაღი ცხოვრება, რომელშიც იგულისხმება ყველა მიკრო და მაკრო ელემენტის მიღება, რომელიც სჭირდება ჩვენს ორგანიზმს -  ნახშირწყლები, ცილები, ცხიმები და საკვები ნუტრიენტები. ე.წ. დიეტებზე ყოფნისგან დასუსტებული ორგანიზმი ბევრად უფრო ადვილად მიმღებია აღნიშნული ვირუსის. სწორედ ამიტომ ყოველდღიურ რაციონში ჩართული უნდა იყოს : რძის პროდუქტები, ხილი,  ბოსტნეული და ხორცი. ბუნებრივია რძეში იგულისხმება პასტერიზებული რძე, რომელიც ნებისმიერი სახის,ისედაც ყოველღიურ რაციონს  აუცილებლი პროდუქტია.

ენდოკრინოლოგი ლაშა უჩავა „კომერსანტთან“ კორონავირუსისგან თავის დაცვისთვის აუცილებელ მექანიზმად კვების რაციონის რეგულირების გარდა, ფიზიკური აქტივობის აუცილებლობაზეც საუბრობს. ძირითადი რეკომენდაციები კი მსოფლიო ჯანდაცვის ორგანიზაციის განცხადებით პირადი ჰიგიენის დაცვა და იმუნიტეტის გაძლიერებაა.

მისი თქმით, მასიური პანიკის საფუძველი არ არსებობს და აღნიშნავს, რომ საქართველოს ბაზარზე არსებული პირბადეები, რომელთა დეფიციტიც რამდენიმე დღეა აფთიაქებში შეიქმნა ამ აჟიოტაჟის გამო, არ წარმოადგენს ვირუსისგან თავის დაცვის უპირობო გარანტიას და მიიჩნევს, რომ იმუნური სისტემის ამაღლებაზე ზრუნვა უფრო ძლიერი ბერკეტია ამ მსოფლიო პანდემიასთან საბრძოლველად.

ის პირბადეები, რომელზეც ატეხილია ჟიოტაჟი , სამწუხაროდ არ არის იმის ერთადერთი გარანტი, რომ კორონავირუსი არ დაგვმართება.  თვითონ ვირუსი იმდენად პატარა ნაწილაკია,  შესაძლებელია მოხვდეს ამ პირბადეშიც კი. უმრავლესობამ პირბადის სწორად გამოყენება არ იცის.  არ იციან, თუ რომელი მხრიდან უნდა გაიკეთონ, ზოგჯერ დადიან პირბადით და ზედა სასუნთქი ორგანო თავისუფალია. თუ იმ პირბადეებზე ვისაუბრებთ, რომელიც დღეს ბაზარზეა უნდა ვიცოდეთ, რომ  მათ სჭირდებათ დღის განმავლობაში რამდენჯერმე გამოცვლა, სასურველია 2 საათში ერთხელ. ასევე მნიშვნელოვანია, რომ პირბადე ეკეთოს იმას, ვინც დაინფიცირებულია და არა იმას ვინც დაინფიცირებული არ არის, რადგან სუფთა ჰაერის მიღება ბევრად უფრო საჭიროა ჩვენი ორგანიზმისთვის, ვინაიდან მეტაბოლიზმი და იმუნიური სისტემა იყოს აქტიური.“ - ამბობს ენდოკრინოლოგი.

ლაშა უჩავა მიიჩნევს, რომ წინა წლებთან შედარებით ინფორმაციულობის დონე საზოგადოებაში ბევრად უფრო მაღალია, რაც რისკს ამცირებს.

„სტატისტიკურ მონაცემებს თუ გავითვალისწინებთ, წინა წლებთან შედარებით, როდესაც H1N1 ტიპის ვირუსი იყო გავრცელებული, დღევანდელი მონაცემებით  პანიკის საფუძველი არ არის. მაგრამ მსოფლიო სტატისტიკზე თუ ვისაუბრებთ, ინფორმაციის მოწოდება ამ ეტაპზე ბევრად უფრო მაღალ დონეზეა. საკვებ პროდუქტებთან და ნიღბებთან მიმართებაში რაც ხდება, არ შეესაბამება იმ საშიშროებას, რაც არსებობს. უფრო მნიშვნელოვანია მოსახლეობამ ყურადღება მიაქციოს საკუთარ ჯანმრთელობას, რომ იმუნური სისტემა იყოს მძლავრი და გამკლავება მოხდეს აღნიშნულ ვირუსთან. მსოფლიოში ბევრი დადასტურებული შემთხვევაა, როცა ყოველგვარი პრეპარატის გარეშე მოხდა ვირუსის დამარცხება და ეს დამოკიდებულია სწორედ რომ ჩვენს ძლიერ ორგანიზმზე.

ძირითადი რეკომენდაციები იქნება პირდი ჰიგიენის დაცვა, ასევე უნდა ვიზრუნოთ ჩვენს სამოქალაქო პასუხისმგებლობაზე  და სხვა ადამიანებსაც დავუტოვოთ საკვები პროდუქტები და პირბადეები. დიდი ყურადღება უნდა მივაქციოთ სწორ  კვებას, ფიზიკურ აქტივობას და წყალს - ეს ერ-ერთი გარანტია, რომ ორგანიზმი იყოს ძლიერი.“ - ამბობს ენდოკრინოლოგი.

 მარიამ მორგოშია