NDI-ის კვლევის თანახმად მოქალაქეთა უმეტესობა საქართველოს ეკონომიკურ მდგომარეობას ცუდად აფასებს. 48% მიიჩნევს, რომ საქართველოს ეკონომიკა ცუდ მდგომარეობაშია, 44% - საშუალო, 6%-ის აზრით - კარგი.2022 წლის აგვისტოსთან შედარებით დეკემბერში „ცუდი“ შეფასების მაჩვენებელი 55 პროცენტიდან 48-მდე შემცირდა.

საქართველოს ეკონომიკის მდგომარეობას ყველაზე კრიტიკულად თბილისელები, ოპოზიციის მხარდამჭერები და გადაუწყვეტელი ამომრჩევლები აფასებენ.

ეკონომიკის მთავარ გამოწვევებად უმუშევრობა, ფასების ზრდა და დაბალი ხელფასები დასახელდა.

უმრავლესობას ეჭვი ეპარება, რომ მთავრობა ეკონომიკური პრობლემების მოგვარებას შეძლებს. კითხვაზე, რამდენად დარწმუნებული ხართ ან არ ხართ, რომ საქართველოს მთავრობა შეძლებს ეკონომიკურ პრობლემებთან  გამკლავებას: 37%-მა უპასუხა, რომ დარწმუნებულია, 51% არ არის დარწმუნებული, არ იცის 12%-მა.

NDI-ის დაკვეთით კვლევა ჩატარდა 2022 წლის 3 დეკემბრიდან - 20 დეკემბრამდე. მონაცემები შეგროვდა პირისპირ ინტერვიუს მეთოდით რესპონდენტთა სახლებში - ქვეყნის მასშტაბით. (ოკუპირებული ტერიტორიების გამოკლებით). აგვისტოში ჩატარებული გამოკითხვა სულ 2 519 დასრულებულ ინტერვიუს მოიცავს. საშუალო ცდომილების ზღვარი კვლევაში +/- 1,6 პროცენტია