ნავთობპროდუქტების იმპორტიორთა კავშირის განცხადებით, 2020 წლის ივლისის თვეში საქართველოში ტრანზიტად გამავალი სატვირთო სატრანსპორტო საშუალებების რაოდენობამ შეადგინა 28 196 ერთეული, რაც 5 837 ერთეულით ანუ 26,1%-ით აღემატება გასული წლის ანალოგიური პერიოდის მაჩვენებელს.
„სულ 2020 წლის იანვარ-ივლისის თვეების განმავლობაში საქართველოში ტრანზიტად გამავალი სატვირთო სატრანსპორტო საშუალებების რაოდენობამ შეადგინა 166 367 ერთეული, რაც 15,2%-ით ანუ 21 944 ერთეულით მეტია 2019 წლის ანალოგიური პერიოდის მაჩვენებელთან შედარებით.
მიმდინარე წელს საქართველოში პოზიტიური დინამიკა ფიქსირდება ტრანზიტად გამავალი სატვირთო საშუალებების რაოდენობასთან დაკავშირებით. საგულისხმოა, რომ ეს ყველაფერი ხდება COVID- 19 პანდემიის პირობებში, რაც საქართველოს ეკონომიკისათვის უდაოდ დადებითი მოვლენაა, ხელს უწყობს საქართველოს სატრანზიტო ფუნქციის გაძლიერებას, ზრდის საბიუჯეტო შემოსავლებს, დადებითად მოქმედებს დიზელის საწვავისა და საავტომობილო ზეთების რეალიზაციაზე“ – ნათქვამია განცხადებაში.