„ნავთობპროდუქტების იმპორტიორთა კავშირი“ მიესალმება და მხარს უჭერს საკანონმდებლო ინიციატივას თხევად გაზთან დაკავშირებით

„ნავთობპროდუქტების იმპორტიორთა კავშირი“ მიესალმება და მხარს უჭერს საკანონმდებლო ინიციატივას თხევად გაზთან დაკავშირებით

access_time2020-06-02 12:20:39

„„ნავთობპროდუქტების იმპორტიორთა კავშირი“ სრულიად იზიარებს და მხარს უჭერს თხევადი გაზის იმპორტისა და რეალიზაციის სფეროში დღეისათვის არსებული ვითარების მოწესრიგების მიზნით დაგეგმილ საკანონმდებლო ცვლილებებს“ – ამის შესახებ ნათქვამია „ნავთობპროდუქტების იმპორტიორთა კავშირის“ განცხადებაში.


„საქმე იმაშია, რომ ამჟამად მოქმედი თხევადი გაზის აქციზის გადასახადით დაბეგვრისა და ადმინისტრირების რეჟიმი ერთის მხრივ, მნიშვნელოვნად ზღუდავს კონკურენტულ გარემოს, მეორეს მხრივ კი, დიდი ოდენობით ზიანს აყენებს სახელმწიფო ბიუჯეტს.


არსებული კანონმდებლობით, თხევადი გაზის იმპორტი აქციზის გადასახადით იბეგრება ორ ეტაპიანი სისტემის მეშვეობით. კერძოდ:


პროდუქტის განბაჟებისას ყოველ 1000 კგ.-ზე განსაზღვრულია აქციზის გადასახადის 120 ლარის ოდენობით გადახდა, ხოლო თუ აღნიშნული პროდუქტის გამოყენება საბოლოოდ ხდება არა საყოფაცხოვრები მიზნით, არამედ ავტომობილების გასამართავად, მეწარმეების მიერ დამატებით უნდა ხდებოდეს 180 ლარის გადახდა.


2019 წლის ოფიციალური სტატისტიკური მონაცემების მიხედვით საქართველოში იმპორტირებულ იქნა 28.109 ათასი ტონა თხევადი აირი, რომელიც დაიბეგრა 120 ლარიანი აქციზის გადასახადით; ხოლო დამატებით 180 ლარით დაიბეგრა 6.582 ათასი ტონა ანუ საერთო იმპორტირებული ოდენობის მხოლოდ 23%, რაც, ბუნებრივია, ძალიან დაბალი მაჩვენებელია. ჩვენი ინფორმაციით, ბოლო წლების განმავლობაში გაზიფიცირების სწრაფი ტემპების ფონზე, რეალიზებული თხევადი გაზის ძალიან დიდი ნაწილი სწორედ ავტომობილების გასამართად გამოიყენება, რაც იმაზე მიუთითებს, რომ ამ აქციზური პროდუქტის უდიდეს ნაწილზე არ ხდება სახელმწიფო ბიუჯეტში დამატებით 180-ლარიანი აქციზის გადასახადის გადახდა.



რაც შეეხება აქციზის გადასახადის ოდენობას: დღეს მოქმედი კანონმდებლობით (პროდუქტის კუთრი წონის გათვალისწინებით) 1 ლიტრ ბენზინზე, დიზელზე, თხევად გაზზე და 1 კუბურ მეტრ ბუნებრივ აირზე აქციზის განაკვეთები შეადგენს:


ბენზინის საავტომობილო საწვავი: 37.8 თეთრი
დიზელის საავტომობილო საწვავი: 33.3 თეთრი
ბუნებრივი გაზი: 20 თეთრი
თხევადი გაზი (120 ლარის გაანგარიშებით): 6.4 თეთრი
თხევადი გაზი (300 ლარის გაანგარიშებით): 16.2 თეთრი


ბენზინი, ბუნებრივი გაზი და თხევადი გაზი ალტერნატიული, ურთიერთჩანაცვლებადი პროდუქტებია. აქედან გამომდინარე, ამ პროდუქტებზე აქციზის გადასახადის პროპორცია უნდა ეფუძნებოდეს სამართლიანობის პრინციპს და ხელს უწყობდეს საწვავის ბაზარზე ჯანსაღი კონკურენციის შექმნას. ამას გარდა, ეკოლოგიური კუთხით, გარემოს ყველაზე ნაკლებად აბინძურებს ბუნებრივი გაზი, შემდეგ თხევადი გაზი და ბოლოს ბენზინის საწვავი.


ჩვენის აზრით, აუცილებელია მოხდეს თხევად გაზზე აქციზის ერთ ეტაპიანი დაბეგვრის რეჟიმის შემოღება (გადასახადის გადახდა პროდუქტის იმპორტის სტადიაზე, ისევე როგორც ეს სხვა ნავთობპროდუქტებზე ხდება) და მისი ოდენობა განისაზღვროს მინიმუმ 450 ლარით, რაც 1 ლიტრ თხევად გაზზე ნიშნავს 24.3 თეთრს. ამ შემთხვევაში თხევად გაზზე აქციზის გადასახადი იქნება ოდნავ მეტი ვიდრე ბუნებრივ გაზზე მოქმედი გადასახადი (20 თეთრი) და ნაკლები, ვიდრე ბენზინის საწვავზე არსებული აქციზის განაკვეთი, რომელიც შეადგენს 37.8 თეთრს. ეს არის ერთადერთი სწორი და გონივრული გზა, რომელიც საშუალება იძლევა დაცული იყოს სამართლიანი პროპორცია ნავთობპროდუქტეზბე დაწესებულ აქციზის განაკვეთებს შორის.


ამასთან, ცალკე უნდა აღინიშნოს ის მნიშვნელოვანი გარემოება, რომ 2019 წელს იმპორტირებულ იქნა დამატებით 12.617 ტონა თხევადი აირი სეს ესნ კოდით 29011000000. ეს არის ე.წ. უაქციზო კოდი. ამ კოდზე საერთოდ არ ვრცელდება აქციზის გადასახადი და ეს მაშინ, როდესაც ეს ნავთობპროდუქტიც გამოიყენება როგორც ჩვეულებრივი საავტომობილო თხევადი აირი.


ზემოაღნიშნული პრობლემური საკითხების ოპერატიული მოწესრიგება, როგორც ზემოთაც აღინიშნა, ხელს შეუწყოს ამ სფეროში არსებული მანკიერი ვითარების აღმოფხვრას, ჯანსაღი და კონკურენტული ბიზნეს-გარემოს ჩამოყალიბებას და სახელმწიფოს მიერ მისთვის ობიექტურად კუთვნილი თანხების ბიუჯეტში აკუმულირებას“ – ნათქვამია განცხადებაში.








20 ოქტომბერი - რეგიონში ქართული ლარი და სომხური დრამი გაუფასურდა

20 ოქტომბერი - რეგიონში ქართული ლარი და სომხური დრამი გაუფასურდა
access_time2020-10-20 18:15:11
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ გამოქვეყნებული 20 ოქტომბრის ვაჭრობის შედეგად, ქართული ლარის კურსი გაუფასურდა და ერთი აშშ დოლარის ღირებულებამ 3.2222 ლარი შეადგინა. ქართული ლარის...

დღის Top 10 საინტერესო ამბავი

დღის Top 10 საინტერესო ამბავი
access_time2020-10-20 21:30:45
დღის Top 10 საინტერესო ამბავი: 1. როგორ უნდა მოიქცეთ, თუ Covid-19 დაგიდასტურდათ - ამერიკაში მოღვაწე ქართველი ექიმების რჩევები როგორ უნდა მოიქცეს ადამიანი, თუ მას კორონავირუსის სიმპტომები გამოუვლინდა? როდის უნდა მიმართოს სიმპტომიანმა ოჯახის ექიმს და როდის გადაუდებელი დახმარების ცენტრს? საჭიროა თუ არა მედიკამენტოზური მკურნალობა? ...

მსხვილი სასტუმრო ქსელები დისტანციურად მომუშავეთა მოზიდვას ცდილობენ

მსხვილი სასტუმრო ქსელები დისტანციურად მომუშავეთა მოზიდვას ცდილობენ
access_time2020-10-20 20:45:26
მსხვილი სასტუმრო ქსელები, ისეთები, როგორც InterContinental Hotels Group, Marriott დ Accor-ი ახალი სისტემის - გამოწერის -  ამუშავებას გეგმავენ იმისთვის, რომ დისტანციურად მომუშავეებმა მოგზაურობა და სხვადასხვა ქალაქებში ერთი და იგივე ქსელის სასტუმროებში ცხოვრება შეძლონ.   მაგალითად, სექტემბერში ტურისტულმა ჯგუფმა Inspirato-მ განაცხადა, რომ მთლიანად გამოწერაზე  გადავიდა და აქცენტს სწორედ ამ სერვისზე გააკეთებს. ქსელის კლიენტები შტატებში,...

Bloomberg: ჩინეთის ეკონომიკა ზრდის კრიზისამდელ მაჩვენებელს უახლოვდება

Bloomberg:  ჩინეთის ეკონომიკა ზრდის კრიზისამდელ მაჩვენებელს უახლოვდება
access_time2020-10-20 19:00:20
2020 წლის დასაწყისიდან პირველი 6 თვის ვარდნის შემდეგ ჩინეთის ეკონომიკა 0,7%-ით გაიზარდა.   ჩინეთი შესაძლოა მსოფლიოში ერთადერთი ქვეყანა გახდეს, რომლის ეკონომიკაც წელს გაიზრდება და ამას საფუძვლად კორონავირუსის აგრესიული შეკავება დაედება.   2020 წლის მე-3 კვარტალში ჩინეთის ეკონომიკა 2019 წლის ანალოგიური პერიოდთან შედარებით 4,9%-ით გაიზარდა, წლიურ ჭრილში კი 0,9%. შესაძლოა ეს რიცხვები მოკრძალებულად მოგეჩვენოთ, თუმცა, საუბარია ზრდაზე იმ დროს, როდესაც...

„ბასტი ბუბუ“ დახურვის პირასაა - პანდემიის გამო, სტუდიას 120 000 ლარის დავალიანება დაუგროვდა

„ბასტი ბუბუ“ დახურვის პირასაა - პანდემიის გამო, სტუდიას 120 000 ლარის დავალიანება დაუგროვდა
access_time2020-10-20 17:25:36
„უკვე მერვე თვეა „ბასტი ბუბუს“ არც ერთი თანამშრომელი ხელფასს არ იღებს - „ბასტი ბუბუ“ დგას დახურვის პირას, სიკვდილ-სიცოცხლის ზღვარზეა“,- ამის შესახებ რადიო „პალიტრისა“ და „პალიტრანიუსის“ გადაცემაში „საქმე“ საბავშვო სტუდია „ბასტი ბუბუს“ დირექტორმა პაატა ამონაშვილმა განაცხადა.   მისი თქმით, პანდემიის გამო, სტუდიას დაგროვილი აქვს 120 000 ლარის დავალიანება, რომლის გადახდაც გაჩერებული მუშაობის პირობებში ვერ ხერხდება. ამას კი, ღონისძიებების გაურკვეველი დროით აკრძალვაც...


მსგავსი სიახლეები

up