8 ივნისს Brent-ის ტიპის ნავთობის ფასმა ბოლო 3 თვის მაქსიმუმს - 43 დოლარს მიაღწია.ეს მაშინ, როდესაც აპრილში მისი ღირებულება მინუს 40 დოლარამდე ჩამოიშალა, გადავსებული ნავთობსაცავების გამო მომპოვებლები ფულს იხდიდნენ, ოღონდ უსარგებლო შავი ოქრო ვინმეს წაეღო.
მაშინ ფასების ის დრამატული ვარდნა ორმა ფაქტორმა გამოიწვია. პირველი იყო საყოველთაო კარანტინი, რომელმაც საწვავის მოხმარება მთელს მსოფლიოში მკვეთრად შეამცირა. მეორე ფაქტორი რუსეთს და საუდის არაბეთს შორის ნავთობმოპოვების შემცირებაზე შეთანხმების ჩაშლაა.თუმცა, აპრილში ბაზრის მონაწილე ქვეყნებმა შეთანხმების მიღწევა მოახერხეს, რამაც შეამცირა ნავთობის მიწოდების მაჩვენებელი და შესაბამისად, ფასების კატასტროფული ვარდნის პროცესი შეაჩერა.ნავთობის ფასის ზრდას ბოლო დღეებში ხელს მთავარი გარემოება უწყობს - ძირითად ქვეყნებში შეზღუდვების მოხსნა და ეკონომიკის გახსნა.
პარალელურად ნავთობკომპანიების აქციებიც ძვირდება.მაგალითად, ფიკალის ნავთობის ამერიკული კომპანია Occidental Petroleum Corporation-ის აქციების ფასი 50%-ით გაიზარდა, ანალოგიური პროცესი სხვა კომპანიების ფასიან ქაღალდებთან დაკავშირებითაც მიმდინარეობს.ბაზრის გამოცოცხლებას ხელი ასევე ოპეკ-ის შეთანხმების გაგრძელებამ და ნავთობმოპოვების შემდგომმა შემცირებამაც შეუწყო.
კიდევ ერთი ფაქტორია ჩინეთში მოხმარების ზრდა.მაისში ჩინეთი დღე-ღამეში რეკორდულ 11,3 მლნ. ბარელს ყიდულობდა. ასევე შავი ოქროს გაძვირებას ხელს ფიკალის ნავთობის მოპოვების ზრდის ტემპების შენელება უწყობს.თუმცა, ექსპერტების აზრით, ყველა ეს ფაქტორი - საშუალოვადიანია და 1-3 თვე მოქმედებს. ნებისმიერ მომენტში შესაძლებელია ვითარების უარესობისკენ მკვეთრი შეცვლა. თუმცა, ამისთვის ჯერ არავითარი საფუძველი არ არსებობს.დღევანდელი ტრენდის პირობებში შემოდგომისთვის მოსალოდნელია მოხმარების მატება და ნავთობის ფასის 50 დოლარზე მეტად ზრდა.
საერთაშორისო ეკონომიკა ცალსახად იზრდება, და ამაზე არა მხოლოდ ნავთობის ღირებულება, არამედ სხვა ფაქტორებიც მეტყველებენ - ისეთები, როგორც საქმიანი აქტივობის და საცალო გაყიდვების ზრდა, და ასევე უმუშევრობის დონის შემცირება.ნავთობთან ერთად ასევე სარისკო აქტივები იზრდება.მაგალითად ბიტკოინი, რომლის კურსიც 12-13 მარტს 50%-ით, 3800 დოლარამდე დავარდა, ამჟამად 155%-ით, 9700 დოლარამდეა გაზრდილი.
თუმცა, შორს მიმავალი პროგნოზების დრო ჯერ არ მოსულა.კორონავირუსის პანდემიის მოსალოდნელი მეორე ტალღის შემთხვევაში სიტუაცია შესაძლოა კვლავ გაუარესდეს.ასეა თუ ისე, უახლოეს თვეებში ნავთობის ფასი სავარაუდოდ 50 დოლარს არ გასცდება.კორონავირუსის მეორე ტალღა შესაძლოა პირველზე მძიმე აღმოჩნდეს, შესაბამისად 15 დოლარი ბარელზე - სავსებით რეალისტური პერსპექტივაა.
წყარო:Rbc.ru
მოამზადა თენგიზ აბლოთიამ