რუსეთის უკრაინაში შეჭრის ფონზე ნავთობის ფასი კვლავ დაეცა, რაც მძღოლებისთვის, კომპანიებისთვის და პოლიტიკოსებისთვის შვების მომგვრელია. - ამის შესახებ ინფორმაციას გამოცემა businessinsider ავრცელებს. მათივე ინფორმაციით ივნისის დასაწყისში აშშ- ში WTI-ის ნავთობის საორიენტაციო ფასი 28%-ით დაეცა და ერთი ბარელი ღირებულება 90 დოლარი გახდა. ხოლო Brent ის საერთაშორისო საორიენტაციო ფასი, ივნისის მაჩვენებელთან შედარებით 24%-ითაა გაიაფებული და ბარელზე დაახლოებით 95 დოლარს შეადგენს. აღსანიშნავია, რომ მარტში 1 ბარელი Brent-ის ნავთობის ფასი 140 დოლარამდე იყო.
თუ რატომ ეცემა ნავთობის ფასები ამაში ეკონომისტები სამ მიზეზს ხედავენ, ესენია: რეცესიის შიში, რუსეთის გამძლეობა და მოთხოვნის უკან დახევა, თუმცა ბოლომდე არავინ იცის რა მოხდება შემდეგ.
მსოფლიო ეკონომიკა ნელდება
ფასების დაწევის მთავარი ფაქტორი არის მზარდი შიში იმისა, რომ მსოფლიოს ძირითადი ეკონომიკები მომავალ წელს რეცესიაში გადავლენ. როდესაც ეკონომიკა შენელდება, ენერგიაზე მოთხოვნა ბუნებრივად იკლებს.
გასული თვის მონაცემებმა აჩვენა, რომ აშშ-ს ეკონომიკა წლის პირველ ნახევარში ზედიზედ ორი კვარტლის განმავლობაში შემცირდა. როგორც ჩანს დიდი ბრიტანეთი და ევროზონა რეცესიაში ჩავარდებიან.
ზოგიერთი ანალიტიკოსის თქმით, დოლარის გაძლიერებამ მოთხოვნა გლობალურად გაზარდა, რამაც ფასების გაციება გამოიწვია. თეორიის თანახმად, ნავთობი დოლარებში ფასდება, შესაბამისად მწვანე ვალუტის გაზრდამ ზოგიერთი მყიდველისთვის საქონელი აკრძალულად გააძვირა.
რუსული წარმოება კვლავ ძლიერია
ნაკლებად საყურადღებო ფაქტორია ის, რომ რუსული წარმოება იმაზე ძლიერი დარჩა, ვიდრე ანალიტიკოსები ვარაუდობდნენ.
თებერვლის ბოლოს უკრაინაში შეჭრის შემდეგ, რუსეთის წინააღმდეგ დაწესებულმა სანქციებმა მკვეთრად შეამცირა მოლოდინები ქვეყნის პროდუქციის შესახებ, რამაც სავაჭრო ფასის აწევა გამოიწვია. თუმცა, აღსანიშნავია, რომ რუსული წარმოების მოსალოდნელი ვარდნა ჯერ არ განხორციელებულა. რუსეთმა გააძლიერა გაყიდვები ინდოეთსა და ჩინეთში, ხოლო შიდა მოთხოვნა ზაფხულში ძლიერი იყო.
ამერიკელი მძღოლები სახლში რჩებიან
არის ნიშნები იმისა, რომ ნავთობის მიმართ მოთხოვნა ისეთი ძლიერი არ ყოფილა, როგორც მოსალოდნელი იყო, მაგალითად, აშშ-ის ენერგეტიკული ინფორმაციის ადმინისტრაციამ გასულ თვეში განაცხადა, რომ ბენზინზე მოთხოვნა 8 ივლისს 1996 წლის შემდეგ სეზონურად ყველაზე დაბალი იყო. ანალიტიკოსები ამბობენ, რომ აშშ-ში ნავთობის მარაგების გახსნამ, რომელიც მიზნად ისახავდა ბენზინის ხარჯების შემცირებას, ნედლი ნავთობის ფასზე ზეწოლა გაზარდა.
Citigroup-ის ანალიტიკოსები ვარაუდობენ, რომ იმ შემთხვევაში თუ გლობალურ ეკონომიკას თავს რეცესია დაატყდება, წლის ბოლომდე ერთი ბარელი ნავთობის ფასი შესაძლოა 65$ -მდე დაეცეს , რეცესიის გარეშეც კი, Citi ელის, რომ წლის ბოლომდე ფასები დაახლოებით $85-მდე დაეცემა.
Goldman Sachs-მა ამ კვირაში შეამცირა თავისი პროგნოზები, მაგრამ განაცხადა, რომ ნავთობის აღდგენას ჯერ კიდევ ელოდება, გოლდმენის თქმით, Brent-ის ნავთობის ფასი მესამე კვარტალში 110 დოლარამდე გაიზრდება, ხოლო მეოთხეში 125 დოლარამდე.