NATO–ს საწვრთნელი ცენტრი - თანამშრომლობის რა მექანიზს განიხილავენ ალიანსსა და საქართველოში ავღანეთის შემდეგ?

NATO–ს საწვრთნელი ცენტრი - თანამშრომლობის რა მექანიზს განიხილავენ ალიანსსა და საქართველოში ავღანეთის შემდეგ?

access_time2021-07-27 19:30:37

მას შემდეგ, რაც ავღანეთში საერთაშორისო მისია დასრულდა, რომელიც საქართველოს აძლევდა შესაძლებლობას, კოლექტიური უსაფრთხოების არა მხოლოდ მომხმარებელი, არამედ მასში საკუთარი წვლილის შემტანიც ყოფილიყო, დადგა საკითხი, როგორ უნდა გაგრძელდეს NATO-საქართველოს სამომავლო ურთიერთობები იგივე მიმართულებით და სტატუსით. ირკვევა, რომ თემაზე საქართველოსა და ალიანსშიც მსჯელობენ. კერძოდ, "აქცენტისთვის" კვლევის პროცესში სხვადასხვა წყაროებით ცნობილი გახდა, რომ განიხილება რამდენიმე ვერსია, კონკრეტულად რა ახალი ფუნქცია შეიძლება, გამოიძებნოს ქვეყნისთვის და ერთ–ერთ მექანიზმად თბილისის ინიციატივა განიხილება, საქართველოში NATO-ს ძალების საწვრთნელი ცენტრის განთავსების თაობაზე.


საკითხზე ოფიციალური პირები ამ ეტაპზე კომენტარს არ აკეთებენ, თუმცა, "აქცენტთან" ამასწინანდელ ინტერვიუში სამხრეთ კავკასიასა და ცენტრალურ აზიაში NATO –ს გენერალური მდივნის სპეციალურმა წარმომადგენლმა ჯეიმს აპატურაიმაც განაცხადა, რომ "ალიანსს სურს, საქართველოსთან შეინარჩუნოს თავსებადობის მაღალი დონე ავღანეთში NATO–ს მისიის დასრულების შემდეგაც":


„საქართველო ერთ-ერთია ალიანსის გაფართოებული შესაძლებლობების მქონე ძალზე მცირერიცხოვან პარტნიორებს შორის, რაც იძლევა მთელ რიგ ინსტრუმენტებს სამომავლოდ ერთობლივი მუშაობის გასაგრძელებლად. დარწმუნებული ვარ, ჩვენ ვიპოვით გზებს იმის უზრუნველსაყოფად, რომ საქართველო დარჩეს NATO–ს ერთ-ერთ მთავარ ოპერაციულ პარტნიორად.

ევროპული პოლიტიკის ანალიზის ცენტრის" სტრატეგიული სწავლებების მიმართულების ხელმძღვანელი, ​აშშ–ის არმიის ევროპული სარდლობის ყოფილი მეთაური, გადამდგარი გენერალ-ლეიტენანტი ბენ ჰოჯესი ფიქრობს, რომ NATO–მ უნდა გაითვალისწინოს საწვრთნელი ცენტრის თაობაზე ოფიციალური თბილისის შეთავაზება.
ვფიქრობ, საქართველოს შეუძლია, NATO–სა და სხვა ევროპელი პარტნიორებისთვის შესანიშნავი საწვრთნელი ცენტრის უზრუნველყოფა. ქვეყანაში ცოცხალი ცეცხლისა და მანევრისთვის კარგი სივრცეები, მთაში წვრთნების ჩასატარებლად შესანიშნავი ტერიტორიები და ამფიბიური მანევრებისთვის კარგი შესაძლებლობებია. შეიძლება, რომ საქართველოში აშენდეს საწვრთნელი ცენტრი, რომელიც დაახლოებით ისეთივე იქნება, როგორიცაა გერმანიაში მდებარე ჰოენფელსის. იგი არის აშშ-ის არმიის გაერთიანებული მრავალეროვანი მზადყოფნის ცენტრი"
, – განაცხადა ჰოჯესმა „აქცენტთან“ თემის კომენტირებისას.


ქართველი სამხედროების ჩართულობა პოლონეთში განთავსებულ NATO–ს ​ბატალიონში და ინდივიდუალური შესაძლებლობები


გარდა თბილისის შეთავაზების გათვალისწინებისა, ამერიკელი ანალიტიკოსი მიიჩნევს, რომ NATO–მ საქართველო პოლონეთში განთავსებულ NATO–ს ​ბატალიონში უნდა მიიწვიოს:



"NATO–მ უნდა მიიწვიოს საქართველო, შეუერთდეს პოლონეთში განთავსებულ "NATO–ს გაძლიერებული მოწინავე განლაგების" (EFP) მრავალეროვნულ ბატალიონს, რომელსაც აშშ ხელმძღვანელობს. ამ მისიაში მონაწილეობით უზრუნველყოფილი იქნება ქართველი ჯარისკაცების მუდმივი როტაცია, რომლებიც გაწვრთნილი იქნებიან მზადყოფნის უმაღლეს დონეზე და ამასთანავე, შეჩვეულნი იქნებიან NATO–ს სხვა ქვეყნების სამხედროებთან მუშაობას".

მისივე თქმით, ქართველი ოფიცრებისთვის არსებობს ინდივიდუალური შესაძლებლობებიც:


„მაგალითად, ქართველმა ოფიცრებმა შეიძლება, იმუშაონ ევროპაში განთავსებულ NATO–ს სხვადასხვა შტაბ-ბინაში. ამ კუთხით კარგი დასაწყისი იქნება რუმინეთში, სიბიუში განთავსებული შტაბ-ბინა. ეს უზრუნველყოფს იმას, რომ საქართველოს ეყოლება ოფიცრები ერთობლივი და მრავალეროვანი ოპერაციების გამოცდილებით. საბოლოო ჯამში, ეს უზრუნველყოფს იმას, რომ როდესაც საქართველო საბოლოოდ გახდება NATO–ს წევრი, მას უკვე ეყოლება ბევრი ოფიცერი, რომელსაც უკვე ექნება გავლილი წვრთნის მაღალი დონე და მიჩვეული იქნება ალიანსის ძალებთან ერთად მუშაობას".

ამასთან, ჰოჯესი მიიჩნევს, რომ "საქართველოს შეუძლია, გამოიყენოს თავისი ბრწყინვალე სანაპირო დაცვის შესაძლებლობები სხვადასხვა საერთაშორისო საზღვაო ოპერაციებში მონაწილეობისთვის.

წლებია, საქართველო ახდენს იმის დემონსტრირებას, რომ მას პროფესიონალი ოფიცრები და ჯარისკაცები ჰყავს. მათი ჩართულობა NATO–ს ნებისმიერ შტაბ–ბინაში, ორგანიზაციაში, გაერო–სა თუ ევროკავშირის ოპერაციებში არის ღირებული“, – დასძენს ამერიკელი ანალიტიკოსი.

​შეგახსენებთ, რომ ცოტა ხნის წინ საქართველოს თავდაცვის სამინისტროს მრჩეველმა რობერტ ჰამილტონმა და „ჰერითიჯ ფაუნდეიშენის“ ცენტრის დირექტორმა ლუკ კოფიმ ერთობლივი სტატია გამოაქვეყნეს, რომელშიც ისინი ავღანეთის მისიის დასრულების შემდეგ საქართველოსთის 5 შესაძლო ინიციატივაზე საუბრობენ და ყურადღებას ამახვილებენ NATO-სთან საქართველოს საკითხზე მუშაობის თაობაზე აშშ-ის როლზე.


რატომ უნდა იმუშაოს აშშ-მა NATO-სთან საქართველოს თაობაზე


ჰამილტონი და კოფი მიიჩნევენ, რომ მნიშვნელოვანია, აშშ-მა NATO-სთან იმუშაოს, რათა საქართველო ალიანსის წევრობის გზაზე დარჩეს და თავდაცვის ძალების შესაძლებლობების გაუმჯობესება განაგრძოს.


„თბილისმა იცის, რომ NATO–ში გაწევრიანება მეტწილად პოლიტიკური საკითხია. მან უკვე დააკმაყოფილა, ან გადააჭარბა იმ სამხედრო მოთხოვნებს, რაც საჭიროა „ცივი ომის“ შემდგომი აპლიკანტებისთვის. ამასთან, საქართველოს ლიდერებს ესმით, რომ NATO-სთან ოპერაციებში ყოფნა კრიტიკულია ალიანსის რადარზე დარჩენისთვის. თბილისის ხედვით, NATO–ს ოპერაციებში ქართული ძალების ჩართულობა აუცილებელია, მაგრამ წევრობისთვის საკმარისი არ არის: ამის გაკეთება არ იძლევა გაწევრიანების მიწვევის გარანტიას, მაგრამ ამის შეუსრულებლობა თითქმის იძლევა იმის გარანტიას, რომ ეს [მიწვევა] არასოდეს მოხდება. საქართველო ასევე დიდად აფასებს აშშ-ისა და ქართველ სამხედროებს შორის განსაკუთრებულ ურთიერთობს, რომელიც წლების განმავლობაში ერთად წვრთნებისა და ბრძოლის შედეგად ჩამოყალიბდა.

საქართველო საშიშ სამეზობლოშია და რუსეთი მუდმივ საფრთხეს წარმოადგენს. ამის მიუხედავად, საქართველომ შეძლო სერიოზული თავდაცვის რეფორმების განხორციელება და უსაფრთხოების ოპერაციებში მონაწილეობს გაცილებით მაღალი ტემპით, ვიდრე NATO–ს ბევრი ქვეყანა, სწორედ ამიტომ აშშ-მა NATO-სთან უნდა იმუშაოს, რათა უზრუნველყოს, რომ საქართველო ალიანსის წევრობის გზაზე დარჩეს და თავდაცვის ძალების შესაძლებლობების გაუმჯობესება განაგრძოს“, – აცხადებენ ჰამილტონი და კოფი.

accentnews.ge




დღის TOP 10 საინტერესო ამბავი

დღის TOP 10 საინტერესო ამბავი
access_time2021-09-23 21:00:22
დღის TOP 10 საინტერესო ამბავი:   1. ბათუმში კუნძულის აშენებას „ამბასადორი“ აპირებს – ახალი მონაცემები აჭარის მთავრობის თავმჯდომარის, თორნიკე რიჟვაძის მიერ დაანონსებული კუნძულის მშენებლობას ბათუმში შპს „ამბასადორი ბათუმი აილენდი“ გეგმავს.     2. მუნიციპალიტეტების შავი ხვრელი - რატომ...

ლარი დოლართან მიმართებით გაუფასურდა, ევროსთან კი გამყარდა

ლარი დოლართან მიმართებით გაუფასურდა, ევროსთან კი გამყარდა
access_time2021-09-23 18:00:28
23 სექტემბრის ვაჭრობის შედეგად ლარი აშშ დოლართან მიმართებაში 0.24 თეთრით 3.1179-მდე გაუფასურდა. Bloomberg-ის პლატფორმაზე დღის ბოლოს კურსმა 3.1100 შეადგინა. საერთაშორისო ვალუტებიდან ლარი ევროსთან 0.19 თეთრით 3.6532-მდე გამყარდა, ხოლო ბრიტანულ ფუნტთან 1.36 თეთრით 4.2650-მდე გაუფასურდა. თურქულ ლირასთან ლარი 0.01 თეთრით 0.3601-მდე, ხოლო აზერბაიჯანულ მანათთან 0.31 თეთრით 1.8322-მდე გამყარდა. 100 რუსულ რუბლთან კი 0.58 თეთრით 4.2872-მდე, ხოლო 1000 სომხურ დრამთან 3.35 თეთრით...

ბათუმში კუნძულის აშენებას „ამბასადორი“ აპირებს – ახალი მონაცემები

ბათუმში კუნძულის აშენებას „ამბასადორი“ აპირებს – ახალი მონაცემები
access_time2021-09-23 17:20:01
აჭარის მთავრობის თავმჯდომარის, თორნიკე რიჟვაძის მიერ დაანონსებული კუნძულის მშენებლობას ბათუმში შპს „ამბასადორი ბათუმი აილენდი“ გეგმავს. ეს ინფორმაცია „ბათუმელებმა“ ინფორმირებულ პირებთან კომუნიკაციისა და საჯარო რეესტრის მონაცემებზე დაყრდნობით დაადასტურა. ინვესტორი ელგუჯა ქებურიასთან ერთად ბიზნესმენი ფრიდონ ქათამაძეა, თუმცა მისი წილი კომპანიაში ბევრად მცირე – 18 პროცენტია. ამ პროექტისთვის შპს „ამბასადორ ბათუმი აილენდი“ 2021 წლის ივნისში დააფუძნა ოფშორში,...

BAG ინდექსი: კომპანიების საინვესტიციო გეგმები პანდემიამდე არსებულ მდგომარეობას უბრუნდება

BAG ინდექსი: კომპანიების საინვესტიციო გეგმები პანდემიამდე არსებულ მდგომარეობას უბრუნდება
access_time2021-09-23 14:30:32
BAG ინდექსის ფარგლებში, საქართველოს ბიზნეს ასოციაცია, წევრებისა და მათი შვილობილი კომპანიების ინვესტიციების ცვლილების ტენდენციასაც აკვირდება. ცხადია, 2020 წელს, მკვეთრად შემცირებული შიდა თუ საგარეო მოთხოვნის, ლოგისტიკური სირთულეებისა და სხვა დაბრკოლებების გათვალისწინებით, კომპანიებმა თავიანთი საინვესტიციო გეგმები მნიშვნელოვნად დააკორექტირეს. მიმდინარე წელს კი, პანდემიის მიუხედავად, ინვესტიციების ზრდის ტემპი კოვიდამდე არსებულ მდგომარეობას უბრუნდება. ცნობისათვის, 2019 წელს ჯამური ინვესტიციები...

ვლადიმერ პაპავა: საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია

ვლადიმერ პაპავა: საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
access_time2021-09-23 14:55:34
ეკონომიკის ექსპერტმა ვლადიმერ პაპავამ სარეკლამო ბიზნესზე ზეწოლის შესახებ „პრაიმტაიმის“ პრეს–კლუბში განცხადება გააკეთა. მისი თქმით, იმაზე საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია. „ქვეყანაში დღეს წინასაარჩევნო პერიოდია. დაძაბული სიტუაციაა. პოლიტიკურად ცხელი შემოდგომაა. ამ პირობებში არის ხშირი ურთიერთბრალდება. ამაში, სამწუხაროდ, ყვება ბიზნესი. ნუ გვავიწყდება, რომ ცხოვრება არჩევნების შემდეგაც გრძელდება და ეს...


მსგავსი სიახლეები

up