ნათია თურნავამ სამეცნიერო კონფერენციაში „კორონომიკა: ეკონომიკური მეცნიერების და ეკონომიკური პოლიტიკის თანამედროვე გამოწვევები“ მიიღო მონაწილეობა

ნათია თურნავამ სამეცნიერო კონფერენციაში „კორონომიკა: ეკონომიკური მეცნიერების და ეკონომიკური პოლიტიკის თანამედროვე გამოწვევები“ მიიღო მონაწილეობა

access_time2020-09-11 14:17:28

ეკონომიკისა და მდგრადი განვითარების მინისტრმა ნათია თურნავამ სამეცნიერო კონფერენციაში „კორონომიკა: ეკონომიკური მეცნიერების და ეკონომიკური პოლიტიკის თანამედროვე გამოწვევები მიიღო მონაწილეობა. ინფორმაციას ეკონომიკის სამინისტრო ავრცელებს.



სამინისტროს ცნობითვე, კონფერენცია, რომელიც ეკონომისტის დღის აღსანიშნავად გაიმართა, პროფესორ ნოდარ ხადურის ხსოვნას მიეძღვნა.



კონფერენციაზე გამოსვლისას ნათია თურნავამ მეცნიერ-ეკონომისტებს პროფესიული დღე მიულოცა და აღნიშნა, რომ მთავრობის ეკონომიკური გუნდი, სამინისტრო დღეს, როგორც არასდროს, ეყრდნობა ქართველი მეცნიერ-ეკონომისტების მოსაზრებებს, რჩევებს, პროგნოზებს და ამიტომ მთავრობის პოლიტიკა ყოველთვის უფრო რეალისტური, კარგად გააზრებული, დასაბუთებულია და შეიცავს მხოლოდ შესრულებად ამოცანებს.




„დღევანდელი გლობალური გამოწვევა - პანდემია და მასთან დაკავშირებული გლობალური ეკონომიკური კრიზისი კიდევ უფრო მეტად აქტუალურს ხდის ჩვენს თანამშრომლობას თბილისის სახელმწიფო უნივერსიტეტთან, ზოგადად მეცნიერ-ეკონომისტებთან. ეს ძალიან კარგად გამოგვდის და კარგი ტრადიცია გვაქვს. მე პირადად ვამაყობ, რომ ჩემი პირველი ნაბიჯები, როგორც ეკონომისტმა, დავიწყე სწორედ თსუ-ში და მას უკავშირდება ჩემი ჩამოყალიბება ეკონომისტად, - აღნიშნა ნათია თურნავამ.



ეკონომიკის მინისტრმა კიდევ ერთხელ გაუსვა ხაზი საქართველოს მთავრობის მაქსიმალურ ძალისხმევას იმისთვის, რომ საქართველოს მოსახლეობას ააცილოს ის დარტყმა და საფრთხე, რაც მოსდევს გლობალურ პანდემიას და გლობალურ ეკონომიკურ კრიზისს.



„ყველაფერს ვაკეთებთ, რომ ძალიან სწრაფად გავაძლიეროთ გაჯანსაღების, გამოცოცხლების ნიშნები, რასაც დღეს ვაკვირდებით და ვხედავთ ჩვენს ეკონომიკაში და რაც არის, ასე ვთქვათ, ჩვენი ანტიპანდემიური პოლიტიკის შედეგი. ცნობილია, რომ საკმაოდ დადებითი, მაღალი შეფასება მივიღეთ ამ დღეებში აშშ-ს სახელმწიფო დეპარტამენტის ანგარიშის ფარგლებში, რომელიც ასახავს საქართველოში არსებულ საინვესტიციო გარემოს. ძალიან ნიშანდობლივია, რომ ჩვენი ეფექტური ეკონომიკური პოლიტიკის, მიმზიდველი საინვესტიციო გარემოს ეს შეფასებები დროში დაემთხვა პირველ დადებით ნიშნებს, რომელსაც ავლენს ჩვენი ეკონომიკა, პირდაპირი უცხოური ინვესტიციების პოზიტიური დინამიკა, ვარდნის შენელება და დარწმუნებულები ვართ, სულ მალე ისევ დავუბრუნდებით ძლიერ, პოზიტიურ ტრაექტორიას ჩვენი ეკონომიკის განვითარებაში“, - განაცხადა ნათია თურნავამ.







ჩვენ კოვიდპაციენტის მართვაზე პასუხისმგებელი ვერ ვიქნებით - სადაზღვევო კომპანია "უნისონი“

ჩვენ კოვიდპაციენტის მართვაზე პასუხისმგებელი ვერ ვიქნებით - სადაზღვევო კომპანია
access_time2020-10-27 16:00:27
„ყველაფერი რაღაცის ხარჯზე ხდება, თუმცა, როდესაც უჭირს სახელმწიფოს და სისტემას, ყველა რესურსსგამოყენება უნდა,“ - ასე პასუხობს სადაზღვევო კომპანია „უნისონის“ ხელმძღვანელი ვასილ ახრახაძე კითხვას, ხომ არ მივიღებთ სისტემაში ხარვეზებს და ხომ არ გაუარესედება დაზღვეულთა მომსახურება.   „უნისონის“ რამდენი ოჯახის ექიმია ჩართული COVID-19-ის მართვაში,   როგორც ახრახაძე აცხადებს, რომ COVID-19-ის მართვაში "უნისონის" ოჯახის ექიმთა მინიმალური რაოდენობაა ჩართული....

„მედიკამენტების მაღალი ფასი ოლოგოპოლიით არაა გამოწვეული - წამლების სიძვირეს მოქმედი კანონი იწვევს“

„მედიკამენტების მაღალი ფასი ოლოგოპოლიით არაა გამოწვეული -  წამლების სიძვირეს მოქმედი კანონი იწვევს“
access_time2020-10-27 15:03:08
პოლიტიკური პარტია „გირჩის“ ლიდერმა, ზურაბ  ჯაფარიძემ საქართველოში მედიკამენტების მაღალ ფასებზე  და მათი სიძვირის მიზეზებზე ისაუბრა. დიდუბის მაჟორიტარი დეპუტატობის კანდიდატი აცხადებს, რომ საქართველოში მედიკამენტების მაღალი ფასი ოლოგოპოლიას და მონოპოლიას ბრალდება, თუმცა მისი თქმით, წამლების სიძვირეს რაელურად სხვა მიზეზი აქვს და მათი გიაფებაც საკმაოდ მარტივია. ზურაბ ჯაფარიძემ საქართველოში არსებული 9 მედიკამენტის ფასი თურქეთში იდენტური მედიკამენტების ფასებს...

SCROLL-ი უკრაინის ბაზარზე შევიდა

SCROLL-ი უკრაინის ბაზარზე შევიდა
access_time2020-10-27 14:29:21
Scroll-ის ელექტროსკუტერები უკვე უკრაინაშია. ამ ეტაპზე, გაქირავების სერვისით სარგებლობა მხოლოდ კიევშია შესაძლებელი. როგორც კომპანიის ბიზნეს განვითარების დირექტორმა „ბიზნესპარტნიორთან“ აღნიშნა, 2021 წლის გაზაფხულისთვის, Scroll-ის ელექტროსკუტერები უკრაინის სხვა ქალაქებშიც გამოჩნდება.   „შემდეგი წლის განმავლობაში ვაპირებთ სხვა ქალაქებშიც შევიდეთ, თუმცა ჩვენი გაფართოება სხვადასხვა ნიუანსზეა დამოკიდებული. მაგალითად, მნიშვნელოვანია როგორი მდგომარეობა იქნება პანდემიის კუთხით და...

სამსუნგის ფესტივალი მეგატექნიკაში!

სამსუნგის ფესტივალი მეგატექნიკაში!
access_time2020-10-27 11:30:31
მეგატექნიკაში სამსუნგის ფესტივალი დაიწყო! მეგატექნიკას ყველა ფილიალსა და ონლაინ მაღაზიაში, სამსუნგის ნებისმიერი ტექნიკის შეძენისას თქვენ  დასაჩუქრდებით ისეთი გრანდიოზული საჩუქრებით როგორიცაა ტელევიზორი, მიკროტალღური ღუმელი, საუნდბარი და სასაჩუქრე ვაუჩერები. მაგალითად თუ თქვენ უახლესი სმარტფონის შეძენა გსურთ, აუცილებლად უნდა გვეწვიოთ ფილიალებში და მიიღოთ საუკეთესო შეთავაზებები სამსუნგის ოფიციალურ ჰოლოგრამიან სმარტფონებზე. ფესტივალის ფარგლებში Trade In აქციით სარგებლობაც არის...

ნათია თურნავა - შეზღუდვები სწორ დროს დავაწესეთ და ამიტომ ვითარდება ჩვენი ეკონომიკა

ნათია თურნავა - შეზღუდვები სწორ დროს დავაწესეთ და ამიტომ ვითარდება ჩვენი ეკონომიკა
access_time2020-10-27 13:00:22
პანდემიასთან დაკავშირებით შეზღუდვები სწორ დროს დავაწესეთ და სწორედ ამიტომ ვითარდება ჩვენი ეკონომიკა, – ამის შესახებ ეკონომიკისა და მდგრადი განვითარების მინისტრმა, ნათია თურნავამ წალენჯიხაში, გაზიფიცირების პროგრამის განხორციელებასთან დაკავშირებული ღონისძიების შემდეგ განაცხადა. „ჩვენ დავაწესეთ შეზღუდვები აბსოლუტურად სწორ დროს, ეს იყო პანდემიის დასაწყისი, როდესაც არც არავინ საქართველოში და მსოფლიოში არ იცოდა სწორი რეაგირება პანდემიაზე; არ იყო ჯერ კიდევ ტესტირება იმ დონეზე;...


მსგავსი სიახლეები

up