ნათია თურნავამ ევროკავშირთან ვაჭრობის საკითხზე არაფორმალურ მინისტერიალში მიიღო მონაწილეობა

ნათია თურნავამ ევროკავშირთან ვაჭრობის საკითხზე არაფორმალურ მინისტერიალში მიიღო მონაწილეობა

access_time2019-05-21 16:14:06

საქართველოს ეკონომიკისა და მდგრადი განვითარების მინისტრმა ნათია თურნავამ ევროკავშირისა და DCFTA (ღრმა და ყოვლისმომცველი თავისუფალი სავაჭრო სივრცის შეთანხმება) პარტნიორების ვაჭრობის საკითხებზე მეორე არაფორმალური მინისტერიალის პლენარულ სხდომაში მიიღო მონაწილეობა. როგორც „კომერსანტს“ ეკონომიკის სამინიტსროდან აცნობეს, მინისტერიალში, რომელიც უკრაინის დედაქალაქ კიევში ჩატარდა, უკრაინისა და მოლდოვის სამთავრობო დელეგაციებიც მონაწილეობდნენ.



აღნიშნული ფორმატის ინიციატივა ევროკომისარს ვაჭრობის საკითხებში სესილია მალმსტრომს ეკუთვნის, რომლის ფარგლებში მხარეებს შესაძლებლობა ეძლევათ განიხილონ, თუ როგორ ინერგება ღრმა და ყოვლისმომცველი თავისუფალი ვაჭრობის სივრცის (DCFTA) ხელშეკრულება, რომელიც სამივე ქვეყანას გაფორმებული აქვს ევროპასთან.



საქართველოს, უკრაინისა და მოლდოვის წარმომადგენლებმა ხაზგასმით აღინიშნეს ევროკავშირთან ღრმა და ყოვლისმომცველი თავისუფალი სავაჭრო სივრცის განხორციელების პროგრესი და გამოწვევები. ამასთან, ხაზი გაესვა იმ ფაქტს, რომ DCFTA ქვეყნებსა და ევროკავშირს შორის ვაჭრობის მოცულობა ბოლო ოთხი წლის განმავლობაში მუდმივად იზრდება. საუბარი ასევე შეეხო წინა შეხვედრის ფარგლებში დაწყებულ განხილვას, რომელმაც მოიცვა ისეთი სფეროები, როგორებიცაა საბაჟო რეგულაციები, სანიტარული და ფიტოსანიტარული ღონისძიებები და სახელმწიფო შესყიდვები. თითოეული DCFTA ქვეყანა ასევე მუშაობს ინტელექტუალური საკუთრების უფლებების დაცვის უზრუნველყოფის მიმართულებით და ვაჭრობისათვის ბარიერების აღმოფხვრაზე.



მინისტერიალის პლენარულ სხდომაზე აღინიშნა, რომ ევროკავშირი კვლავაც მხარს დაუჭერს სამივე ქვეყანაში DCFTA-ს დანერგვას ასოცირების შეთანხმების ფარგლებში მნიშვნელოვანი რეფორმების განხორციელების მიზნით, ასევე ხაზი გაესვა იმ გარემოებას, თუ რამდენად მნიშვნელოვანია მმართველობის განვითარება და კანონის უზენაესობის განმტკიცება, რაც, თავის მხრივ, ხელს შეუწყობს ინვესტიციებსა და ვაჭრობის ზრდას.



ღონისძიებაზე მხარეებმა განიხილეს როგორც DCFTA-ს განხორციელების დეტალები, ისე ქართული, უკრაინული და მოლდოვური კომპანიების ევროკავშირზე ოპერირების წარმატების ისტორიები.




ღრმა და ყოვლისმომცველი თავისუფალი სავაჭრო სივრცის (DCFTA) ფარგლებში ბიზნესმენებთან მრგვალი მაგიდა გაიმართა, სადაც მონაწილე კომპანიებმა წარმოადგინეს საკუთარი წარმატების ისტორიები და განიხილეს DCFTA-ს ფარგლებში არსებული შესაძლებლობები და გამოწვევები.



ღრმა და ყოვლისმომცველი თავისუფალი სავაჭრო სივრცის ქვეყნებიდან ევროკავშირის ქვეყნებში ექსპორტიორთა რიცხვი 2015 წლიდან მნიშვნელოვნად გაიზარდა ყველა DCFTA ქვეყნისთვის, კერძოდ საქართველოში ეს მაჩვენებელი 35%-ით გაიზარდა, მოლდოვაში - 40%-ით, ხოლო უკრაინაში - 26%. აღინიშნა, რომ ექსპორტზე ორიენტირებული კომპანიები იმის დადასტურებაა, რომ აღმოსავლეთ პარტნიორობის რეგიონის შიგნით, ისევე როგორც რეგიონსა და ევროკავშირს შორის სავაჭრო კავშირების გაღრმავება ეკონომიკური ზრდისა და ახალი სამუშაო ადგილების შექმნის საწინდარია. ამ მიზნით, მხარეებმა ხაზი გაუსვეს რეფორმების გატარების და შეთანხმების ფარგლებში ნაკისრი ვალდებულებების სრულად განხორციელების მნიშვნელობა.



მხარეებმა განიხილეს ბიზნესპლატფორმებისა და ე.წ. B2B ფორმატის ჩამოყალიბების მნიშვნელობა. სამომავლოდ, მიღებული იქნება შესაბამისი ზომები DCFTA-ის ფარგლებში არსებული კონტაქტების კიდევ უფრო გაღრმავებისათვის.



მხარეები მიესალმნენ უკრაინას და საქართველოს მიერ ოქმის ხელმოწერას, რომელიც საშუალებას მისცემს მხარეებს, დანერგონ „რეგიონული პან-ევრო-ხმელთაშუაზღვის კონვენციის წარმოშობის შესახებ წესები, რაც პროდუქციის წარმომავლობის დადგენისა და რეგიონალურ ღირებულების ჯაჭვში მისი გავრცელების შესაძლებლობას იძლევა. ამავდროულად, უკრაინამ და მოლდოვამ და, ასევე, საქართველომ და მოლდოვამ კიდევ ერთხელ დაადასტურეს თავიანთი მზადყოფნა გააგრძელონ თანამშრომლობა პან-ევრო-ხმელთაშუაზღვის წესების გამოყენების მიმართულებით.



საქართველოს ეკონომიკისა და მდგრადი განვითარების მინისტრის ნათია თურნავას ინიციატივით, მხარეები შეთანხმდნენ, რომ მე-3 არაფორმალური მინისტერიალი გაიმართება თბილისში 2020 წელს. მან ასევე მოიწვია მინისტერიალის მონაწილენი 11 ივლისს ბათუმში აღმოსავლეთ პარტნიორობის საინვესტიციო ფორუმზე, რომელიც პირველად ჩატარდება და საერთაშორისო კონფერენციის «საქართველოს ევროპული გზა პარალელურად გაიმართება.



არაფორმალური მინისტერიალის მუშაობაში ასევე მონაწილეობნენ ეკონომიკისა და მდგრადი განვითარების მინისტრის მოადგილე გენადი არველაძე და საქართველოს ელჩი უკრაინაში გელა დუმბაძე.







m2-ს გაყიდვების ინოვაციური კულტურა

m2-ს გაყიდვების ინოვაციური კულტურა
access_time2019-09-21 17:01:21
                                                                                              დეველოპერული კომპანია „m2 უძრავი ქონება“ გაყიდვების მიმართულებით მომსახურების კულტურისა და...

აკაკი ზოიძე - არ დავუშვებთ, ერთი მხრივ, ბიზნესი ზედმეტი რეგულაციებით დავახრჩოთ და მეორე მხრივ, არსებობდეს მონური შრომა

აკაკი ზოიძე - არ დავუშვებთ, ერთი მხრივ, ბიზნესი ზედმეტი რეგულაციებით დავახრჩოთ და მეორე მხრივ, არსებობდეს მონური შრომა
access_time2019-09-21 13:00:25
არის მცდელობა იმ პროცესის დისკრედიტაცია მოხდეს, რომელიც ჩვენი მოქალაქეების უფლებების დაცვას ემსახურება, – ამის შესახებ პარლამენტის ჯანდაცვის კომიტეტის თავმჯდომარე აკაკი ზოიძემ განაცხადა შრომის კოდექსში დაგეგმილ ცვლილებებთან დაკავშირებით.   მისი თქმით, ამ საკითხზე აბსოლუტურად დაუსაბუთებელი წუხილებია და საზოგადოებაში მცდარი ინფორმაცია გავრცელდა.   „რატომღაც მცდელობაა, იმ პროცესის დისკრედიტაციის, რომელიც მხოლოდ ჩვენი მოქალაქეების უფლებების დაცვას...

ბეჭდები ქვევრის თემაზე - Tsikolia-ს ახალი ხაზი

ბეჭდები ქვევრის თემაზე - Tsikolia-ს ახალი ხაზი
access_time2019-09-21 11:00:59
დიზაინერი ზვიად ციკოლია ქვევრის თემაზე საიუველირო ნაწარმის შექმნას იწყებს.   როგორც bm.ge-ის დიზაინერმა განუცხადა, ახალ ხაზში თავიდან იქნება ბეჭდები, რომელსაც დაემატება საყურეები, ყელსაბამები და ა.შ.   ბრენდს Tsikolia ერქმევა.   „ქვევრს მე ბევრნაირად ვხედავ. ის არის ჩვენი ერის საიდენტიფიკაციო ატრიბუტი, ამიტომ ვაგრძელებ ქვევრის ხაზს და მალე კიდევ ბევრ სხვა რამეს იხილავთ“, - უთხრა ციკოლიამ bm.ge-ის.   დიზაინერს...

„ერთიანი აგროპროექტის“ ფარგლებში სამეგრელოს რეგიონში ლოკოკინების ფერმა ამოქმედდა

„ერთიანი აგროპროექტის“ ფარგლებში სამეგრელოს რეგიონში ლოკოკინების ფერმა ამოქმედდა
access_time2019-09-21 10:00:49
ხობის მუნიციპალიტეტის სოფელ ახალ ხიბულაში თანამედროვე სტანდარტებით აღჭურვილი ლოკოკინების ფერმა „ნადი გრუპი“ სახელმწიფოს დახმარებით, „ერთიანი აგროპროექტის“ ფარგლებში აშენდა. ფერმის ასაშენებლად ჯამურად 1,410,000 ლარის ინვესტიცია განხორციელდა, საიდანაც 1,260,000 ლარი ბენეფიციარმა შეღავათიანი აგროკრედიტით მიიღო. გარემოს დაცვისა და სოფლის მეურნეობის მინისტრის მოადგილემ, გიორგი ხანიშვილმა, სოფლისა და სოფლის მეურნეობის განვითარების სააგენტოს დირექტორთან ოთარ შამუგიასთან, სამეგრელო ზემო-სვანეთის...

„ყურძნის ბირჟა“ - მოსავლის გაყიდვის ალტერნატიული გზა ინტერნეტში

„ყურძნის ბირჟა“ - მოსავლის გაყიდვის ალტერნატიული გზა ინტერნეტში
access_time2019-09-21 18:00:07
უკვე რამდენიმე დღეა, ინტერნეტსივრცეში ვებსაიტი „ყურძნის ბირჟა“ გამოჩნდა. ვებგვერდზე თავად მევენახე წერს დეტალურად, რა ჯიშისა და რაოდენობის ყურძენი აქვს გასაყიდი, სად მდებარეობს ვენახი, რა ღირს ერთი კილოგრამი ყურძენი და როდის უნდა მოიკრიფოს მოსავალი. იქვე მითითებულია კონკრეტული მევენახის საკონტაქტო ინფორმაცია. როგორც ვებგვერდზე წერია, მისი შემქმნელები არიან სხვადასხვა პროფესიის ადამიანები და ერთადერთი მიზანი აქვთ...


მსგავსი სიახლეები

up