ნათია თურნავამ ჩინეთის ტრანსპორტის მინისტრთან „შუა დერეფნის

ნათია თურნავამ ჩინეთის ტრანსპორტის მინისტრთან „შუა დერეფნის" განვითარების შესაძლებლობები განიხილა

access_time2019-11-05 14:25:09

ჩინეთში ვიზიტის ფარგლებში, ეკონომიკისა და მდგრადი განვითარების მინისტრი ნათია თურნავა ჩინეთის ტრანსპორტის მინისტრს ლი სიაოპენგს შეხვდა.შეხვედრაზე განხილული იყო საქართველოსა და ჩინეთს შორის ორმხრივი ეკონომიკური თანამშრომლობის საკითხები, მათ შორის, განსაკუთრებული ყურადღება გამახვილდა სატრანსპორტო კავშირების განვითარების საკითხებზე, მათ შორის, „ერთი სარტყელი, ერთი გზის" ინიციატივის ფარგლებში.


აღინიშნა, რომ ეკონომიკური და სავაჭრო ურთიერთობების გაღრმავების პარალელურად, საქართველომ და ჩინეთმა მიაღწიეს მნიშვნელოვან პროგრესს ყველა სატრანსპორტო დარგის მიმართულებით თანამშრომლობის გაძლიერებაში. კერძოდ, გამოითქვა იმედი, რომ საქართველოსა და ჩინეთის სატრანსპორტო კავშირები კიდევ უფრო განვითარდება, რათა უზრუნველვყოთ წვდომა მთავარ ბაზრებზე, ხელი შევუწყოთ მობილობას და ურთიერთკავშირებს ორივე მხარის სასარგებლოდ. მათ შორის, აზიასა და ევროპას შორის მოკლე და საიმედო სატრანსპორტო მარშრუტების განვითარებისათვის, რაც თანხვედრაშია ,,Belt and Road" ინიციატივის ძირითად მიზნებთან.


ნათია თურნავას განცხადებით, საქართველოს მთავრობა განსაკუთრებით დაინტერესებულია სარკინიგზო - მულტიმოდალური გადაზიდვების შემდგომი განვითარებითა და ტრანსკასპიური საერთაშორისო სატრანსპორტო მარშრუტის, იგივე შუა დერეფნის, გავლით რეგულარული ბლოკ-მატარებლების ინტენსივობის გაზრდით. აღინიშნა, რომ ბოლო წლების განმავლობაში შუა სატრანზიტო დერეფნის გამოყენება გაიზარდა. მხოლოდ 2018 წელს, გადაზიდული კონტეინერების რაოდენობამ მიაღწია 1332 TEUS- ს. უფრო მეტიც, 2019 წლის 9 თვის განმავლობაში უკვე მოხდა 1215 TEU -ს ტრანსპორტირება, რაც 2018 წლის იმავე პერიოდის მაჩვენებლებთან შედარებით 25.5% – ით მეტია.


მინისტრმა აღნიშნა, რომ მატარებლის რეგულარული მიმოსვლის დაწყება ლიანიუნგანგის პორტიდან სტამბულამდე მნიშვნელოვანი წინგადადგმული ნაბიჯია შუა დერეფნის გასავითარებლად. ამასთან, 2019 წლის ოქტომბერში საპილოტე ბლოკ-მატარებელი გამოემგზავრა ჩინეთის ქალაქ სიანიდან ჩეხეთის დედაქალაქის პრაღის მიმართულებით. სიანის ლოგისტიკური კომპანიები მოწადინებული არიან, ეს მიმართულება რეგულარული გახადონ.


ნათია თურნავამ დეტალურად ისაუბრა იმ ღონისძიებებზე, რომელსაც ქვეყნის მთავრობა ახორციელებს შუა დერეფნის პოპულარიზების მიმართულებით. მათ შორის, პირდაპირი საკონტეინერო გემის მიმოსვლის დაწყება უკრაინასთან, მემორანდუმის გაფორმება რუმინეთსა და აზერბაიჯანთან, რათა ბათუმსა და რუმინეთის პორტ კონსტანცას შორის რეგულარული საფიდერო მიმოსვლა დაიწყოს. ასევე მიმდინარეობს მუშაობა ბულგარეთთან საბორნე მიმოსვლის სიხშირის გაზრდაზე შავი ზღვაზე შეუფერხებელი მიმოსვლის უზრუნველყოფისათვის, რაც საშუალებას მოგვცემს, გვქონდეს უკეთესი წვდომა ევროპულ ბაზარზე და მოვიზიდოთ მეტი ტვირთი და სხვ.



„ჩვენ გვაქვს ამბიცია, რათა შუა დერეფანი ევროპასთან ვაჭრობისთვის ჩინეთის პრიორიტეტულ მარშრუტებს შორის მოხვდეს," - განაცხადა საქართველოს ეკონომიკისა და მდგრადი განვითარების მინისტრმა.
შუა დერეფნის პოტენციალისა და მისი განვითარების მნიშვნელობაზე გაამახვილა ყურადღება ჩინეთის ტრანსპორტის მინისტრმაც, მისი თქმით, აღნიშნულ მარშრუტს აქვს დიდი შესაძლებლობა და მას სჭირდება გამოყენება. ლი სიაოპენგმა გაიზიარა ქართველი კოლეგის შეთავაზება, შეიქმნეს მუდმივმოქმედი სამუშაო ჯგუფი, რომელიც აქტიურად იმუშავებს შუა დერეფნის შესაძლებლობების გაზრდასა და დღეს არსებული გამოწვევების აღმოფხვრაზე.


შეხვედრაზე ასევე გამახვილდა ყურადღება თანამშრომლობის გაძლიერებაზე ქვეყნებს შორის სამოქალაქო ავიაციისა და საზღვაო ტრანსპორტის სფეროში.


„კომერსანტი“




Le Monde: ავსტრალიური ხანძრები - დამთბარი მსოფლიოს მომავალი

Le Monde: ავსტრალიური ხანძრები - დამთბარი მსოფლიოს მომავალი
access_time2020-01-19 18:00:38
დედამიწა იწვის - პირდაპირი გაგებით. ავსტრალიაში, ამაზონიაში, კამბოჯაში ასობით ათასი ჰექტარი ტყეები გახვეულია ცეცხლში, რაც იწვევს ადამიანების დაღუპვას, ფლორის განადგურებას, და ფაუნის გადაშენებას.   ეს დრამატული მოვლენები  - მხოლოდ უმნიშვნელო მინიშნებაა იმაზე, თუ რა ელის კაცობრიობას დამთბარ მსოფლიოში. 14 იანვარს გამოქვეყნებული ინგლისელი და ავსტრალიელი მეცნიერების კვლევის თანახმად, კლიმატი სწრაფად იცვლება თითქმის ყველგან, რაც ზრდის ხანძრების...

„ვალები სტრესს იწვევს“ - ამსტერდამის მთავრობა ახალგაზრდების სესხებს შეისყიდის

„ვალები სტრესს იწვევს“ - ამსტერდამის მთავრობა ახალგაზრდების სესხებს შეისყიდის
access_time2020-01-19 11:00:31
ამსტერდამის მთავრობამ გადაწყვიტა, ახალგაზრდების ვალები შეისყიდოს და ისინი სესხებისგან გაათავისუფლოს.   როგორც Guardian -ი წერს, ნიდერლანდელი ახალაგზრდები სულ უფროდაუფრო მეტ სესხს იღებენ და ეს ევროპაში ერთგვარი ტრენდი გახდა, მათ შორის დიდ ბრიტანეთში. მიზეზი ხშირ შემთხვევაში, ძვირადღირებულები საგანმანათლებლო კურსების დამთავრებაა.   პროექტის თანახმად, მუნიციპალური საკრედიტო ბანკი კრედიტორებთან ვალების შესყიდვაზე მოლაპარაკებებს...

ლევან კობერიძე - ჯანდაცვის სფეროში 520-ე დადგენილებასთან დაკავშირებით ძალიან დიდი პრობლემებია

ლევან კობერიძე - ჯანდაცვის სფეროში 520-ე დადგენილებასთან დაკავშირებით ძალიან დიდი პრობლემებია
access_time2020-01-18 21:00:59
მინდა გითხრათ, რომ ჯანდაცვის სფეროში 520-ე დადგენილებასთან დაკავშირებით ძალიან დიდი პრობლემებია, - ამის შესახებ დამოუკიდებელმა დეპუტატმა ლევან კობერიძემ პარლამენტის ბიუროს სხდომაზე განაცხადა.   მისი განმარტებით, სამედიცინო სერვისები მოქალაქეებს შეფერხებით მიეწოდება, 520-ე დადგენილება კი არც რეფორმა არ არის და არც ფასწარმოქმნა.   „დადგენილების ამოქმედებიდან 2 თვეზე მეტი გავიდა და მთავრობის წევრებთან მხოლოდ რამდენიმე პიარ შეხვედრა ჩატარდა, მე ასე...

ვის ეკუთვნის და რა შემოსავალზე მუშაობს „ისთ ფოინთი“ - როგორი იყო კომპანიის ფინანსური მაჩვენებლები 2018 წელს

ვის ეკუთვნის და რა შემოსავალზე მუშაობს „ისთ ფოინთი“  - როგორი იყო კომპანიის ფინანსური მაჩვენებლები 2018 წელს
access_time2020-01-19 16:00:49
სავაჭრო ცენტრმა „ისთ ფოინთმა“, რომელიც 2015 წლის სექტემბერში გაიხსნა, 2018 წელი ზარალით დაასრულა. ამის შესახებ კომპანიის 2018 წლის ინდივიდუალური ანგარიშიდან...

„მომდევნო კვირიდან თბილისში 18 მეტრიანი ავტობუსი დაიწყებს მოძრაობას“

„მომდევნო კვირიდან თბილისში 18 მეტრიანი ავტობუსი დაიწყებს  მოძრაობას“
access_time2020-01-18 17:00:42
„მომდევნო კვირიდან თბილისში 18 მეტრიანი ავტობუსი დაიწყებს მოძრაობას სატესტო რეჟიმში“ - ამის შესახებ ტრანსპორტის საქალაქო სამსახურის ხელმძღვანელი ვიქტორ წილოსანი „ფეისბუქის“ პირად გვერდზე...


მსგავსი სიახლეები

up