ნათია თურნავა: საერთაშორისო ინვესტორები და საფინანსო ინსტიტუტები ნდობას უცხადებენ ჩვენს ეკონომიკას

ნათია თურნავა: საერთაშორისო ინვესტორები და საფინანსო ინსტიტუტები ნდობას უცხადებენ ჩვენს ეკონომიკას

access_time2021-06-18 17:00:00

„საქართველოს რკინიგზის“ მიერ მწვანე ევრობონდების ლონდონის საფონდო ბირჟაზე წარმატებით განთავსება იმ ნდობის ცალსახა გამოხატულებაა, რასაც საერთაშორისო ინვესტორები, საფინანსო ინსტიტუტები საქართველოს მთავრობას, ჩვენს ეკონომიკურ პოლიტიკას, ჩვენ ეკონომიკას უცხადებენ, - ამის შესახებ ეკონომიკისა და მდგრადი განვითარების მინისტრმა ნათია თურნავამ „საქართველოს რკინიგზის“ მიერ ლონდონის საფონდო ბირჟაზე მწვანე ევროობლიგაციები განათავსების შესახებ კომენტირებისას განაცხადა. ინფორმაციას ეკონომიკის სამინისტრო ავრცელებს. 



მინისტრის თქმით, ეს ძალიან მნიშვნელვანი ფაქტია და აღსანიშნავია, რომ „საქართველოს რკინიგზამ“ მწვანე ევრობონდები ლონდონის საფონო ბირჟაზე უპრეცედენტო პირობებით - 7-წლიანი ვადით, წლიურ 4.00%-ში, 500 მილიონი აშშ დოლარის მოცულობით განათავსა.



„საერთაშორისო ინვესტორები და საფინანსო ინსტიტუტები ნდობას უცხადებენ ჩვენს ეკონომიკას, რომლის სტაბილურობა ძალიან ოპტიმისტურადაა შეფასებული და ამიტომაც იყო ასეთი მაღალი ნდობა ამ ფასიანი ქაღალდების მიმართ, 8-ჯერ გადააჭარბა ინტერესმა თითოეულ შეთავაზებასთან შედარებით. მართლაც, ეს არის საქართველოს ეკონომიკური პერსპექტივის, საქართველოს სატრანსპორტო და ლოგისტიკური პოტენციალის განვითარების დიდი აღიარება“, - აღნიშნა ნათია თურნავამ.



მისივე თქმით, იგივე ბონდების განთავსება 2012 წელს 8%-ად მოხდა, ამჯერად კი „საქართველოს რკინიგზამ“ ორჯერ უფრო იაფად, ორჯერ უფრო ხელმისაწვდომად მოახერხა ძველი ვალის რეფინანსირება, რითიც რამდენიმე მილიონი დოლარი დაზოგა.



„მნიშვნელოვანია ისიც, რომ მომავალში ამ ინდიკატორით ისარგებლებენ სხვა კერძო კომპანიები, ვინც „საქართველოს რკინიგზის“ ფასიანი ქაღალდებით საერთაშორისო საფონდო ბირჟებზე ივაჭრებენ და მოიზიდავენ დაფინანსებას ხელმისაწვდომი პირობებით. ყოველივე ეს მიემართება ჩვენს ეკონომიკაში, რომელიც სწრაფად უნდა აღდგეს კოვიდის შემდეგ“, - განაცხადა ნათია თურნავამ.



აღსანიშნავია, რომ კავკასიის რეგიონში ეს პირველი პრეცენდენტია, როდესაც სატრანსპორტო კომპანიამ ლონდონის საფონდო ბირჟაზე გამოუშვა 500 მილიონი დოლარის მწვანე ობლიგაცია.



ტრანზაქციაში საკმაოდ მაღალი იყო ინვესტორების ინტერესი. საქართველოს რკინიგზის არსებული გუნდის თავდაუზოგავი შრომის შედეგად, მოხდა ისეთი საერთაშორისო ფინანსური ინსტიტუტების მოზიდვა, როგორებიც არიან ADB (აზიის განვითარების ბანკი) და EBRD (ევროპის რეკონსტრუქციისა და განვითარების ბანკი), რომლებმაც ახალ ემისიაში ინვესტორების როლი შეასრულეს.









ლარი მცირედით გაუფასურდა

ლარი მცირედით გაუფასურდა
access_time2021-08-03 18:00:52
3 აგვისტოს ვაჭრობის შედეგად ლარი აშშ დოლართან მიმართებაში 0.06 თეთრით 3.1048-მდე გაუფასურდა. Bloomberg-ის პლატფორმაზე კი დღის ბოლოს კურსი 3.1065-ზე დაფიქსირდა. დოლარის მსგავსად ლარი ასევე გაუფასურდა ევროსთან, 0.13 თეთრით 3.69.19-მდე, ბრიტანულ ფუნტთან 0.86 თეთრით 4.3247-მდე, თურქულ ლირასთან 0.17 თეთრით 0.3729-მდე, 100 რუსულ რუბლთან 0.55 თეთრით 4.2633-მდე, 1000 სომხურ დრამთან 2.92 თეთრით 6.3566-მდე, აზერბაიჯანულ მანათთან კი უმნიშვნელო 0.01 თეთრით 1.8265-მდე...

დღის TOP 10 მნიშვნელოვანი ამბავი

დღის TOP 10 მნიშვნელოვანი ამბავი
access_time2021-08-03 21:00:09
დღის TOP 10 მნიშვნელოვანი ამბავი:   1. ბიზნესმენების აზრი – იყო თუ არა გახარია „ბოლი“ პრემიერი? ბიზნესმენი დავით ბეგიაშვილი: „ბიზნესს გიორგი გახარიამ ვერანაირი სარგებელი ვერ მოუტანა. ჯერ კიდევ ბიზნესომბუდსმენის პოსტზე, მას სექტორის სასარგებლად ფაქტობრივად არაფერი გაუკეთებია“.   2. ინფლაცია 10–წლიან...

კულუმბეგოვი შეზღუდვების, მათ შორის კომენდანტის საათის შემოღებას ითხოვს

კულუმბეგოვი შეზღუდვების, მათ შორის კომენდანტის საათის შემოღებას ითხოვს
access_time2021-08-03 16:00:25
ალერგოლოგ-იმუნოლოგი ბიძინა კულუმბეგოვი„ფეისბუქის“ პირად გვერდზე გარკვეული შეზღუდვების სასწრაფოდ დაწესების აუცილებლობაზე საუბრობს.   „კომერსანტი“ მის პოსტს უვლელად გთავაზობთ:   „სამედიცინო პირბადე ყველგან, KN95 პირბადე რისკის დაავადების პირებისთვის, ღამის გადაადგილების აკრძალვა, რესტორნები მხოლოდ ღია სივრცეში, 5 ადამიანზე მეტის შეკრების შეზღუდვა, მასიური ტესტირების და ვაქცინაციის ცენტრები...   შეზღუდვები უსწრაფესად ასამოქმედებელია,...

GALT & TAGGART: ინფლაციის ორნიშნა მაჩვენებელს 2022 წლის I კვარტალშიც უნდა ველოდოთ

GALT & TAGGART: ინფლაციის ორნიშნა მაჩვენებელს 2022 წლის I კვარტალშიც უნდა ველოდოთ
access_time2021-08-03 17:00:00
ივლისში ინფლაციის ტემპი კიდევ უფრო დაჩქარდა და ორნიშნულიან მაჩვენებელს 11.9%-ს მიაღწია, რაც 10-წლიანი რეკორდია. ამ ფონზე, Galt & Taggart-ის ეკონომისტი ლაშა ქავთარაძე ინფლაციის ორნიშნა მაჩვენებელს პროგნოზირებს 2022 წელსაც. მისი თქმით, მომდევნო თვეებში ინფლაცია კვლავ ორნიშნა მაჩვენებელზე იქნება და შესაძლოა უფრო მაღალიც იყოს მიმდინარე წლის დეკემბერში. “ივნისის ინფლაციაზე მოქმედი ფაქტორები შენარჩუნდა ივლისშიც, რომელსაც კიდევ ერთი ფაქტი ემატება,...

ონლაინკაზინოების წილმა ინტერნეტშესყიდვებში 67%-ს გადააჭარბა

ონლაინკაზინოების წილმა ინტერნეტშესყიდვებში 67%-ს გადააჭარბა
access_time2021-08-03 15:00:17
ბოლო 10 წელიწადში ინტერნეტშესყიდვების მოცულობა 20-ჯერ გაიზარდა. მკვეთრი ნახტომის მიზეზი Amazon.com-ის ან რომელიმე სხვა მსგავსი საიტის პოპულარობის ზრდა არ გამხდარა. 2020 წელს ბარათებით გადარიცხული 5.458 მლრდ ლარიდან 3.708 მლრდ, ანუ 67.9% ონლაინკაზინოების ანგარიშზე გადამისამართდა. 2011 წელს ბარათებით ინტერნეტშესყიდვების მოცულობამ 185 მლნ ლარი შეადგინა. 2020 წლის დეკემბერში, მხოლოდ 1 თვეში, კაზინოების ანგარიშზე 415 მლნ ლარი ჩაირიცხა. თუ მხოლოდ ქართულ...


მსგავსი სიახლეები

up