ნათია თურნავა - „საქართველოს მთავრობამ ინტენსიური რეფორმები განახორციელა, რათა გაძლიერებულიყო სატრანსპორტო ინფრასტრუქტურა“

ნათია თურნავა - „საქართველოს მთავრობამ ინტენსიური რეფორმები განახორციელა, რათა გაძლიერებულიყო სატრანსპორტო ინფრასტრუქტურა“

access_time2019-10-22 21:45:00

სატრანსპორტო კავშირები არის ვაჭრობის, ინვესტიციებისა და სოციალურ-ეკონომიკური განვითარების მთავარი ფაქტორი. ამიტომ გასაკვირი არაა, რომ ამ კავშირების გაძლიერება განხილვების ცენტრშია, როდესაც საქმე საერთაშორისო თანამშრომლობის გაღრმავებასა და რეგიონალურ ინტეგრაციას ეხება, - ამის შესახებ ეკონომიკისა და მდგრადი განვითარების მინისტრმა ნათია თურნავამ „თბილისის აბრეშუმის გზის ფორუმის“ პანელზე, სახელწოდებით „სატრანსპორტო კავშირები - ტრანსფორმაცია აბრეშუმის გზის გასწვრივ და მის მიღმა“ საუბრისას განაცხადა. ინფორმაციას ეკონომიკის სამინისტრო ავრცელებს.



მინისტრის განცხადებით, გაზრდილი ეკონომიკური ურთიერთდამოკიდებულება საჭიროებს უფრო ძლიერი სატრანსპორტო კავშირებს აზიასა და ევროპას შორის.



„ამ კონტექსტში, საქართველო შეიძლება იყოს ხიდის ამგები აზიასა და ევროპას შორის", - აღნიშნა ნათია თურნავამ.
მისივე თქმით, ბოლო წლებში საქართველოს მთავრობამ ინტენსიური რეფორმები განახორციელა, რათა გაძლიერებულიყო სატრანსპორტო ინფრასტრუქტურა, მომხდარიყო ქვეყნის უკეთესი ინტეგრაცია სატრანსპორტო ქსელის გლობალურ და რეგიონალური ღირებულების ჯაჭვად.



ეკონომიკის მინისტრის განცხადებით, სატრანსპორტო ინფრასტრუქტურის განვითარებისთვის დიდი რესურსები იხარჯება.
„რკინიგზის მოდერნიზაცია და ბაქო-თბილისი-ყარსის სარკინიგზო მაგისტრალის გახსნა, აღმოსავლეთ-დასავლეთის გზატკეცილისა და ანაკლიის ღრმაწყლოვანი ნავსადგურის მშენებლობა, ქუთაისის საერთაშორისო აეროპორტის გაფართოება - ყველა ეს პროექტი ერთად აუმჯობესებს სატრანსპორტო ქსელის მუშაობას, მნიშვნელოვნად ზრდის მის საიმედოობას და შესაძლებლობებს“, - განაცხადა ნათია თურნავამ.



ეკონომიკის მინისტრის თქმით, ინფრასტრუქტურის გარდა, განსაკუთრებული ყურადღება ეთმობა ევროკავშირის სატრანსპორტო შესყიდვებთან ლეგალურ დაახლოებასა და საერთაშორისო სტანდარტებს, რაც ამ სფეროში მნიშვნელოვან გაუმჯობესებას იწვევს. დადებულია 100-ზე მეტი ორმხრივი მთავრობათაშორისი სატრანსპორტო ხელშეკრულება, რითაც საქართველო ცდილობს უფრო მეტად შეუწყოს ხელი საერთაშორისო ტრანსპორტირებასა და მობილობას.




„ამასთან დაკავშირებით უნდა აღვნიშნო, რომ საქართველომ დიდი ნაბიჯები გადადგა საზღვრის ეფექტური მართვის უზრუნველსაყოფად და მისი საბაჟო პროცედურების გამარტივებისთვის, რაც ხელს უწყობს საქონლისა და მგზავრების გადაადგილებას და ამის უზრუნველყოიფას“, - განაცხადა ნათია თურნავამ.



პანელზე გამოსვლისას ეკონომიკის მინისტრმა, ასევე ხაზი გაუსვა, რომ საქართველო აქტიურად არის ჩართული სხვადასხვა სატრანსპორტო ინიციატივებში, როგორებიცაა TRACECA, CAREC, Lapis Lazuli, შუალედური დერეფანი.



„ყველა ეს ინიციატივა კიდევ უფრო აძლიერებს ჩვენს შესაძლებლობებს. საქართველოს გაუმჯობესებულმა სატრანსპორტო კავშირებმა შეიძლება სარგებელი მოუტანოს არამარტო სამხრეთ კავკასიისა და ცენტრალური აზიის ქვეყნებს, რომლებთაც არ აქვთ პირდაპირი გასასვლელი ზღვაზე, არამედ ჩინეთსა და ევროკავშირს, რომლებიც დაინტერესებულნი არიან ახალი ბაზრების ათვისებით", - განაცხადა ეკონომიკისა და მდგრადი განვითარების მინისტრმა.



მისივე თქმით, ტრანს-ევროპული ქსელის (TEN-T) გაფართოება აღმოსავლეთ პარტნიორობის ქვეყნებში კიდევ უფრო აძლიერებს საქართველოს როლს ევროპა-აზიის კავშირში.



„ჩვენ გვინდა გავაუმჯობესოთ სატრანსპორტო კავშირები შავ ზღვის პორტებთან იმის უზრუნველსაყოფად, რომ ევროპაში და ევროპიდან საქართველოს პორტების გავლით გადაზიდვები მინიმალურ დროში განხორციელდეს“, - დასძინა ნათია თურავამ.







აშშ-ში პრემიუმ კლასის ღვინოების დახლზე ქართული ღვინო „მტევინო“ გაიყიდება

აშშ-ში პრემიუმ კლასის ღვინოების დახლზე ქართული ღვინო „მტევინო“ გაიყიდება
access_time2020-10-24 18:00:14
აშშ-ში პრემიუმ კლასის ღვინოების დახლზე ქართული ღვინო „მტევინო“ გამოჩნდება. კომპანიამ ექსპორტთან დაკავშირებული მოლაპარაკებები აშშ-სთან წარმატებით დაასრულა. ექსკლუზიური ხელშეკრულება ამერიკელ იმპორტიორებთან უკვე გაფორმებულია და სულ მალე, ამერიკელი მომხმარებელი ოთხი სახეობის  ქართულ ღვინოს დააგემოვნებს. მტევინოს გენერალური დირექტორის ლელა კობიაშვილის თქმით, ეს ღვინოებია: მტევინო რქაწითელი, ხაშმის საფერავი, მტევინოს მუკუზანი და ხაშმის საფერავი...

საქართველოში, ბოლო 24 საათში, კორონავირუსის 1941 ახალი შემთხვევა დაფიქსირდა

საქართველოში, ბოლო 24 საათში, კორონავირუსის 1941 ახალი შემთხვევა დაფიქსირდა
access_time2020-10-24 11:19:45
საქართველოში, ბოლო 24 საათში, კორონავირუსის 1941 ახალი შემთხვევა დაფიქსირდა. ამის შესახებ ინფორმაციას მთავრობის მიერ შექმნილი ვებ გვერდი stopcov.ge ავრცელებს. ამ დროისთვის საქართველოში კორონავირუსის 26 503 შემთხვევაა დადასტურებული. გამოჯანმრთელდა კიდევ 412 პაციენტი, გამოჯანმრთელებულთა საერთო რაოდენობაა 10 163. კორონავირუსის შედეგად, ქვეყანაში ბოლო 24 საათში ათი პაციენტი გარდაიცვალა. გარდაცვლილთა რაოდენობა ჯამში 193-ს...

ბიუჯეტის შემოსავალი დღგ-დან წლიურად 295 მილიონითაა შემცირებული

ბიუჯეტის შემოსავალი დღგ-დან წლიურად 295 მილიონითაა შემცირებული
access_time2020-10-24 19:55:29
2020 წლის ბიუჯეტის 9 თვის შესრულების ანგარიშიდან ირკვევა, რომ კერძო სექტორის მიერ გადახდილი დამატებული ღირებულების გადასახადის მოცულობა 2.79 მილიარდ ლარს შეადგენს, რაც მართალია 2020 წლის კორექტირებული ბიუჯეტის გეგმის 106%-ია, თუმცა 2019 წლის მაჩვენებელთან შედარებით 294.6 მილიონი ლარით არის შეცმირებული. 2020 წლის 12 თვეში დღგ-ის გეგმა 3.74 მილიარდ ლარს შეადგენს. შედარებისთვის, ეს თანხა 2019 წელს მობილიზებულ 4.04 მილიარდ ლართან მიმართებით 300 მილიონი ლარით ნაკლებია. დღგ-ის...

დღის Top 10 საინტერესო ამბავი

დღის Top 10 საინტერესო ამბავი
access_time2020-10-23 21:00:15
დღის Top 10 საინტერესო ამბავი:   1. თბილისს ხვალიდან 126 ახალი ავტობუსი მოემსახურება მუნიციპალური ავტოპარკის განახლების პროექტის ფარგლებში, თბილისის სატრანსპორტო კომპანიამ, ევროპის რეკონსტრუქციისა და განვითარების ბანკის (EBRD) ხელშეწყობით, 226 ერთეული 12-მეტრიანი, კომპრესირებულ ბუნებრივ აირზე (CNG) მომუშავე, EURO 6-ის სტანდარტის ავტობუსი შეისყიდა. მათი ნაწილი...

23 ოქტომბერი - რეგიონში ყველა ვალუტა გაუფასურდა

23 ოქტომბერი - რეგიონში ყველა ვალუტა გაუფასურდა
access_time2020-10-23 18:15:38
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 23 ოქტომბრის ვაჭრობის შედეგად, ეროვნული ვალუტა აშშ დოლართან მიმართებით გაუფასურდა, რის შედეგადაც ერთი დოლარის ოფიციალური ღირებულება 3.2202 ლარი...


მსგავსი სიახლეები

up