ნათია თურნავა:  „პროფესიული განათლების სექტორის მხარდაჭერა არის ჩვენი ერთ-ერთი მაღალი დონის პრიორიტეტი

ნათია თურნავა: „პროფესიული განათლების სექტორის მხარდაჭერა არის ჩვენი ერთ-ერთი მაღალი დონის პრიორიტეტი"

access_time2019-12-03 23:05:57

ეკონომიკისა და მდგრადი განვითარების სამინისტროს ინიციატივით, დღეს განათლების, მეცნიერების, კულტურისა და სპორტის სამინისტროში საქართველოს სამკერვალო ინდუსტრიის წარმომადგენლებთან შეხვედრა გაიმართა, სადაც დარგის საერთო გამოწვევებზე ისაუბრეს. ინფორმაციას ეკონომიკის სამინისტრო ავრცელებს.



როგორც ნათია თურნავამ და მიხეილ ჩხენკელმა განაცხადეს, ბიზნესმენთა პრობლემების ხელშეწყობა საქართველოს მთავრობის ერთ-ერთი მთავარი ამოცანაა. ითქვა, რომ აღნიშნული შეკრების ჩატარება 18 ოქტომბერს ნათია თურნავასა და სამკერვალო დარგის წარმომადგენელთა შეხვედრაზე დაიგეგმა, რომლის დროსაც გამოიკვეთა დარგის წინაშე არსებული მთავარი გამოწვევები. მათ შორის განსაკუთრებული ყურადღება გამახვილდა კადრების მომზადებისა და კვალიფიკაციის საკითხზე.



შეხვედრაზე ტექსტილის კომპანიების წარმომადგენლებმა საკუთარ საჭიროებებზე ისაუბრეს და შესაბამისი მიმართულების პროფესიული პროგრამის შექმნაში მონაწილების მზადყოფნა გამოთქვეს. აღინიშნა, რომ განათლების, მეცნიერების, კულტურისა და სპორტის სამინისტრო მზად არის, დააფინანსოს ტექსტილის კომპანიების საჭიროების შესაბამისი კვალიფიციური კადრების მოსამზადებელი პროფესიული პროგრამები. მხარეები თანამშრომლობის დეტალებზე შეთანხმდნენ და მომავალი სამუშაო შეხვედრები დაგეგმეს.




„საქართველოს პრემიერ-მინისტრის დავალებით ჩვენი სამინისტრო პერიოდულად ხვდება სხვადასხვა ინდუსტრიის წარმომადგენლებს. ცოტა ხნის წინ შევხვდით ტექსტილის ინდუსტრიას, 20-ზე მეტი საწარმო იყო, როდესაც განვიხილეთ ის ძირითადი გამოწვევები, რის წინაშეც დარგი დგას, ერთ-ერთი მთავარი იყო პროფესიული კადრების ნაკლებობა. ეს გამოწვევა არის სწორედ ის მთავარი ამოცანა და გამოწვევა, რაზეც ჩვენ ყველანი ერთად ვმუშაობთ, რადგან პროფესიული განათლების სექტორის მხარდაჭერა არის ჩვენი სამინისტროს და ჩვენი მთავრობის ერთ-ერთი მაღალი დონის პრიორიტეტი," - ამის შესახებ ეკონომიკისა და მდგრადი განვითარების მინისტრმა ნათია თურნავამ შეხვედრის დასრულების შემდეგ.




„წინა შეხვედრაზე დავპირდით ტექსტილის ინდუსტრიის წარმომადგენლებს, რომ შემდეგი შეხვედრა ჩატარდებოდა იმ სამინისტროში, რომელიც დღეს გვმასპინძლობს. ჩვენ კონკრეტულად ვმსჯელობთ, როგორ დავეხმაროთ ჩვენი ორი სამინისტრო ამ კომპანიებს და მხარი დავუჭიროთ ადამიანების მომზადება-გადამზადებას ისეთ პროგრამებში, რაც არ შეუქმნის განვითარების პრობლემას ტექსტილის ინდუსტრიას - იქნება ეს კონსტრუქტორები, დიზაინერები, ტექნოლოგები თუ სხვა მოთხოვნადი სპეციალობები, სადაც ადამიანთა დასაქმების მზადყოფნას უკვე ახლავე ავლენს ჩვენი სამკერვალო ინდუსტრია," - აღნიშნა ნათია თურნავამ.



მინისტრის შეფასებით, ეს არის ქართული წარმოების მხარდაჭერის ერთ-ერთი მიმართულება. „სხვა ბევრი გზაც არსებობს, რითიც გვერდში ვუდგავართ ბიზნესს - მათ შორის არის „აწარმოე საქართველოში" პროგრამა, ასევე სხვადასხვა საერთაშორისო ბაზრებზე საექსპორტო მხარდაჭერა, მაგრამ კვალიფიციური კადრების გადამზადება იმისთვის, რომ ადამიანები ღირსეულად დასაქმდნენ ქვეყნის შიგნით და მის გარეთ, არის ჩვენი მთავარი პრიორიტეტი," - განაცხადა ეკონომიკისა და მდგრადი განვითარების მინისტრმა.



მიხეილ ჩხენკელის თქმით, განათლების, მეცნიერების, კულტურისა და სპორტის სამინისტროს ერთ-ერთი პრიორიტეტია პროფესიული განათლების მიმართულებით კვალიფიციური კადრების მომზადება, რომლებიც ბაზრის მოთხოვნებს დააკმაყოფილებენ და სწრაფად დასაქმდებიან. ამისათვის პროფესიულ კოლეჯებსა და კერძო კომპანიებს შორის მჭიდრო თანამშრომლობა უნდა არსებობდეს, მათ შორის, პროფესიული პროგრამების შემუშავების დონეზეც.







2020 წლისთვის ბათუმში სამი ახალი ინოვაციების ცენტრი გაიხსნება

2020 წლისთვის ბათუმში სამი ახალი ინოვაციების ცენტრი გაიხსნება
access_time2019-12-08 10:00:01
საქართველოს ინოვაციების და ტექნოლოგიების სააგენტოს თავმჯდომარემ, ავთანდილ კასრაძემ, რადიო კომერსანტის გადაცემაში „მთავარი ფაქტორი" სააგენტოს 2020 წლის გეგმებზე ისაუბრა.   "2020 წლისთვის სამი ახალი ინოვაციების ცენტრი გაიხსნება ბათუმში, კასპსა და გურჯაანში. 2020 წელსვე დასრულდება სამუშაოები, მნიშვნელოვანია რეგიონების ჩართვა ამ ეკოსისტემაში, განსაკუთრებით ბათუმის. გვეყოლება 40 ახალი სტარტაპი, რომელიც 100 ათასი ლარით დაფინანსდება და 10 სტარტაპი 650 ათას ლარიანი საგრანტო...

საპენსიო სააგენტოში ლევან სურგულაძის გადადგომის შესახებ ინფორმაციას არ ადასტურებენ

საპენსიო სააგენტოში ლევან სურგულაძის გადადგომის შესახებ  ინფორმაციას არ ადასტურებენ
access_time2019-12-07 20:32:24
საპენსიო სააგენტოში არ ადასტურებენ მედიაში გავრცელებულ ინფორმაციას ლევან სურგულაძის გადადგომის შესახებ ინფორმაციას. როგორც კომერსანტს უწყებაში განუცხადეს,  საპენსიო სააგენტოს დირექტორი ლევან სურგულაძე განმარტებას სავარაუდოდ ორშაბათს გააკეთებს. კურიერის ინფორმაციით, საპენსიო სააგენტოს ხელმძღვანელი თანამდებობას ტოვებს. ლევან სურგულაძეს განცხადება გადადგომის შესახებ უკვე დაწერილი აქვს და ოფიციალურად ამის თაობაზე მალე საჯაროდ...

Washington Post: დონალდ ტრამპის მოსამსახურეები არალეგალი იმიგრანტები იყვნენ

Washington Post: დონალდ ტრამპის მოსამსახურეები არალეგალი იმიგრანტები იყვნენ
access_time2019-12-07 20:00:18
  აშშ-ს დღევანდელი პრეზიდენტი დონალდ ტრამპი ცნობილია თავისი ანტიმიგრანტული განცხადებებით, თუმცა, როგორც ამბობს მისი ოჯახის 2 ყოფილი მოსამსახურე, ტრამპის სახლში და მისი კომპანიის გოლფ-კლუბებში ძირითადად მუშაობდნენ სწორედ არალეგალი-მიგრანტები,   ერთ-ერთი მათ შორის არის კოსტა-რიკელი  სანდრა დიასი.   ტრამპის სახლში შესვლის წინ მას უნდა დაეცვა რამდენიმე წესი - პირველი რიგში, ის უნდა ყოფილიყო უჩინარი. ტრამპის პირადი მოსამსახურე...

ალექსანდრ ლუკაშენკო - ბელორუსია არ შექმნის ერთიან პარლამენტს რუსეთთან

ალექსანდრ ლუკაშენკო - ბელორუსია არ შექმნის ერთიან პარლამენტს რუსეთთან
access_time2019-12-07 16:00:09
  „ბელორუსია არასდროს არ შევა რუსეთის შემადგენლობაში და არ შექმნის ერთიან პარლამენტს. ჩვენ ამას არასდროს არ განვიხილავდით. დაიმახსოვრეთ - მე არ ვარ ბიჭუნა, რომელიც იყო პრეზიდენტი 3-4-5 წელი, და მე არ მსურს ხაზი გადავუსვა ყველაფერს, რასაც მივაღწიეთ ერთად - სუვერენულ დამოუკიდებელ სახელწიფოს. ჩვენ მას არ გადავაგდებთ და არ ვაჩუქებთ არავის. ჩემ დროს ეს არ მოხდება. ეს ჩვენი ქვეყანაა, დამოუკიდებელი და სუვერენული. ამით უნდა ვიამაყოთ“,  - განაცხადა ბელორუსიის პრეზიდენტმა...

მომავალ წელს 3000 IT სპეციალისტის გადამზადება იგეგმება

მომავალ წელს 3000 IT სპეციალისტის გადამზადება იგეგმება
access_time2019-12-07 14:00:30
ინოვაციებისა და ტექნოლოგიების სააგენტოს (GITA) ხელმძღვანელის ავთანდილ კასრაძის თქმით, მსოფლიო ბანკის მხარდაჭერით 3000 IT სპეციალისტი გადამზადდება. ავთანდილ კასრაძემ, რადიო კომერსანტის გადაცემაში „მთავარი ფაქტორი“ სტარტაპის სტატუსის მინიჭების სამართლებრივ ასპექტებზეც ისაუბრა.  „მომავალ წელს ვგეგმავთ 3 ათასი IT სპეციალისტის გადამზადებას. როცა ცოდნის ექსპორტზე ევსაუბრობთ, ხაზი უნდა გავუსვათ იმას,რომ საინფორმაციო ტექნოლოგიები არის ის მთავარი მიმართულება, რომლითაც შეგვიძლია რომ...


მსგავსი სიახლეები

up