„მაკდონალდსის“ ახალ რესტორანში 72 ადამიანი დასაქმდება, რაც მნიშვნელოვანია პანდემიით გამოწვეული კრიზისის პირობებში,“ - ამის შესახებ ეკონომიკისა და მდგრადი განვითარების მინისტრმა, ნათია თურნავამ „მაკდონალდსის“ ახალი რიგით მეთვრამეტე რესტორნის გახსნის ღონისძიებაზე განაცხადა.

მისასალმებელ სიტყვაში, მინისტრმა მიულოცა კომპანია „მაკდონალდს საქართველოს“ მენეჯმენტსა და პერსონალს ახალი რესტორნის გახსნა და აღნიშნა, რომ კომპანია მრავალი წელია, ქართულ და ამერიკულ საქმეს ერთად აკეთებს.

ახალი რესტორანი თბილისში, კახეთის გზატკეცილზე გაიხსნა, სადაც განხორციელებულმა ინვესტიციამ 6,5 მლნ ლარი შეადგინა. „მაკდონალდს საქართველო“ 2020 წელს თბილისში კიდევ ერთ რესტორანს გახსნის, 2021 წლისთვის კი ქსელს კიდევ 2 რესტორანი შეემატება. 2020 წელს კომპანიის მიერ ორ რესტორანში განხორციელებულმა ინვესტიციამ 12,5 მლნ ლარი შეადგინა. ორივე პროექტში ჯამში 150 ადამიანი დასაქმდება.