„გვექნება ძალიან გამჭვირვალე, მკაფიო კრიტერიუმები და პირველ რიგში იმ ქვეყნებიდან დავიწყებთ ტურისტების მიღებას, რომლებიც ამ კრიტერიუმებს უპასუხებენ“, - ამის შესახებ ეკონომიკის მინისტრმა ნათია თურნავამ „ქრონიკაში“ განაცხადა.
„რაც შეეხება კონრეტულ ქვეყნებს, მინისტრის განცხადებით, მნიშვნელოვანია, ეპიდემიოლოგიურ ვითარებაზე დაკვირვება, ეს სიტუაცია მუდმივად იცვლება. „ამიტომ, ჩვენ გვექნება ძალიან გამჭვირვალე, მკაფიო კრიტერიუმები და პირველ რიგში იმ ქვეყნებიდან დავიწყებთ ტურისტების მიღებას, რომლებიც ამ კრიტერიუმებს უპასუხებენ. მთავარი ჩვენთვის არის უსაფრთხოება“, - განაცხადა ნათია თურნავამ.
რაც შეეხება რუსეთს და სომხეთს, სადაც ეპიდემია მძვინვარებს.
„ჩვენ გვექნება განსხვავებული მიდგომა, საწყის ეტაპზე მაინც, ვიდრე ყველა ქვეყანა უსაფრთხო არ გახდება ჩვენთვის. მიდგომა, რა თქმა უნდა, იქნება სელექტიური.
ჩვენს სამეზობლოს ყოველთვის დიდი მნიშვნელობა ჰქონდა. რეგიონის ქვეყნებიდან მომავალი ტურისტები ძალიან პოზიტიურ როლს თამაშობდნენ ჩვენს საერთო ტურისტულ ინდუსტრიაში, მაგრამ დღეს, ისევ ვაკვირდებით ქვეყნების ეპიდემილოგიურ ვითარებას და როგორც კი მოგვეცემა საშუალება, ალბათ, მაშინ მივუბრუნდებით რეგიონს, სხვაგანაც თუ გამოსწორდა ვითარება, სიას, საიდანაც ტურისტები შემოვლენ, სხვა ქვეყნებიც დაემატება.
ძალიან აქტიურად ვსაუბრობთ რამდენიმე ევროპულ ქვეყანასთან და მნიშვნელოვანია, რომ ჩვენი ევროპელი პარტნიორები დიდ მზადყოფნის გამოხატავენ, მათ შორის ჩეხეთი, საბერძნეთი და ასე შემდეგ. თუმცა მნიშვნელოვანია, როგორ რეგულაციებს მიიღებს ევროკავშირი.
როგორც კი, ეს საერთო რეგულაციები იქნება საჯარო, იმედი გვაქვს, რომ მეტი წინგადადგმული ნაბიჯი გვექნება კონკრეტულ ქვეყნებთან, რომლებთანაც წინასწარი სამუშაო არის გაწეული“, - აღნიშნა ნათია თურნავამ.
რა სავალდებულო რეგულაციები დახვდება ამა თუ იმ ქვეყნიდან ჩამოსულ ვიზიტორს, ნათია თურნავამ აღნიშნა, რომ გარკვეულ ქვეყნებში იმოქმედებს გამარტივებული პროცედურები და დარჩება ქვეყნები, რომლებთანაც ალბათ, სავალდებულო კარანტინს შევინარჩუნებთ.
მისივე განმარტებით, ეს არის პირობითი სია, რომელიც ცვალებადი იქნება. მინისტრი იმედოვნებს, რომ უსაფრთხო ქვეყნების სიას მეტი ქვეყანა დაემატება.
ნათია თურნავას შეფასებით, 2020 წლის მარტსა და აპრილში ეკონომიკის ვარდა ლოგიკური იყო.
„ის ნეგატიური მონაცემები რაც ჩვენ მარტსა და აპრილში გვქონდა არის გლობალური კრიზისით და პანდემიით გამოწვეული. სწორედ ამ თვეებში ჩვენ მინიმუმამდე დავიყვანეთ მობილობა და ეკონომიკური აქტივობა. იმის გამო რომ არ დაგვეშვა ეპიდემიის გავრცელება და პრევენციული ზომები გამოგვეყენებინა“, - ამის შესახებ ეკონომიკის მინისტრმა ტელეკომპანია „იმედის“ გადაცემა „ქრონიკაში“ განაცხადა.
მისი თქმით, ობიექტური სახით, თუ რა ვითარებაა ჩვენს ეკონომიკაში, გლობალური პანდემიის ფონზე ივლისის სტატისტიკაში გამოჩნდება. „ჩვენ ეტაპობრივად გავხსენით ეკონომიკა, მაგრამ რა თქმა უნდა ნეგატიური ზემოქმედება იქნება. შემაკავებელი ზომები აღარ იარსებებს და იქნება გავლენა გლობალური ეკონომიკური კრიზისის. რა თქმა უნდა ესეც ნეგატიური თვეები იქნება“, - აღნიშნა თურნავამ.
ეკონომიკის მინისტრის პროგნოზით, პოსტკრიზისული სტრატეგია, რომელიც მზადების პროცესშია და მალე იქნება გასაჯაროებული, იძლევა იმის საფუძველს, რომ 2021 წელი პოზიტიური იქნება. „სწორედ ასე წინასწარმეტყველებენ ჩვენი საერთაშორისო პარტნიორები, საერთაშორისო სავალუტო ფონდი. ერთ-ერთი კონსერვატიული მსაჯული აკვირდება რა პროცესებს ხედავს მთავრობის ძალისხმევას,სტრუქტურული რეფორმებიც არ გაგვიჩერებია ამ მძიმე პერიოდში. მაკროეკონომიკურ სტაბილურობას ვინარჩუნებთ, მაქსიმალურად სოციალურ პოლიტიკას ვაძლიერებთ, ვეხმარებით დაზარალებულ ადამიანებსა და ინდუსტრიებს. ეს ყველაფერი აისახება იმაში, რომ 2021 წელი იქნება ეკონომიკური ზრდის წელი“, - განაცხდა ნათია თურნავამ.
საქსტატის მონაცემებით, 2020 წლის აპრილში ქვეყნის ეკონომიკა -16%-ით შემცირდა.