ნათია თურნავა - „აწარმოე საქართველოში

ნათია თურნავა - „აწარმოე საქართველოში" წარმატებული პროგრამაა, მაგრამ ახალი ცვლილებით მეტი აქცენტი რეგიონებში მცირე და საშუალო ბიზნესის განვითარებაზე გაკეთდება

access_time2020-01-22 22:15:37

ეკონომიკისა და მდგრადი განვითარების მინისტრმა ნათია თურნავამ სსიპ სააგენტოს „აწარმოე საქართველოში 2019 წლის ანგარიში და 2020 წლის სამომავლო პროექტების შესახებ ინფორმაცია მოისმინა. ინფორმაციას ეკონომიკის სამინისტრო ავრცელებს. აღნიშნული სააგენტო ახორციელებს მეწარმეობის სტიმულირების პროგრამას „აწარმოე საქართველოში. პრეზენტაციას ასევე დაესწრო მინისტრის მოადგილე ირაკლი ნადარეიშვილი.



სააგენტოს დირექტორის მიხეილ ხიდურელის განცხადებით, 2014 – 2019 წლებში „აწარმოე საქართველოში პროგრამის მხარდაჭერით 359 საწარმო ამოქმედდა, მათგან 85 საწარმო 2019 წელს დაფინანსდა. ამასთან, საანგარიშო პერიოდში 13,000 - ზე მეტი ახალი სამუშაო ადგილი შეიქმნა. პროგრამის სასტუმრო კომპონენტის ფარგლებში, 2016 – 2019 წლებში საქართველოს რეგიონებში 136 სასტუმრო დაფინანსდა, რითიც ქვეყნის ტურისტულ სექტორს 3850 ახალი სასტუმრო ოთახების რაოდენობა შეემატა და 3 ათასზე მეტი ახალი სამუშაო ადგილი შეიქმნა. რაც შეეხება კინოინდუსტრიის განვითარების კომპონენტს, 2016 – 2019 წლებში მისი დახმარებით 31 პროექტი განხორციელდა და 17400 დროებითი სამუშაო ადგილი შეიქმნა.



2019 წლის 20 ივნისის მოვლენების შემდეგ რუსეთიდან რეგულარული ავიარეისების შეჩერებამ საქართველოში მცირე და საოჯახო სასტუმროები დიდად დააზარალა. მათ მხარდასაჭერად პროგრამაში „აწარმოე საქართველოში შეიქმნა თანადაფინანსების მექანიზმი მცირე და საოჯახო ინდუსტრიის ხელშეწყობისთვის. მიხეილ ხიდურელის განცხადებით, ამ პროგრამით 2019 წლის სექტემბერი - დეკემბრის პერიოდში 177 განაცხადი დაფინანსდა.



სააგენტოს დირექტორის განცხადებით, 2020 წელს პროგრამის სტრუქტურაში ცვლილება შევიდა და ის უფრო მეტად ორიენტირებული გახდა რეგიონებში მცირე და საშუალო ბიზნესის საჭიროებებზე, რაც შეეხება ახალ დარგობრივ მიმართულებებს, მათ დაემატა ბალნეოლოგიური კურორტების განვითარება, თევზჭერა, კერამიკული წარმოება, ტურისტული სერვისების შეთავაზება და სხვ.



მიხეილ ხიდურელმა ყურადღება გაამახვილა კიდევ ერთ პრიორიტეტულ მიმართულებაზე, როგორიცაა ექსპორტი და მისი ხელშეწყობა. 2019 წელს სააგენტოს დახმარებით 120-მა ქართულმა კომპანიამ მონაწილეობა მიიღო 16 საერთაშორისო გამოფენაში. გარდა ამისა, სააგენტო სისტემატურად აწყობს ტრენინგებს ექსპორტის მენეჯერებისთვის. 2014 – 2019 წლებში ამ სერვისით 263-მდე ექსპორტის მენეჯერმა ისარგებლა. 2020 წლისთვის სააგენტო გეგმავს სავაჭრო პლატფორმის www.tradewithGeorgia.ge განვითარებას.



პრეზენტაციაზე ასევე ყურადღება გამახვილდა სააგენტოს მიერ მომზადებულ 2020 – 21 წლებში ინვესტიციების მოზიდვის სტრატეგიას და მის განხორციელების გზებზე. ამ სტრატეგიის შედეგად, უახლოეს ორ წელიწადში, ბევრ სხვა სიკეთესთან ერთად, ყველაზე მაღალანაზღაურებად, პერსპექტიულ დარგებში 3500 ახალი სამუშაო ადგილი უნდა შეიქმნას. დოკუმენტი IFC-ის (საერთაშორისო საფინანსო კორპორაციის) მეთოდოლოგიითა და საერთაშორისო ექსპერტების ჩართულობით მომზადდა. ის ასახავს საქართველოს განვითარების იმ ეტაპზე ყოფნას, როდესაც შესაძლებელი ხდება ქვეყანაში უფრო მაღალტექნოლოგიური, ცოდნაზე დაფუძნებული და სტრატეგიულად მნიშვნელოვანი ინვესტიციების მოზიდვა.



„აწარმოე საქართველოში ერთ-ერთი ყველაზე წარმატებული პროგრამაა, რომელიც მეწარმეობის სტიმულირების მიზნით მოქმედებს. პროგრამის ფარგლებში 2014 წლიდან დღემდე რამდენიმე ასეული საწარმო ამოქმედდა და ათასობით ახალი სამუშაო ადგილები შეიქმნა. 2020 წლიდან პროგრამაში ცვლილებები შევიდა და ახალი პრიორიტეტული მიმართულებები განისაზღვრა. მისი ვექტორი მეტად იქნება მიმართული რეგიონების ეკონომიკურ განვითარებასა და ადგილებზე ბიზნეს პროექტების მხარდაჭერაზე. მეტი აქცენტი გაკეთდება მცირე და საშუალო ბიზნესზე, აგრეთვე ისეთი დარგების ხელშეწყობაზე, როგორიცაა თევზჭერა, კერამიკული წარმოება, ბალნეოლოგიური საკურორტო ზონებისა და ტურისტული სერვისების განვითარება. პროგრამა ცვლილების შემდეგ უფრო მეტად იქნება მორგებული თანამედროვე მოთხოვნებს და დღეს ჩვენი ქვეყნის წინაშე არსებულ გამოწვევებს. გარდა ამისა, პრიორიტეტებს შორის დარჩება ისეთი მიმართულებები, როგორიცაა საექსპორტო და იმპორტჩანაცვლებადი წარმოებების განვითარება, - განაცხადა ეკონომიკისა და მდგრადი განვითარების მინისტრმა ნათია თურნავამ.








დღის Top-10 საინტერესო ამბავი

დღის Top-10 საინტერესო ამბავი
access_time2020-02-21 21:30:32
დღის Top-10 საინტერესო ამბავი 1.როგორ ემზადება ხელისუფლება ხანძარსაშიში სეზონისთვის - ზაფხულამდე 3 თვე რჩება „კომერსანტი“ დაინტერესდა არის თუ არა მზად და რა ღონისძიებებს ახორციელებს...

სამედიცინო ასოციაციები მთავრობაში გასაგზავნ წერილს ასაჯაროებენ

სამედიცინო ასოციაციები მთავრობაში გასაგზავნ წერილს ასაჯაროებენ
access_time2020-02-21 16:29:38
საქართველოს სამედიცინო ასოციაციების გაერთიანება და მისი წევრი 37 კლინიკა  პრემიერს წერილს უგზავნის. განცხადების ტექსტს "კომერსანტი" უცვლელად გთავაზობთ:"სამედიცინო ასოციაციების გაერთიანების 7 თებერვლის სხდომაზე კიდევ ერთხელ იქნა განხილული საქართველოს მთავრობის 2019 წლის 5 ნოემბრის 520-ე დადგენილების შედეგები.მიღებულ იქნა ერთობლივი განცხადება:საქართველოს მთავრობის 520-ე დადგენილებასთან დაკავშირებით სამედიცინო ასოციაციების...

ბათუმში „ოცნების ქალაქის“ მშენებლობა ბიუჯეტს 38,7 მილიონი ლარი დაუჯდება

ბათუმში „ოცნების ქალაქის“ მშენებლობა ბიუჯეტს 38,7 მილიონი ლარი დაუჯდება
access_time2020-02-21 15:15:09
წელიწადში და ექვს თვეში აქ აშენდება 582 ბინა, რომელიც იქნება თქვენი, იქნება ამ ბავშვების და რომლებმაც თქვენ, საქართველოს მოქალაქეებს უნდა მოგცეთ საშუალება, რომ ყოველ დღე იცხოვროთ ღირსეულად და გაზარდოთ ღირსეული შვილები, - ამის შესახებ საქართველოს პრემიერ-მინისტრმა გიორგი გახარიამ ბათუმში, „ოცნების ქალაქის“ მშენებლობის გახსნაზე სიტყვით გამოსვლისას...

„სესხის ამომღები კომპანიები განულებულ სესხებს თავიდან ითხოვენ“

„სესხის ამომღები კომპანიები განულებულ სესხებს თავიდან ითხოვენ“
access_time2020-02-21 16:10:21
„სესხის ამომღები კომპანიები განულებულ სესხებს თავიდან ითხოვენ“ - ამის შესახებ „კომერსანტს“ ადვოკატმა მარიკა არევაძემ განუცხადა. მისი თქმით, კვირის განმავლობაში უკვე მესამე შემთხვევა დაფიქსირდა, როდესაც მას დახმარებისთვის მიმართავენ.    „გვახსოვს ყველას, რომ 2018 წლის დეკემბერში „ფონდმა ქართუმ“ პრობლემური აქტივების შეძენა გადაწყვიტა და მოსახლეობას სესხები გაუნუნლა. მონაცემები აღბეჭდილი იყო vali.ge-ზე, მაგრამ დღესდღეობით საიტი აღარ...

გიორგი გახარია - ქუთაისს მალე ექნება უზარმაზარი საგანმანათლებლო ცენტრი, რომლის მნიშვნელობაც პარლამენტის შენობაზე ბევრად მეტია

გიორგი გახარია - ქუთაისს მალე ექნება უზარმაზარი საგანმანათლებლო ცენტრი, რომლის მნიშვნელობაც პარლამენტის შენობაზე ბევრად მეტია
access_time2020-02-21 14:45:27
საქართველოს პრემიერ-მინისტრი გიორგი გახარია ადასტურებს ინფორმაციას, რომ ქუთაისში მდებარე პარლამენტის შენობა გაიყიდება.ჟურნალისტის კითხვაზე, რომ ამით ქუთაისს განვითარების შანსი ერთმევა, პრემიერ-მინისტრმა განაცხადა, რომ ქუთაისს მალე ექნება უზარმაზარი საგანმანათლებლო ცენტრი, რომლის მნიშვნელობაც პარლამენტის შენობაზე ბევრად მეტია. „რას ნიშნავს, შანსს არ ვუტოვებთ ქუთაისს, რომ დაიბრუნოს პარლამენტი? ქუთაისს სულ მალე ექნება უზარმაზარი საგანმანათლებლო ცენტრი,...


მსგავსი სიახლეები

up