„ნამახვანი ჰესის მშენებლობა წყალტუბოს განვითარების გეგმას ჩააგდებს“

„ნამახვანი ჰესის მშენებლობა წყალტუბოს განვითარების გეგმას ჩააგდებს“

access_time2019-11-19 18:00:17

„როდესაც ქვეყანაში ისეთი პროექტების მშენებლობა გრძელდება, რომელიც გარემოს აზარალებს, ჩნდება ეჭვი, რომ მსგავსი დიდი პროექტების მეშვეობით ქვეყანაში ფული თეთრდება“- ამის შესახებ „კომერსატს“ არასამთავრობო ორგანიზაცია ”მწვანე ალტერნატივის” ბიომრავალფეროვნების კოორდინატორმა ირაკლი მაჭარაშვილმა განუცხადა. მისი თქმით, წყალტუბოს განვითარებაც შეიძლება ასეთ საკითხად მივიჩნიოთ თუ წინასწარ არ იქნა მისი დადებითი და უარყოფითი შედეგები ცნობილი.


მაჭარაშვილი წყალტუბოში „ნამახვან ჰესის“ მშენებლობას ეხმაურება და აცხადებს, რომ ჰესის მშენებლობა წყალტუბოს განვითარების გეგმას ჩააგდებს. როგორც მაჭარაშვილი განმარტავს, თუ ინვესტორს არ აქვს  ნათელი სურათი იმისა, რომ სახელმწიფოს მიერ დაგეგმილი ერთი პროექტი არ ანადგურებს მეორე პროექტს, გაუჭირდება ფულის ჩადება და პროექტი  მხოლოდ განაცხადად დარჩება.

 

დამტკიცებული პროექტის მიხედვით, გარემოზე ზედამხედველობის ანგარიშში წერია, რომ „ნამახვანი ჰესის“ მშენებლობის ბრძანების გაცემისას არ იყო ბოლომდე შესწავლილი გეოლოგიის საკითხები.  წყალტუბო არის კარსტული მღვიმეების ადგილი და დიდია ალბათობა, რომ წყალსაცავის შემდეგ დაზიანდეს მღვიმეები. ასევე არ არის შესწავლილი, ჰესის დაზიანება რა გავლენას მოახდეს წყალტუბოს თერმულ წყლებზე. გარემოს დაცვის და სოფლის მეურნეობის სამინისტრო არც ამ შემთხვევაში არღვევს „ტრადიციას“ და ჰაერზე ამტკიცებს პროექტებს, ამის ნათელი მაგალითია, შუახევი ჰესის პროექტი, სადაც არ იყო გეოლოგიური საკითხები შესწავლილი და დაიწყეს მშენებლობა. როდესაც ჩვენ გამოვთქვით პროტესტი, მაშინდელმა ეკონომიკის მინისტრის პირველმა მოადგილემ ასეთი პასუხი გაგვცა- 400 მლნ. ინვესტიციას ვერ შევაჩერებთ, იმის გამო რომ გეოლოგია არ არის შესწავლილი. შედეგად, მივიღეთ ის, რომ  ამუშავებიდან 2 თვეში შუახევჰესი ჩამოინგრა და ორი წელია არ მუშაობს. იმ ზარალზე, რაც უწყებას და ბუნებას მიადგა საუბარიც არ მინდა, რადგან ასეულ მილიონს სცდება,“- განაცხადა ირაკლი მაჭარაშვილმა.

 


მისი განმარტებით, „მწვანე ალტერნატივის“ წარმომადგენლები ჰესების აშენებას არ აპროტესტებენ. მათი თქმით, ჰესის სწორად აშენებასა და არ აშენებას შორის დიდი განსხვავებაა.ირაკლი მაჭარაშვილის თქმით, საქართველოში ოღონდ ჰესი აშენდეს და რა შედეგი მოჰყვება პროექტის განხორციელებას არავინ ფიქრობს. 

 

„იმისათვის, რომ ორივე პროექტი წარმატებით დასრულდეს ჩვენმა ორგანიზაციამ რამდენიმე წინაპირობა დავასახელეთ, უმთავრესია, რომ სანამ ჰესი აშენდება გეოლოგიური პირობები იქნას საფუძვლიანად შესწავლილი, არის თუ არა ის ადგილი ჰესის შესაბამისი და მეორე,  წყალტუბოს განვითარების პროექტს გაუკეთდეს გარემოსდაცვითი შეფასება. როდესაც სახელმწიფო ცდილობს ინვესტორები მოიზიდოს, გარემოს დაცვით შეფასებას თავად აკეთებს, ადგენს იმ ფარგლებს, რა ფარგლებშიც შეიძლება განვითარდეს ესა თუ ის პროექტი და ინვესტორსაც უფრო უადვილდება მუშაობა. სწორედ ამ შეფასების დროს უნდა იყოს გათვალისწინებული, თუ რა გავლენას მოახდენს იმავე ტერიტორიაზე  სხვა პროექტის მშენებლობა.  წყალტუბო კი თავისი თერმული წყლების გარეშე არაფერია, მსგავსი კურორტი მაშინ შეგვიძლია დიღომშიც გავაკეთოთ უფრო იაფიც დაგვიჯდება“,- განაცხადა ირაკლი მაჭარაშვილმა. 

 

შეგახსენებთ,  ბიძინა ივანიშვილის განცხადებით, რადგან სახელმწიფოს არ აქვს რესურსი, მიიღო გადაწყვეტილება სათავეში ჩაუდგეს წყალტუბოს აღორძინების პროექტს და გამოისყიდოს უკლებლივ ყველა - 22 სასტუმრო, 9 აბანო და მოახდინოს მათი სრული რეაბილიტაცია. ამასთან, ივანიშვილის თქმით, წყალტუბოს განვითარების პროექტზე მისი მხრიდან არანაირ მოგებაზე არ იქნება საუბარი და „მაქსიმალური ფასი იქნება თვითღირებულება“. გარდა ამისა, „ქართული ოცნების“ თავმჯდომარის განცხადებით, მზად არის, „პროექტის განხორციელების ნებისმიერ ეტაპზე, იქნება ეს დაგეგმარება, პროექტირება, მშენებლობა თუ დასრულების შემდეგ, ექსპლუატაციაში ჩაშვება, გაასხვისოს ობიექტები ნებისმიერ ინვესტორზე, რათა შემდგომში მან გააგრძელოს წარმატებული ოპერირება“.

 

რაც შეეხება „ნამახვანი ჰესების კასკადს,ის  იმერეთსა და ლეჩხუმში უნდა აშენდეს. პროექტს თურქული კომპანია „ემ კა და ნორვეგიული ჯგუფი „ქლინ ენერჯი გრუფ ჯორჯია ახორციელებს. კასკადი აერთიანებს ორ ჰიდროსადგურს, რომელთა ჯამური დადგმული სიმძლავრე 433 მგვტ. იქნება. პროექტის დასრულების შემდეგ საქართველოში ელექტროენერგიის გამომუშავება 15 პროცენტით გაიზრდება. კასკადის მშენებლობისთვის 750 მლნ აშშ დოლარი ინვესტიცია განხორციელდება.

 

ნათია ლომიძე




დღის TOP10 საინტერესო ამბავი

დღის TOP10 საინტერესო ამბავი
access_time2021-12-01 21:00:43
დღის TOP10 საინტერესო ამბავი:     1. 2000 გარდაცვლილი ერთ თვეში - კოვდიკოშმარი გრძელდება, პასუხისმგებლობას არავინ იღებს საქართველოში კოვიდით გარდაცვლითა რიცხვმა ნოემბერში 2000-ს გადააჭარბა, პანდემიის დაწყებიდან დღემდე 1 თვეში ამდენი ადამიანი სხვა დროს არასდროს...

ლარი დოლართან გაუფასურდა, ხოლო ევროსთან და ლირასთან გამყარდა

ლარი დოლართან გაუფასურდა, ხოლო ევროსთან და ლირასთან გამყარდა
access_time2021-12-01 18:00:10
1-ელი დეკემბრის ვაჭრობის შედეგად ლარი აშშ დოლართან მიმართებაში 1 თეთრით 3.1279-მდე გაუფასურდა. Bloomberg-ის პლატფორმაზე დღის ბოლოს კურსმა 3.1250 შეადგინა. საერთაშორისო ვალუტებიდან ლარი ევროსთან 0.37 თეთრით 3.5414-მდე, ბრიტანულ ფუნტთან 0.13 თეთრით 4.1623-მდე, ხოლო ლარი თურქულ ლირასთან 0.20 თეთრით 0.2367-მდე გამყარდა. 1000 სომხურ დრამთან 1.15 თეთრით 6.4031-მდე, აზერბაიჯანულ მანათთან 0.32 თეთრით 1.8380-მდე, 100 რუსულ რუბლთან 6.30 თეთრით 4.2290-მდე...

9 თვეში სადაზღვევო კომპანიების წმინდა მოგება 14%-ით შემცირდა

9 თვეში სადაზღვევო კომპანიების წმინდა მოგება 14%-ით შემცირდა
access_time2021-12-01 17:00:26
2021 წლის 30 სექტემბრის მდგომარეობით, საქართველოს სადაზღვევო სექტორის მიერ მოზიდულმა სადაზღვევო პრემიამ პირდაპირი დაზღვევის საქმიანობიდან 606,7 მილიონი ლარი შეადგინა. ამის შესახებ ინფორმაცია, დაზღვევის ზედამხედველობის სამსახურის მიერ გამოქვეყნებულ ანგარიშშია მოცემული. ამავე პერიოდის შედეგებით, მზღვეველების სადაზღვევო მოგებამ 131,2 მილიონი ლარი, წმინდა მოგებამ კი 31,9 მილიონი ლარი შეადგინა, რაც წინა წლის ანალოგიურ პერიოდთან შედარებით...

საქართველომ „ინტერ რაოსთან“ წაგებული $80.5 მილიონიანი დავა გაასაჩივრა

საქართველომ „ინტერ რაოსთან“ წაგებული $80.5 მილიონიანი დავა გაასაჩივრა
access_time2021-12-01 14:55:00
სტოკჰოლმის არბიტრაჟის გადაწყვეტილება, რომლის მიხედვითაც „ინტერ რაოსა“ და საქართველოს მთავრობას შორის დავა რუსული კომპანიის სასარგებლოდ გადაწყდა, ქართულმა მხარემ გაასაჩივრა. „სტოკჰოლმის არბიტრაჟმა გადაწყვეტილება 2021 წლის 19 აპრილს მიიღო, რომლის მიხედვითაც „ინტერ რაოს“ ეკუთვნოდა გარკვეული კომპენსაცია. ინტერ-რაო ითხოვდა კომპენსაციას 200 მილიონი აშშ...

საერთაშორისო სავალუტო ფონდი უკრაინის ეკონომიკას ანგრევს

საერთაშორისო სავალუტო ფონდი უკრაინის ეკონომიკას ანგრევს
access_time2021-12-01 20:00:29
საერთაშორისო სავალუტო ფონდებისგან სესხების აღებას უკრაინისთვის აზრი არ  აქვს, რადგან სსფ-ის მიერ წარდგენილი პირობები ქვეყნის ეკონომიკისთვის დამანგრეველია.   მაგალითად, ერთ-ერთი ვალდებულების მიხედვით, კიევმა გატანილ კაპიტალზე გადასახადი არ უნდა დააწესოს.   ფონდს მხოლოდ ერთი რამ, საგადასახადო ბაზის გაფართოება აინტერესებს, რაც უკრაინას დავალიანების სწრაფად დაფარვის საშუალებას მისცემს. არანაირ ეკონომიკურ განვითარებაზე საუბარი არ მიდის, რადგანაც...


მსგავსი სიახლეები

up