საქართველოს პრემიერ მინისტრის ირაკლი ღარიბაშვილის განცხადებით ნამახვანჰესის მშენებლობა 9-12 თვით შეჩერდა. ღარიბაშვილი თქმით შეთანხმება ინვესტორთან მიღწეულია.
“კომპანიასთან შეთანხმებას მივაღწიეთ რამდენიმე პუნქტზე, მათ შორის მინდა გამოვყო პირველი რომ უშუალოდ კაშხლის სამუშაოები 9-12 თვემდე შეჩერდება. ამაზე კომპანია დავითანხმეთ. კიდევ ერთხელ გადამოწმდება ყველაფერი კარგად . მათ შორის უცხოელი და ჩვენი ექსპერტების მონაწილეობით,”-აცხადებს ღარიბაშვილი.
ნამახვანის ჰესების კასკადის მშენებლობის და ექსპლუატაციის პროექტი ითვალისწინებს მდ. რიონის ჰიდროენერგეტიკული პოტენციალის ათვისებას ზღვის დონიდან 357 და 205 მ ნიშნულებს
შორის მოქცეულ მონაკვეთზე. კასკადის საპროექტო ტერიტორია მდებარეობს დასავლეთ საქართველოში, კერძოდ: წყალტუბოს და ცაგერის მუნიციპალიტეტების ტერიტორიებზე. საპროექტო არეალი მოიცავს მდ. რიონის ხეობის იმ ნაწილს რომელიც მოქცეულია ცაგერის მუნიციპალიტეტის სოფ. ალპანას და წყალტუბოს მუნიციპალიტეტის სოფ. ჟონეთს, კერძოდ, ლაჯანურ ჰესის ქვედა ბიეფსა და გუმათი 1 ჰესის ზედა ბიეფს შორის.ენერგეტიკის განვითარების ფონდის მონაცემებით, კასკადის დადგმული სიმძლავრე 433 მგვტ-ია, სავარაუდო წლიური გამომუშავება - 1496 გგვტ.სთ, საინვესტიციო ღირებულება კი - 750 მლნ აშშ დოლარი. პროექტს კომპანია „ნამახვანი“ ახორციელებს. ადგილობრივი მოსახლეობა ნამახვანჰესის აჭენების კატეგორიული წინააღმდეგია და ადგილზე საპროტესტო აქციებს მართავს. მოლაპარაკებები პროტესტანტებსა და ხელისუფლების წარმომადგენლებს შორის რამოდენიმეჯერ გაიმართა, თუმცა უშედეგოდ.