იმის გათვალისწინებით, რომ ამჟამინდელმა საავიაციო ინდუსტრიამ „სრული დაშვება“ განიცადა, ამ დარგის მომავალი გაზრდილი ხარჯების გარეშე წარმოუდგენელია, რაც ავიაკომპანიების ხედვით, შეუძლებელია რომ მგზავრების ჯიბეზე არ აისახოს.

ალექსანდრ დე ჟუნიაკი, საერთაშორისო საჰაერო ტრანსპორტის ასოციაციის გენერალური და აღმასრულებელი დირექტორი ირწმუნება, რომ საავიაციო მიმოსვლის აღდგენის შემთხვევაში ჯანდაცვის ორგანოები ახალ მკაცრ წესებს შემოიღებენ Covid 19-ის გავრცელების პრევენციისთვის.

საავიაციო ლექსიკონს ორი ახალი ცნება შეემატა :“დეკომპენსაცია“ და „ნეიტრალიზაცია“. პირველი გამოხატავს მგზავრების რაოდენობის შემცირებას სოციალური დისტანცირებისთვის, მეორე ტერმინი კი იმ ადგილების განსაზღვრას გულისხმობს, რომელიც ცარიელი უნდა დარჩეს ფრენის დროს.

მაგალითად, ავიაკომპანია Ryanair-ის თვითმფრინავში, რომელიც 189 მგზავრის გადაყვანას ახდენდა, ბორტზე მხოლოდ 126 მგზავრი დაიშვება.

„ეს ავიაკომპანიების ბიზნეს-მოდელის სრულად შეცვლას გულისხმობს“ - ამბობს ასოციაციის ხელმძღვანელი.

თუ ავიაკომპანიებმა მგზავრების რიცხვი მესამედით უნდა შეამცირონ, ტარიფები 50 პროცენტით გაიზრდება. მაგრამ ზუსტი ზრდა მოთხოვნა მიწოდებაზე იქნება დამოკიდებული - გადამზიდავები სავარაუდოდ შეამცირებენ მიწოდებას ნაკლები აქტიურობის მოლოდინში.

ამერიკულმა ავიაკომპანია Alaska Airlines-მა უკვე დანერგა  საკუთარი დეკომპენსაციის გეგმა - დიდ თვითმფრინავებში შუა ადგილები გაუქმებულია, ხოლო პატარა თვითმფრინავებში რიგებს შორის ადგილები ხელუხლებელი უნდა დარჩეს.

კომპანიამ ასვევ განაცხადა , რომ თუ მგზავრი უკმაყოფილოა არსებული დისტანცირების სისტემით, ავიახაზები ხარჯებს აუნაზღაურებს ან ახალ რეისზე დაუჯავშნის ბილეთს“. ასევე, სამოქალაქო საავიაციო ასოციაციის სახელმძღვანელოს თანახმად,  თვითმფირინავების საპირფარეშოები ყოველი 10 გამოყენების შემდეგ უნდა გასუფთავდეს.

ავიახაზებს არ შეუძლიათ ბოლო სამი რიგის ადგილების გაყიდვა საერთაშორისო რეისებზე.  ეს ადგილები საკარატინო ზონის დანიშნულებით, ფრენის დროს წარმოქმნილი შესაძლო გაუთვალისწინებელი შემთხვევებისთვისაა განკუთვნილი.

ასევე სახელმძღვანელოში ნათქვამია, რომ მარჯვენა უკანა საპირფარეშო თვითმფრინავში უნდა იყოს განკუთვნილი ექსკლუზიურად კარანტინში მყოფი ადამიანებისთვის.

მგზავრებთნ კომუნიკაცია ექნება  მხოლოდ ერთ ბორტგამცილებლს და მანვე თავი უნდა შეიკავოს ეკიპაჟის სხვა წევრებთან კონტაქტისგან.

Independent.co.uk

მოამზადა მარიამ მორგოშიამ