„სწორედ ასეთი წარმომედგინა საბჭოთა კავშირი - ბნელი და ბინძური და ის მე ბათუმის ავტოსადგურში ვნახე“ - გერმანელი ტურისტი

„სწორედ ასეთი წარმომედგინა საბჭოთა კავშირი - ბნელი და ბინძური და ის მე ბათუმის ავტოსადგურში ვნახე“ - გერმანელი ტურისტი

access_time2019-09-20 20:15:04

28 წელი გავიდა მას შემდეგ, რაც საქართველო საბჭოთა სოციალისტური რესპუბლიკების კავშირის წევრი აღარაა. 28 წელია, რაც ქვეყნა ვითარდება ევროპული ღირებულებების მიმართულებით - ამის კარგი მაგალითია ბათუმი,  სადაც მიუხედავად პრობლემებისა, უკვე ძალიან ბევრი საერთაშორისო ბრენდული სასტუმროა გახსნილი, მოწესრიგებულია ინფრასტრუქტურა, ტურისტებისთვის შექმნილია გარემო, რითაც   ბათუმი დაუვიწყარ შთაბეჭდილებებს ტოვებს.  თუმცა, 28 წელის შემდეგაც NDI-ს კვლევის მიხედვით საქართველოში გამოკითხულთა 39 %-ს საბჭოთა კავშირის მიმართ ნოსტალგია აქვს. ის ადამიანები ვისაც ენატრება „იდეალიზებული“ საბჭოთა კავშირი აუცილებლად უნდა ესტუმრონ ბათუმის საქალაქთაშორისო ავტოსადგურს, სადაც დღემდე დგას  სსრკ სახელმწიფო სიმბოლიკის მთავარი და განუყოფელი ნაწილის -ნამგალი და უროს მონუმენტი (მართალია კანონმდებლობით აკრძალულია, მაგრამ აქ ეს ბევრს არაფერს ნიშნავს)და რაც მთავრია, განწყობაც და ინფრასტრუქტურაც სწორედ იმ პერიოდშია ჩარჩენილი.


 



აქ ყოველი ფეხის ნაბიჯზე ნაგავი ყრია, სწორედ ამიტომ ტერიტორიაზე აუტანელი სუნია, რის გამოც დიდი ხნით გაჩერება შეუძლებელია. კედლები ნესტისგან დაობებული და ჩამონგრეულია, დალეწილია კედლები და ფანჯრები. შენობაში მზიან ამინდშიც კი ჭერიდან წყალი წვეთავს და მგზავრს გაჩერების საშუალებას არ აძლევს.

 

 ქაოსში გარკვევას ცდილობს 32 წლის ჰანა. ის საქართველოში გერმანიიდან ჩამოვიდა. ტურისტმა დაათვალიერა კახეთი, სვანეთი, რაჭა  და ქვემო ქართლი. მისი ბოლო გაჩერება აჭარაა. ადამიანებით, ბუნებით, არქიტექტურით და სამზარეულოთი აღრფთოვანებული ახალგაზრდა ქალი დაბნეული ცდილობს გაარკვიოს როგორ მოხვდება ბათუმიდან მაღალმთიან აჭარაში.


 



„საქართველოს შესახებ ვიცოდი, რომ წლების წინ საბჭოთა კავშირის წევრი ქვეყანა იყო, თუმცა 10 დღის განმავლობაში ეს მე ვერ შევამჩნიე. ძალიან ბევრი კარგი ადგილი ვნახე, აღფრთოვანებული და შეყვარებული ვარ ამ ქვეყნაზე, მაგრამ რაც აქ ხდება ეს საშინელებაა. ყველგან ტუალეტის სუნი დგას, სწორედ ასეთი წარმომედგინა საბჭოთა კავშირი - ბნელი და ბინძური და ის მე ბათუმის ავტოსადგურში ვნახე. აქ გაჩერება შეუძლებელია ნახევარი საათში ჩემი სამარშუტო ტაქსი გადის და სად დაველოდო ისიც კი არ ვიცი. საკვები ობიექტებიც კი საშინლად გამოიყურება. იმედი მაქვს, აქ არსებული ვითარება უახლოეს მომავალში შეიცვლება, რადგან ეს ადგილი დღეს ბათუმის სირცხვილია.

 



საქალაქთაშორისო ავტოსადგურის 31 პროცენტი აჭარის ფინანსთა და ეკონომიკის სამინიტროს ეკუთვნის.


„კომერსანტი“ დაინტერესდა რა გეგმები აქვს სახელმწიფო უწყებას  ავტოსადგურთან დაკავშირებით. სამინისტროს პრესამსახურმა საკითხთან დაკავშირებით კომენტარი არ  გააკეთა. განგვიცხადეს, რომ აჭარის ფინანსთა და ეკონომიკის მინისტრი და მინისტრის მოადგილე შეხვედრაზე არიან და საუბარს ამ ეტაპზე ვერ შეძლებდნენ, თუმცა, შემდეგ პრესსამსახურმა ტელეფონი გამორთო.

 



ამ თემაზე “კომერსანტი“ ადრეც წერდა.  მაშინ უწყებაში აცხადებდნენ,  რომ მათთვის მნიშვნელოვანია აღნიშნული ტერიტორიის ეფექტურად განვითარება, თუმცა, ერთი წლის შემდეგაც ბათუმის ავტოსადგურში ვითარება მხოლოდ გაუარესდა.


 



ტერიტორიაზე ერთი წლის წინანდელი სურათი რომ არ შეცვლილა, ადასტურებს ბათუმის საქალაქთაშორისო ავტოსადგურის დირექტორი ზაურ სოლომონიძეც. მისი თქმით, ინვესტორის მოძიებაზე ამ დრომდე მუშაობენ, თუმცა, იმის გამო, რომ სახელმწიფოს ავტოსადგურში   წილი აქვს, ინვესტორები თანხის ჩადებაზე უარს ამბობენ.

 



ბათუმის ავტოსადგურის მოვლა-პატრონობის შესაძლებლობა და სურვილი არც სახელმწიფოს აქვს და არც კერძო მფლობელს, პასუხიმგებლობას გაურბის ყველა. როგორც ჩანს, ბათუმის დანგრეული და ბინძური ავტოსადგური ჩვენი გერმანელი ტურისტის მსგავსად, კიდევ ბევრ ვიზიტორს დაამახსოვრდება.




ბაჩო ადამია




„თიბისი აღარ იქნება ისეთი, როგორიც იყო 2020 წლის თებერვალში“ -ვახტანგ ბუცხრიკიძე

„თიბისი აღარ იქნება ისეთი, როგორიც იყო 2020 წლის თებერვალში“ -ვახტანგ ბუცხრიკიძე
access_time2020-06-04 21:45:33
“თიბისი აღარ იქნება ისეთი, როგორიც 2020 წლის თებერვალში იყო”, – თიბისის გენერალურმა დირექტორმა ბანკის გარდაუვალ ტრანსფორმაციაზე მედიასთან ხუთშაბათის ონლაინ შეხვედრაზე განაცხადა. ვახტანგ ბუცხრიკიძის თქმით, სწორება უმსხვილეს ტექნოლოგიურ კომპანიებთან (ამაზონი, გუგლის) კეთდება. “ბანკი კი ვართ, მაგრამ ამავდროულად ტექნოლოგიური კომპანია ვართ.” ჯგუფი 2 კვირაში სტრუქტურული მოწყობის უფრო დეტალურ ხედვას წარმოადგენს, რისთვისაც 1500-ზე მეტი თანამშრომლის...

4 ივნისი - ქართული ლარი 6 თეთრით გამყარდა, თურქული ლირა და სომხური დრამი გაუფასურდა

4 ივნისი - ქართული ლარი 6 თეთრით გამყარდა, თურქული ლირა და სომხური დრამი გაუფასურდა
access_time2020-06-04 19:00:57
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს.   ეროვნული ბანკის მიერ გამოქვეყნებული 4 ივნისის ვაჭრობის შედეგად, ქართული ლარის კურსი 6 თეთრით გამყარდა და ერთი...

დღის Top-10 საინტერესო ამბავი

დღის Top-10 საინტერესო ამბავი
access_time2020-06-04 21:30:57
დღის Top-10 საინტერესო ამბავი 1.წყალტუბოს მასშტაბური განვითარება იდეის დაანონსებიდან მე-7 თვესაც არ დაწყებულა სანატორიუმი „იმერეთი“, სანატორიუმი „თბილისი“, სანატორიუმი „გეოლოგი“, სანატორიუმი „რკინიგზელი“, სანატორიუმი „მედეა“, ჯამში სახელმწიფოს...

საქართველოში უკიდურესი სიღარიბე მოსახლეობის ყველა კატეგორიაში გაიზარდა

საქართველოში უკიდურესი სიღარიბე მოსახლეობის ყველა კატეგორიაში გაიზარდა
access_time2020-06-04 17:20:31
„2012 წლის შემდეგ, საქართველოში სიღარიბე 10.5 პროცენტული პუნქტით შემცირდა“ - ამის შესახებ პრემიერ-მინისტრმა გიორგი გახარიამ განაცხადა. საქსტატის მონაცემებით, 2013-2019 წლებში აბსოლუტური სიღარიბის ზღვარს მიღმა მყოფი მოსახლეობის წილი 30%-დან 19.5%-მდე შემცირდა. პრემიერი სიღარიბის მხრივ ქვეყანაში არსებულ ტენდენციას, ყურადღების მიღმა ტოვებს. ქვეყანაში სიღარიბის შემცირების ტენდენცია 2011 წელს დაიწყო და 2015 წლის ჩათვლით გაგრძელდა. 2016-2017 წლებში ქვეყანაში...

ეს ფარსი უნდა დამთავრდეს-„ფრონტერა“ გიორგი გახარიას ღია წერილის უგზავნის

ეს ფარსი უნდა დამთავრდეს-„ფრონტერა“ გიორგი გახარიას ღია წერილის უგზავნის
access_time2020-06-04 16:25:04
კომპანია „ფრონტერა“ პრემიერ-მინისტრ გიორგი გახარიას ღიას წერილს უგზავნის, რომელსაც „კომერსანტი“ უცვლელად გთავაზობთ: „ ძვირფასო პრემიერ მინისტრო გახარია, პატივისცემით გწერთ, რათა გაუწყოთ, რომ სხვა ამერიკული კომპანიების მსგავსად ჩვენც ვართ მომსწრენი იმისა თუ როგორ გაუარესდა ქვეყანაში საინვესტიციო და ბიზნეს გარემო, რომელიც არ სცნობს კანონის უზენაესობას და იყენებს სასამართლოს როგორც იარაღს, უპირატესობას ანიჭებს სახელმწიფოს მიტაცებას ნაცვლად ამერიკულ ინვესტიციებთან პარტნიორობისა. 2013 წლიდან...


მსგავსი სიახლეები

up