ნაძვის ხე შობისა და ახალი წლის განუყრელი ატრიბუტია, ნოემბერ-დეკემბრის პერიოდში, მსოფლიოში მილიონობით ნაძვის ხე იყიდება. მათი ფასი ორნიშნა რიცხვიდან იწყება და ოთხნიშნა რიცხვებსაც კი აღწევს.
ნაძვის ხის ფასს ბევრი ფაქტორი განსაზღვრავს, უპირველეს ყოვლისა კი სიმაღლე. ფასზე ასევე მოქმედებს მასალა, რითაც ნაძვის ტოტებია დამზადებული, ასევე ნაძვის წიწვების სიხშირე — ვიწრო და გამხმარი ტოტები აქვს ხეს, თუ ფუმფულა და ხშირი.
მნიშვნელოვანი ფაქტორია ნაძვის ფერი, მორთულობა და ატრიბუტები, ზოგ მათგანს განათება, ზოგს კი გირჩები მოჰყვება, ნაწილი უბრალოდ მწვანეა, ნაწილი თოვლის ეფექტით. ასევე გვხვდება სხვადასხვა ფერის ნაძვის ხეები, მათ შორის ვარდისფერიც. ფასები ასევე დამოკიდებულია ნაძვის ხის ბრენდსა და დიზაინზეც.
„კომერსანტი“ დაინტერესდა რა ფასები აქვს 2022 წლის მიწურულს ნაძვის ხეებს ქართულ ბაზარზე და რამდენიმე სავაჭრო ობიექტის ფასები ერთმანეთს შეადარა.
Lilo shop - ში 150 სანტიმეტრიანი ნაძვის ხის ფასი 169 ლარიდან იწყება. ფასი სიმაღლის, მასალის და ტოტების სიხშირის მიხედვით იზრდება. ყველაზე ძვირადღირებული ნაძვის ხე 3-მეტრიანია, მწვანე სილიკონის ტოტებით და მისი ფასი 3180 ლარს აღწევს.
ერთი და იმავე სიმაღლის სილიკონის წიწვებიანი ნაძვის ხეებში, მწვანე ნაძვის ხე უფრო ძვირია და 1854 ლარი ღირს, ხოლო თოვლის ეფექტით 1711 ლარი.
270 სანტიმეტრიანი დათოვლილი ნაძვის ხე უფრო იაფია (1899 ლარი), ვიდრე 270 სანტიმეტრიანი მწვანე ნაძვის ხე განათებით ( 1965 ლარი).
240 სანტიმეტრიანი დათოვლილი, სილიკონის წიწვებიანი ნაძვის ხე 1495 ლარი ღირს, ხოლო 240 სანტიმეტრიანი სრულიად მწვანე სილიკონის წიწვებიანი ნაძვის ხე `„Alaska premium“-ი 1549 ლარი.
Vendoo.ge ში 150 სანტიმეტრიანი ნაძვის ხის ფასი 148 ლარიდან იწყება, ყველაზე ძვირი ნაძვი აქ 3187 ლარი ღირს.
210 სანტიმეტრიანი მწვანე ნაძვის ხე 305 ლარი ღირს. დათოვლილი სილიკონის წიწვებიანი ნაძვის ხე კი 339 ლარი.
ბრენდი OHOHOH-ს დათოვლილი 180 სანტიმეტრიანი ნაძვის ხე და 210 სანტიმეტრიანი ვარდისფერი ნაძვი ორივე 499 ლარი ღირს.
Vendoo.ge -ს მაღალ საფასო სეგმენტში არსებული, ევროპული წარმოების 240 სმ-იანი 100%-ით სილიკონის მწვანე ნაძვის ხის ფასი 2 215 ლარს შეადგენს, 240 სმიანი ვერცხლისფერი ნაძვის ხის ფასი 2 366.00 ლარია, ხოლო 170 სანტიმეტრიანი სიმაღლის ნაძვის ხე 2 502 ლარი ღირს.
გორგიაში საახალწლო ნაძვის ხეები შედარებით ხელმისაწვდომია, ფასები 123 ლარიდან იწყება და სიმაღლისა და მასალის მიხედვით 697 ლარამდე ადის.
180 სანტიმეტრიანი მწვანე ნაძვის ხის ფასი განათებით 697 ლარს შეადგენს , ხოლო 180 სანტიმეტრიანი ნახევრად დათოვლილი ნაძვის ღირებულება 576 ლარია.
210 სანტიმეტრიანი, გირჩებით და კენკრით გაფორმებული, სრულიად მწვანე ნაძვის ხის ფასი გორგიაში 378 ლარს შეადგენს.
ვიშლისტში 150 სანტიმეტრიანი საახალწლო ნაძვის ხის ფასი 169 ლარიდან იწყება და 1249 ლარამდე იზრდება. მაგალითად ვიშლისტის ყველაზე ძვირადღირებული ანტიალერგიული, სილიკონის, დათოვლილი საახალწლო ნაძვის ხე 240 სანტიმეტრის სიმაღლისაა და მისი ფასი 1249 ლარს შეადგენს.
210 სანტიმეტრიან ნაძვის ხეებში ნაძვის ხე სილიკონის წიწვებით 949 ლარი, ხოლო სილიკონის ტოტებით 899 ლარი ღირს.
210 სმ იანი, შერეული მასალის, სრულიად მწვანე საახალწლო ნაძვის ხე, სილიკონის წიწვებით, გირჩით და კენკრით - 699 ლარი ღირს, იგივე ფასი აქვს იგივე მასალის, თოვლის ეფექტის მქონე, გირჩებით გაფორმებულ ნაძვის ხესაც.
თაკო კვაჭანტირაძე