ნაძალადევის რაიონის გამგებელმა საქმიანობის 2 წლის ანგარიში წარადგინა

ნაძალადევის რაიონის გამგებელმა საქმიანობის 2 წლის ანგარიში წარადგინა

access_time2019-12-16 16:20:21

ნაძალადევის რაიონის გამგებელმა ირაკლი ხელაძემ გამგეობის საქმიანობის 2-წლიანი ანგარიში წარადგინა. ინფორმაციას თბილისის მერია ავრცელებს. ღონისძიებას დედაქალაქის მერი კახა კალაძე დაესწრო, რომელმაც დამსწრე საზოგადოებას სიტყვით მიმართა.



კახა კალაძემ გაწეული საქმიანობისთვის მადლობა გადაუხადა გამგეობის თითოეულ თანამშრომელს, ასევე, ადგილობრივ მცხოვრებლებს, რომლებიც თავიანთ რაიონსა და ქალაქს გულშემატკივრობენ.



„2020 წელს ორი ძირითადი პრიორიტეტი გვექნება: ინფრასტრუქტურული პროექტები და ჯანდაცვა და სოციალური მიმართულება. სამწუხაროდ, ჯერ კიდევ ბევრი ოჯახია, რომელსაც ჩვენი მხარდაჭერა და თანადგომა სჭირდება. თუმცა, მომდევნო წლების განმავლობაში მთავარი უნდა იყოს ის, რომ სოციალურად მეტად დაცული და ფინანსურად წელში გამართული ოჯახები გვყავდეს. მათ არ ჰქონდეთ იმის საჭიროება, რომ გამგეობასა და მერიას წამლის ფულზე მიაკითხონ. ეს შესაძლებელია და ამას სჭირდება ძალიან დიდი შრომა. ჩვენ მზად ვართ ამისთვის. კიდევ უფრო მეტ სტიმულს გვაძლევს ის, რომ ყოველდღიურ რეჟიმში ვხედავთ რიგითი მოქალაქეების მხარდაჭერას და თანადგომას. ისინი რეალურად ხედავენ, თუ რა კეთდება ქალაქში. ამ მხარდაჭერისთვის მინდა ყველას დიდი მადლობა გადავუხადო. მინდა დაგარწმუნოთ, რომ ენერგიას არ დავზოგავთ, ყველაფერს გავაკეთებთ იმისთვის, რომ ჩვენი ქალაქი იყოს განსხვავებული. ის პროექტები, რომელიც განხორციელდა, თვალშისაცემი და ხელშესახები იყოს თითოეული თბილისელისათვის. ვაკეთებთ იმას, რაც 20-25 წლის განმავლობაში არ გაკეთებულა და ასე სასიცოცხლოდ მნიშვნელოვანია ჩვენი ქალაქისთვის: გზები, ინფრასტრუქტურა, მიწისქვეშა კომუნიკაციების მოწესრიგება, მწვანე სივრცეების შექმნა, რომელთა ნაკლებობაც გვაქვს. სადაც შესაძლებელი იყო, ყველგან კორპუსი ააშენეს და წლების განმავლობაში მშენებლობა მიდიოდა. ამას ყურადღებას არავინ აქცევდა. დღეს გვაქვს მძიმე ეკოლოგიური მდგომარეობა, მაგრამ ამ ყოველივეს ჩვენ აუცილებლად გამოვასწორებთ.



აუცილებლად მოვაწესრიგებთ საზოგადოებრივ ტრანსპორტს. ნაბიჯების გადადგმა უკვე დაწყებულია. ვიტრაბახებთ იმით, რომ თბილისს ეყოლება ყველაზე გამართული საზოგადოებრივი ტრანსპორტი, ახალი ავტობუსებით, მიკროავტობუსებით და მეტროთი.



იცოდეთ, რომ ნებისმიერ შემთხვევაში, არსებობს ადამიანი ირაკლის სახით, არსებობს გამგეობა, ადგილობრივი თვითმართველობა, სადაც თქვენ შეგიძლიათ ნებისმიერ საკითხზე მიხვიდეთ. იცოდეთ, რომ ზურგს გიმაგრებთ თქვენი რაიონის გამგეობა, ასევე, ზურგს გიმაგრებთ დედაქალაქის მუნიციპალიტეტი, მერიის სახით და ყველაფერს გავაკეთებთ, რაც ჩვენს კომპეტენციაში და შესაძლებლობებში შედის“, - განაცხადა კახა კალაძემ.



პრეზენტაციაზე ნაძალადევის რაიონის გამგებელმა განხორციელებულ პროექტებზე და მომავალი წლის გეგმებზე ისაუბრა.




„მოქალაქეების საჭიროებების შესაბამისად და მათი ჩართულობით, ბევრი კარგი პროექტი განვახორციელეთ. რაიონის განაშენიანებისა და რელიეფის გათვალისწინებით, საკმაოდ რთული გამოწვევები გვქონდა. ყველა საკითხს ორ წელში ვერ გადავჭრიდით, თუმცა ბევრი მნიშვნელოვანი პრობლემა მოვუგვარეთ მოსახლეობას. ჩვენთვის პრიორიტეტია გზების რეაბილიტაცია, უსაფრთხოების მიზნით გრუნტის დამჭერი კედლების მოწყობა, სკვერების, რეკრეაციული ზონებისა და სპორტული სივრცეების კეთილმოწყობა. რა თქმა უნდა, მომავალ წელსაც აქტიურ რეჟიმში განვაგრძობთ ასეთი პროექტების განხორციელებას“, - აღნიშნა ირაკლი ხელაძემ.



2018-2019 წლებში სხვადასხვა ტიპის საგზაო სამუშაო 100 მისამართზე შესრულდა. აქედან 35 ქუჩა, ასევე, შესახვევი და ჩიხი კაპიტალურად შეკეთდა. გზის საფარი ჯამში, 130 000 კვ.მ ფართობზე დაიგო.



გრუნტის დამჭერი, საყრდენი კედლები 32 მისამართზე მოეწყო და რეაბილიტირდა; ასევე რეაბილიტაცი ჩაუტარდა 23 სპორტულ მოედანს; მოეწყო ორი ახალი რეკრეაციული სივრცე, ხოლო 8 მისამართზე არსებულ სკვერს ჩაუტარდა რეაბილიტაცია. გარდა ამისა, 32 მისამართზე საბავშვო ატრაქციონები, 23 ლოკაციაზე კი სავარჯიშო ტრენაჟორები დამონტაჟდა.
„ბინათმესაკუთრეთა ამხანაგობების განვითარების ხელშეწყობის პროგრამის“ ფარგლებში, ორი წლის განმავლობაში, სხვადასხვა ტიპის ინფრასტრუქტურული პროექტი 242 მისამართზე განხორციელდა.



40 000-მდე მოქალაქეს სხვადასხვა ტიპის სოციალური დახმარება გაეწია. აგრეთვე, გამგეობის დაფინანსებით, 27 კულტურულ-გასართობი, შემეცნებითი და სპორტული ღონისძიება ჩატარდა.



2018-2019 წლების განმავლობაში, ნაძალადევის რაიონის გამგეობის მიერ განხორციელებული პროექტებისა და პროგრამებისთვის, ჯამში 34 მილიონ ლარზე მეტი დაიხარჯა.



ანგარიშის წარდგენას, რაიონის მცხოვრებლებთან ერთად, მერის მოადგილეები ილია ელოშვილი და ირაკლი ბენდელიანი, დედაქალაქის მთავრობის წევრები, ასევე, თბილისის საკრებულოსა და პარლამენტში ნაძალადევის რაიონის მაჟორიტარი დეპუტატები ესწრებოდნენ.





თეგები:
ანგარიში



„სოკარის“ მხარდაჭერით პროექტის „აქტიური ცხოვრება ჩემი სტიქიაა“ ფარგლებში 8 დღიანი „ბანაკი 2020“ ჩატარდა

„სოკარის“ მხარდაჭერით პროექტის „აქტიური ცხოვრება ჩემი სტიქიაა“ ფარგლებში 8 დღიანი „ბანაკი 2020“ ჩატარდა
access_time2020-09-24 10:15:56
პროექტის „აქტიური ცხოვრება ჩემი სტიქიაა“ ფარგლებში, კომპანია „სოკარის“ მხარდაჭერით, სამშვიდობო მისიებსა და სხვადასხვა საომარ მოქმედებაში დაჭრილი ჯარისკაცებისა და ვეტერანებისთვის, თერჯოლაში, მეღვინეობა „მახარეში“ 8 დღიანი „ბანაკი 2020“ ჩატარდა. 20–ზე მეტმა დაჭრილმა სამხედრო მოსამსახურემ და საქართველოს სხვადასხვა რეგიონში მცხოვრებმა 100–ზე მეტმა შშმ პირმა საკუთარი ძალები 10 სხვადასხვა ინტეგრირებულ სპორტულ–კულტურულ შეჯიბრებაში მოსინჯა. მათ იასპარეზეს ნარდისა და დომინოს ტურნირებში,...

კრედიტების გაიაფების იდეას მივესალმები, რადგან ყოფილ ბანკირს უკეთესად ესმის ეს საკითხი - კახა ოქრიაშვილი ხაზარაძის ინიციატივას ემხრობა

კრედიტების გაიაფების იდეას მივესალმები, რადგან ყოფილ ბანკირს უკეთესად ესმის ეს საკითხი - კახა ოქრიაშვილი ხაზარაძის ინიციატივას ემხრობა
access_time2020-09-24 11:30:45
„კრედიტების გაიაფების იდეას მივესალმები, რადგან ყოფილ ბანკირს უფრო ესმის ეგ საკითხი. ჯობია ბევრი კრედიტი გასცე და დაბალ პროცენტში, ვიდრე ორი კრედიტი და მაღალ პროცენტში,“ - ასე აფასებს ბიზნესმენი და პარტია “პროგრესი და თავისუფლების” დამფუძნებელი კახა ოქრიაშვილი მამუკა ხაზარაძის ინიციატივას საკრედიტო რესურსების გაიაფებასთან დაკავშირებით. ყოფილი ბანკირი და პირველი ქართული ბანკის დამფუძნებელი მამუკა ხაზარაძე პოლიტიკაში წასვლის შემდეგ...

გიორგი გახარია - დღესაც, საქართველო მწვანე ზონად რჩება

გიორგი გახარია - დღესაც, საქართველო მწვანე ზონად რჩება
access_time2020-09-24 11:00:18
მობილობის ზრდის შედეგია ის, რაც დღეს ხდება, განსაკუთრებით აჭარაში, თუმცა ყველას კარგად უნდა გვესმოდეს, რომ ეს იყო აბსოლუტურად პროგნოზირებადი და ჩვენ ამისთვის ვემზადებოდით, -  ამის შესახებ საქართველოს პრემიერ-მინისტრმა გიორგი გახარიამ მთავრობის სხდომაზე განაცხადა.   მთავრობის მეთაურმა ქვეყანაში არსებულ ეპიდემიოლოგიურ მდგომარეობაზე ისაუბრა და აღნიშნა, რომ ფიქსირდება ინფიცირების რაოდენობის მკვეთრი ზრდა, თუმცა ეს მოსალოდნელი იყო.   „ჩვენ, ჩვენს...

Financial Times: რუსული ფული ბრიტანულ პოლიტიკაში

Financial Times: რუსული ფული ბრიტანულ პოლიტიკაში
access_time2020-09-23 21:00:36
ბრიტანეთის კონსერვატიული პარტიის ერთ-ერთი უმსხვილესი დონორის მეუღლე  კრემლთან დაკავშირებული რუსი ბიზნესმენისგან დაფინანსებას იღებდა. ეს დონორი - რუსული წარმოშობის ბრიტანეთის მოქალაქე ლუბოვ ჩერნუხინაა, რომლის გვარიც საეჭვოდ ემთხვევა ახლო წარსულში რუსეთის ფინანსთა მინისტრის მოადგილის გვარს.   არსებული ინფორმაციის თანახმად, ეს რუსი მილიარდერია პუტინის კარის ოლიგარქი სულეიმან კერიმოვი, რომელიც ამერიკული სანქციების ქვეშაა.   პირველმა ეჭვები...

კრიპტოვალუტის მაინინგის გამო აფხაზეთი ენერგოკოლაფსის ზღვარზეა

კრიპტოვალუტის მაინინგის გამო აფხაზეთი ენერგოკოლაფსის ზღვარზეა
access_time2020-09-23 20:00:02
ამ დღეებში აფხაზეთის დე ფაქტო რესპუბლიკის მთავრობამ კრიპტოვალუტის მოპოვების რეგულირების თაობაზე კანონი მიიღო.   პარალელურად კი არ აღიარებული რესპუბლიკის სახელმწიფო ენერგეტიკული კომპანია „ჩერნომორენერგო“-ს დირექტორმა მიხაილ ლოგუამ განაცხადა, რომ უახლოეს პერიოდში სავარაუდოდ ენერგიის პერიოდული გათიშვები დაიწყება.   „ისეთი დატვირთვა ენერგოსისტემაზე, როგორიც დღეს არის არასდროს ყოფილა, მაშინაც კი, როდესაც ტურისტული სეზონი ძალიან აქტიური იყო. დღეს მოხმარება...


მსგავსი სიახლეები

up