ბექა ფერაძემ ტურიზმის სექტორის წარმომადგენლებს კორონავირუსის გავრცელების პრევენციის მიზნით შექმნილი პლატფორმა გააცნო

ბექა ფერაძემ ტურიზმის სექტორის წარმომადგენლებს კორონავირუსის გავრცელების პრევენციის მიზნით შექმნილი პლატფორმა გააცნო

access_time2021-09-24 17:00:00

შრომის ინსპექციის სამსახურის უფროსი ტურიზმის სექტორის წარმომადგენლებს შეხვდა. ინფორმაციას ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო ავრცელებს.


ბექა ფერაძემ სექტორის წარმომადგენლებს კორონავირუსის გავრცელების პრევენციის მიზნით შექმნილი პლატფორმა გააცნო და მათგან კოვიდ საშვის დანერგვის პროცესთან დაკავშირებული რეკომენდაციები მოისმინა.


უწყების ხელმძღვანელმა აღნიშნა, რომ სხვადსხვა სექტორის წარმომადგენლებთან შეხვედრები ეტაპობრივად ხდება, სადაც ბიზნესის წარმომადგენლებს Covid-საშვის ბენეფიტების და მუშაობის სპეციფიკის შესახებ მიეწოდებათ ინფორმაცია.


„დღევანდელი შეხვედრა ძალიან ნაყოფიერი გამოდგა, სექტორის მხრიდან არის სურვილი, რომ ეს აპლიკაცია იყოს დანერგილი, განისაზღვროს მწვანე ზონები, რომელიც ერთის მხრივ მათ მიცემთ შესაძლებლობას, ნებისმიერი ეპიდემიოლოგიური გართულების დროს ეკონომიკური აქტივობა შეინარჩუნონ, მეორეს მხრივ კი უზრუნველყოფენ მომხმარებელთა უსაფრთხოებას“, - აღნიშნა ბექა ფერაძემ.


შრომის ინსპექციის სამსახურის ხელმძღვანელმა ისიც არ გამორიცხა, რომ აღნიშნული აპლიკაციის დანერგვამ შესაძლოა ბიზნესს და კონკრეტულად რესტორნებს სამუშაო საათების გახანგრძლივების შესაძლებლობაც მისცეს. „დღეს თუ არსებობს დათქმა, რომ საღამოს 10 საათის შემდეგ რესტორანი ვერ მუშაობს, ასევე სასტუმროების რესტორნებიც, ამ აპლიკაციის დანერგვის შემთხვევაში მათ შესაძლოა მიეცეთ საშუალობა და ეს არის მათი მოთხოვნა, რომ თუ ამის დანერგვა მოხდება, შეძლონ მუდმივად ოპერირება, რაც მათთვის ეკონომიკურად საინტერესოა. ჩვენ ბიზნესთან შეგროვებულ ინფორმაციას წარვუდგენთ საკოორდინაციო საბჭოს და შემდეგ გადაწყვეტილებებზე უკვე საბჭო იმსჯელებს“, - განაცხადა ბექა ფერაძემ.


შეხვედრას ტურიზმის ეროვნული ადმინისტრაციის ხელმძღვანელის მოვალეობის შემსრულებელიც ესწრებოდა. მედეა ჯანიაშვილმა ინიციატივა დადებითად შეაფასა და აღნიშნა, რომ პლატფორმა ტურიზმის სექტორის მიერ გაწეულ მომსახურებას ბევრად უსაფრთხოს გახდის და საბოლოოდ ბიზნესი შეძლებს პანდემიის მიუხედავად შეუფერხებლად იმუშაოს.


აპლიკაცია ჯანდაცვის სამინისტროს მიერ, მოქალაქეთა უსაფრთხოების უზრუნველყოფის მიზნით, შეიქმნა. ვებ-გვერდის Covidpass.moh.gov.ge-ს საშუალებით ბიზნეს სექტორის წარმომადგენლებს მათ ტერიტორიაზე დაშვების მსურველი ვიზიტორების კოვიდ სტატუსის შემოწმების შესაძლებლობა ექნებათ. სიახლით ბიზნესი შეძლებს საკუთარი მომხმარებლებისთვის ე.წ. მწვანე ზონების ანუ უსაფრთხო გარემო შექმნას.


ბიზნესოპერატორების მხრიდან Covid-საშვის აპლიკაციის გამოყენება სარეკომენდაციო ხასიათისაა.






რა ენერგეტიკული შეცდომები დაუშვა ევროპამ

რა ენერგეტიკული შეცდომები დაუშვა ევროპამ
access_time2021-10-17 20:00:44
ევროპა თავადაა დამნაშავე საკუთარ ენერგეტიკულ პრობლემებში. ამის შესახებ Financial times-ი იუწყება. რუსეთს ხშირად ადარებენ დათვს, თუმცა, გაზზე ფასების ზრდა მეტყველებს, რომ ამჟამად მასხარის როლი უფრო მოუხდებოდა. ბუნებრივი გაზი რუსეთის ერთ-ერთი მთავარი საექსპორტო საქონელია, ევროკავშირს კი ის დღეს ძალიან აკლია. ფასების ზრდა ევროპაში მცირე მარაგებისა და აზიაში მაღალი მოთხოვნის შედეგია, რაც რუსეთის...

დასავლეთი უკრაინას ევროკავშირში წევრობის იმედს არ აძლევს

დასავლეთი უკრაინას ევროკავშირში წევრობის იმედს არ აძლევს
access_time2021-10-17 18:00:22
ევროკავშირი უკრაინაში რეფორმების პროცესის დამუხრუჭებით უკმაყოფილოა, უკრაინა კი თავის მხრივ უკმაყოფილოა ევროკავშირში წევრობის პერსპექტივის არარსებობით. ბრიუსელს და კიევს შორის ურთიერთობებში აშკარა სიცივე იგრძნობა. ევროპის აუდიტის...

საქართველოს მოსახლეობის 17%-მდე საარსებო შემწეობას იღებს

საქართველოს მოსახლეობის 17%-მდე საარსებო შემწეობას იღებს
access_time2021-10-17 11:00:07
სოციალური მომსახურების სააგენტოს მონაცემების მიხედვით, ქვეყანაში საარსებო შემწეობის მიმღებთა რაოდენობა სულ უფრო იზრდება. სტატისტიკა მზარდია, არა მხოლოდ წლიურ, არამედ თვიურ...

თურქეთი საქართველოს გავლით პროდუქციის ევროკავშირში ექსპორტს შეძლებს

თურქეთი საქართველოს გავლით პროდუქციის ევროკავშირში ექსპორტს შეძლებს
access_time2021-10-16 12:11:40
თურქეთმა მიიღო უფლება თავისუფალი ვაჭრობის რეჟიმში განახორციელოს თურქულ ნედლეულზე საქართველოში წარმოებული პროდუქციის ექსპორტი ევროკავშირში.  ახალი შეთანხმება არ...

2022 წლის ბიუჯეტში პანდემიის მართვისთვის თანხა მცირდება

 2022 წლის ბიუჯეტში პანდემიის მართვისთვის თანხა მცირდება
access_time2021-10-17 12:00:40
ხელისუფლება 2022 წლის სახელმწიფო ბიუჯეტში პანდემიის მართვისთვის საჭირო თანხას ამცირებს. სახელმწიფო ხაზინის პირველადი პროექტის თანახმად, კოვიდ 19-თან დაკავშირებული ხარჯები 310 მლნ ლარითაა შემცირებული. 276 მილიონი ლარით იკლო მოსახლეობის ჯანმრთელობის დაცვისთვის განსაზღვრულმა დაფინანსებამაც. ხელისუფლება ჯანდაცვის სექტორის...


მსგავსი სიახლეები

up