MYWAY AIRLINES-ს ახალი დირექტორი ჰყავს

MYWAY AIRLINES-ს ახალი დირექტორი ჰყავს

access_time2020-11-24 16:55:53

ქართულ ავიაკომპანია Myway Airlines-ს ახალი დირექტორი ჰყავს. ამ თანამდებობაზე ჭენგლიანგ ლიუ ჩაანაცვლა სიმონ ჯამბაზიშვილმა, რომელიც კომპანიის 40%-იანი წილის მფლობელია.


რაც შეეხება ჭენგლიანგ ლიუს, მიუხედავად იმისა, რომ მან დირექტორის პოსტი დატოვა კომპანიის წილის მფლობელად მაინც რჩება.


კომპანიის პარტნიორთა კრებამ ცვლილება უკვე დაამტკიცა.


შეგახსენებთ, რომ ქართულ ავიაკომპანიას სულ ცოტა ხნის წინ მფლობელი შეეცვალა. კომპანიის 100%-იანი წილის ახალი მფლობელი Plus Aviation Investment-ია. საჯარო რეესტრში ატვირთული ნასყიდობის ხელშეკრულების მიხედვით, გარიგების მოცულობა 1,95 მლნ დოლარია.



Plus Aviation Investment-ი 2020 წლის აგვისტოშია დარეგისტრირებული. მისი 49%-იანი წილის მფლობელი ჩინეთის მოქალაქე ჭენგლიანგ ლიუა, 40%-ს სიმონ ჯამბაზიშვილი, 11%-ს კი ამავე კომპანიის აღმასრულებელი დირექტორი რატი ბაკურაძე ფლობს.


მხარეებს შორის შეთანხმებით, კომპანია Plus Aviation Investment-მა ავიაკომპანიის ყოფილ მფლობელსა და შპს „ხე-ტყის სამრეწველო საზოგადოება ხუაშუნ ლტდ საქართველოს“ შორის სასესხო ვალდებულებებსაც გადაიბარებს.


ახალმა მფლობელმა უნდა უზრუნველყოს შესაძენი წილების 90%-ის კომპანია „ხე-ტყის სამრეწველო საზოგადოება ხუაშუნ საქართველოს“ სასარგებლოდ დაგირავება, მას შემდეგ რაც შესაძენი წილი გამოთავისუფლდება, ამ წილიდან 20% „სიანძიანგ ჰუალინგ ინდუსტრიული და სავაჭრო ჯგუფის” სასარგებლოდ უნდა დათმოს, ასევე ნაკისრი ვალდებულებების შესასრულებლად, რაც ფაქტობრივად, უკვე შესყიდული წილის ნაწილის უკან დაბრუნების ტოლფასია.


საგულისხმოა, რომ ქართულ ავიაკომპანია Myway Airlines-ს გარკვეული პრობლემები აქვს ევროკავშირის ბაზარზე დაშვებასთან დაკავშირებით. მაგალითად, იმის გამო, რომ ავიაკომპანია ვერ აკმაყოფილებდა საქართველოს და ევროკავშირს შორის ერთიანი საჰაერო სივრცის შესახებ მოთხოვნებს, ევროკავშირის ქვეყნებში რეგულარული ავიარეისების შესრულებაზე 2019 წლის ივლისში ეთქვა უარი.


business-partner.ge



თეგები:
MYWAY AIRLINES



წელს მსოფლიო ტურიზმი 65%-ით აღდგება - UNWTO

წელს მსოფლიო ტურიზმი 65%-ით აღდგება - UNWTO
access_time2022-11-29 23:55:13
ტურიზმის საერთაშორისო ორგანიზაციის (UNWTO) პროგნოზით, საერთაშორისო ტურიზმის აღდგენის მაჩვენებელი წელს 65% იქნება. ორგანიზაციის ინფორმაციით, იანვარ-სექტემბერში 700 მლნ ტურისმტმა იმოგზაურა მთელ მსოფლიოში, რაც წლიურად 133%-ით გაზრდილი მაჩვენებელია, ხოლო 2019 წლის შესაბამისი პერიოდის 63%-ს შეადგენს. აღდგენის ეს მაჩვენებელი გამოწვეულია მოგზაურობაზე მაღალი მოთხოვნითა და „კოვიდის“ გამო დაწესებული შეზღუდვების შემსუბუქებით. საანგარიშო პერიოდში რეგიონში...

2022 წლის ათასწლეულის ინოვაციის კონკურსის ფინალისტების ვინაობა ცნობილია

2022 წლის ათასწლეულის ინოვაციის კონკურსის ფინალისტების ვინაობა ცნობილია
access_time2022-11-29 21:55:59
2022 წლის ათასწლეულის ინოვაციის კონკურსის მთავარი პრიზი - აშშ-ში ნასას საზაფხულო ბანაკში გამგზავრება, გუნდმა “LIGGA“-მ პროექტით „რადიაციის კვლევის, მონიტორინგისა და უსაფრთხოების სისტემა“ მოიპოვა. გუნდის მიერ შექმნილიპროექტის საშუალებით, შესაძლებელია ოთახებსა და შენობებში რადიაციის დონის კონტროლი და რადიაციის გავრცელების არეალის განსაზღვრა. გამარჯვებული გუნდის წევრები გაემგზავრებიან აშშ-ში და მონაწილეობას მიიღებენ NASA-ს კოსმოსური ცენტრის უნივერსიტეტის საზაფხულო სკოლაში....

ნატო-ს საგარეო საქმეთა მინისტრებმა ერთობლივი განცხადება გაავრცელეს, რომელშიც საქართველოს მხარდაჭერაზეც არის საუბარი

ნატო-ს საგარეო საქმეთა მინისტრებმა ერთობლივი განცხადება გაავრცელეს, რომელშიც საქართველოს მხარდაჭერაზეც არის საუბარი
access_time2022-11-29 20:55:28
ნატო-ს საგარეო საქმეთა მინისტრებმა ბუქარესტში გამართული შეხვედრის შემდეგ ერთობლივი განცხადება გაავრცელეს, რომელშიც საქართველოს მხარდაჭერაზეც არის საუბარი. როგორც განცხადებაშია აღნიშნული, ნატო-ს საგარეო საქმეთა მინისტრები გამოხატავენ მტკიცე ერთგულებას ალიანსის ღია კარის პოლიტიკისადმი. „დასავლეთ ბალკანეთის და შავი ზღვის რეგიონებს სტრატეგიული მნიშვნელობა აქვს ალიანსისთვის. ჩვენ მივესალმებით ჩვენს შეხვედრას ნატო-ს პარტნიორების, ბოსნია და...

ეკონომიკის ორნიშნა ზრდას და ლარის სიმყარეს მხოლოდ რუსეთის ეფექტს ვერ დავაბრალებთ - ვახტანგ ჭარაია

ეკონომიკის ორნიშნა ზრდას და ლარის სიმყარეს მხოლოდ რუსეთის ეფექტს ვერ დავაბრალებთ - ვახტანგ ჭარაია
access_time2022-11-29 21:30:15
ეკონომიკის ორნიშნა ზრდა და ლარის სიმყარეს მხოლოდ რუსეთის ეფექტს ვერ დავაბრალებთ, -ამის შესახებ გრიგოლ რობაქიძის სახელობის უნივერსიტეტის ბიზნესისა და მართვის სკოლის დეკანმა, პროფესორმა ვახგანგ ჭარაიამ, გიორგი აბაშიშვილის საავტორო გადაცემაში „ბიზნეს ინსაიდერი“ განაცხადა. მისი თქმით, გლობალურმა თუ ეკონომიკურმა ცვლილებებმა საქართველოზე გარკვეული პოზიტიური ეფექტი იქონია, მაგრამ საქართველო ამისთვის წლების განმავლობაში ემზადებოდა და ბევრი...

კომპანია Starlink-მა უკრაინის მაცხოვრებლებს ინტერნეტის ტარიფი გაუზარდა

კომპანია Starlink-მა უკრაინის მაცხოვრებლებს ინტერნეტის ტარიფი გაუზარდა
access_time2022-11-29 20:30:44
კომპანია Starlink-მა ინტერნეტის ტარიფი გაუზარდა უკრაინის მაცხოვრებლებს. კომპანიამ აბონენტებისთვის შესაბამისი წერილების დაგზავნა დაიწყო. 29 დეკემბრიდან სატელიტური ინტერნეტი კერძო პირებისთვის თვეში 60 დოლარიდან გაიზრდება 75 დოლარამდე. როგორც „ტელეგრამში“ წერს Инсайдер UA, Starlink-ის ტერმინალისა და ანტენის ფასი გაიზრდება და 500 დოლარის ნაცვლად 700 დოლარი ეღირება. ომის დაწყებიდან ილონ მასკის კომპანია SpaceX-მა უკრაინას Starlink-ის დაახლოებით 20...


მსგავსი სიახლეები

up