Beard.ge-ს მიერ მამაკაცებისთვის შეთავაზებულმა ინოვაციურმა მყარი სუნამოს პროდუქტმა მომხმარებლებში დიდი დაინტერესება გამოიწვია.
მყარი სუნამოს უპირატესობა, რომელიც ექსკლუზიურად, მხოლოდ Beard.ge-ს აქვს, სურნელის უფრო დიდხანს შენარჩუნებაა. პროდუქტი მცენარეული ექსტრაქტებისა და ფუტკრის ცვილის ბაზაზე მზადდება, რომელიც ასევე ხელს უწყობს კანის დატენიანებას.
მყარი სუნამოს კონცეფციის დეტალების გასარკვევად „კომერსანტი“ Beard.ge-ს გენერალურ მენეჯერს ლუკა ცარელაშვილს დაუკავშირდა.
„მყარი სუნამოს მთავარი უპირატესობა თხევად სუნამოსთან მიმართებაში სურნელის უფრო დიდხანს შენარჩუნებაა, თუნდაც ძალიან მზიან დღეებში. ამჟამად, ჩვენს მყარ სუნამოებს დიდ ბრიტანეთში ვამზადებთ და თითქმის ყველა ძირითადი კატეგორიის სურნელით გვაქვს. საწყის ეტაპზე, როდესაც სატესტოდ გაყიდვაში ჩავუშვით, ათჯერ უფრო ნაკლებ დროში ამოგვეწურა მარაგი, ვიდრე ველოდით, მას შემდეგ სხვადასხვა კატეგორიის სურნელებიც დავამატეთ და ამ ეტაპზე, ჩვენი ერთ-ერთი ყველაზე პოპულარული და გაყიდვადი პროდუქტია, რომელსაც უამრავი მომხმარებელი ჰყავს, განურჩევლად სქესისა და ასაკისა“, - აღნიშნავს ლუკა ცარელაშვილი.
მამაკაცებისთვის შექმნილი პროდუქცია ქალებისთვისაც მიმზიდველი აღმოჩნდა და Beard.ge-ს მომხმარებელთა სიაც გაიზარდა.
„მომხმარებლების მხრიდან დაინტერესებასა და მხარდაჭერას პირველივე დღიდან მკაფიოდ ვგრძნობთ. Beard.ge დაარსებისთანავე გახდა წვერსონების და არამარტო წვეროსნების ერთგული მეგობარი, დღემდე აქტიურად აგრძელებს მეგობრების შეძენას, რომლებიც გვაძლევენ მოტივაციას გუნდის თითოეულ წევრს, რომ ყოველდღიურად დავიხვეწოთ და განვავითაროთ საკუთარი თავი, რაც პირდაპირ აისახება ჩვენს ბრენდზე.
ძირითადი სამიზნე აუდიტორიაა 40 წლამდე მამაკაცები, რომლებსაც ვთავაზობთ პრემიუმ ხარისხის პროდუქციასა და სერვისს. ამ ეტაპზე ჩვენი ბრენდი პოპულარულია ამ სეგმენტში, თუმცა, ვინაიდან პროდუქცია ეფექტურია ნებისმიერი ასაკის მამაკაცისთვის, ვფიქრობთ, რომ მალე გაიზრდება ჩვენი მომხმარებლების ასაკობრივი ზღვარი. ასევე, რამოდენიმე პროდუქტს, აქტიურად მოიხმარენ ქალბატონებიც და მათგანაც საკმაოდ დიდია დაინტერესება.“ - განმარტავს ლუკა ცარელაშვილი.
Beard.ge თითქმის 4 წელია ქართულ ბაზარზე მომხმარებლებს საუკუნოვანი ისტორიის მქონე ბრენდებთან ერთად, საქართველოში დამზადებულ 100%-ით ნატურალურ წვერის მოვლის საშუალებებსაც სთავაზობს. თავდაპირველად კომპანიამ მუშაობა ონლაინ რეჟიმში დაიწყო, მუდმივად განვითარებაზე ორიენტირებული გუნდის წყალობით კი მალე საკუთარი ფილიალები გახსნეს. დღეს კი Beard.ge-ს პროდუქციის შეძენა როგორც ონლაინ, ასევე Galleria Tbilisi, City Mall Saburtalo, East Point და Tbilisi Mall-ის ფილიალებშიც შეძლებთ.
ანი ცარციძე