„მხოლოდ რეგლამენტი საქმეს არ შველის“ - ხელისუფლებას „არქიტექტურული საქმიანობის შესახებ“ კანონში ცვლილებებისკენ მოუწოდებენ

„მხოლოდ რეგლამენტი საქმეს არ შველის“ - ხელისუფლებას „არქიტექტურული საქმიანობის შესახებ“ კანონში ცვლილებებისკენ მოუწოდებენ

access_time2017-11-28 10:00:04

საქართველოში ბოლო 2 წელიწადში სასტუმროებში გაჩენილ ხანძრებს 14 ადამიანის სიცოცხლე ემსხვერპლა. 2015 წლის 10 მაისი, ქობულეთი, სასტუმრო „არმაზში“ ხანძარი გაჩნდა. შედეგად დაიღუპა 3 მოზარდი, რუსთავის ერთ-ერთი ცეკვის ანსამბლის წევრები. ამ ტრაგედიიდან რამდენიმე თვეში, 2015 წლის 23 ივლისის მთავრობის №370 დადგენილების მიხედვით, დამტკიცდა „სახანძრო უსაფრთხოების წესებისა და პირობების შესახებ“ ტექნიკური რეგლამენტი, რომლის დაცვაც სხვადასხვა ტიპის ობიექტებს, მათ შორის სასტუმროებს, საავადმყოფოებს, საწყობებს, ბენზინგასამართ სადგურებსა და სხვა ობიექტებს ევალებათ.


თუმცა, მძიმე გამოცდილების მიუხედავად, კანონმდებლობის და ზოგადად ხანძარწანინააღმდეგო ნორმების კიდევ უფრო გამკაცრებაზე არავინ ფიქრობს. უფრო მეტიც, არსებულ ნორმებს ობიექტები ასრულებენ თუ არა, ესაც ეჭვის ქვეშ დგას. სპეციალიატების თქმით, ფაქტია, რომ შენობები, მათ შორის მსხვილი და ძვირადღირებული სასტუმროები, ისე შედის ექსპლუატაციაში, რომ მათი შიდა შემოწმება ან არ ხდება, ან მხოლოდ ნაწილობრივ. ორი წლის წინ მსხვერპლი თუ სამი ადამიანი იყო, წელს, 24 ნოემბერს ბათუმში, სასტუმრო „ლეოგრანდში“ გაჩენილ ხანძარს 11 ადამიანის სიცოცხლე შეეწირა. მიუხედავად იმისა, რომ ჩვენ გვაქვს რეგლამენტი, კიდევ უფრო მასშტაბური ტრაგედია დატრიალდა.


სამშენებლო სფეროს სპეციალისტი  ნიკოლოზ აბაშიძე „კომერსანტთან“ საუბრისას განმარტავს, რომ შესაბამისი კოდექსის დამუშავება, რომელიც არქიტექტურულ-გეგმარებით და სახანძრო ნაწილსაც დაარეგულირებს, დღემდე არ გვაქვს.


 „სახელმწიფომ საბჭოური პრინციპების უარყოფა მოინდომა. როცა ერთს უარყოფ, ახლით უნდა შეცვალო. გვაქვს კანონი „არქიტექტურული საქმიანობის“ შესახებ, რომელიც როგორც მოძველებელი, გვერდით გაწიეს, მაგრამ ახლითაც არ ჩაანაცვლეს. სახანძრო და არქიტექტურულ-გეგმარებითი ნაწილი მთლიანად ჰაერშია გამოკიდებული. 14-15 წელია კოდექსი მუშავდება და თავი ვერ მოება, რომ როგორც კანონი, მიღებული იქნას. სფეროში ზემოქმედების ბერკეტები არ არის. სახელმწიფოს მხრიდან დიდი დანაშაულია, როცა ასეთი ტრაგედია ხდება, როგორიც ბათუმში დატრიალდა. ამიტო, აუცილებელია, რომ „არქიტექტურული საქმიანობის შესახებ“ კანონში ცვლილებები სასწრაფოდ შევიდეს.


რაც შეეხება „სახანძრო უსაფრთხოების წესებისა და პირობების შესახებ“ ტექნიკურ რეგლამენტს, ეს არის მეხანძრეებისთვის. მარტო რეგლამენტი საქმეს არ შველის, თუ ექსპერტიზა არ არსებობს. ეს ექსპერტიზა აქამდე მოხსნილი იყო, როგორც სახანძრო, ასევე არქიტექტურულ-გეგმარებით ნაწილში.  საექსპერტო შეფასებას გაკეთებულ ნამუშევარზე არავინ აკეთებდა. რეგლამენტს თუ არ მოჰყვება მისი გამოყენების დროს, პროექტირებაში შესაბამისი ექსპერტიზა და მხოლოდ ფორმალურ რეგლამენტად რჩება, აზრიც ეკარგება მის არსებობას“, - აღნიშნავს აბაშიძე.


კითხვაზე, ხდება თუ არა, თუნდაც არსებული რეგლამენტის შესრულება და ვინ ახდენს ამის შემოწმებას, აბაშიძის თქმით, ამის შესახებ ინფორმაცია არ აქვს.



 „წესით წელიწადში ერთხელ უნდა ხდებოდეს შემოწმება და ამას „112“ და კონკრეტულად საგანგებო სიტუაციების მართვის სააგენტო უნდა აკეთებდნენ. უნდა გაიცემოდეს შესაბამისი რეკომენდაციები. შემდეგ მოთხოვნილი იქნეს სამშენებლო ზედამხედველობის სამსახურიდან, რომ ეს რეკომენდაციები შესრულდეს. რამდენად ამოწმებენ, ამაზე ინფორმაციას არ ვფლობ. თავად ტექნიკური რეგლამენტი არ არის სრულყოფილი. ის მხოლოდ იმას ითვალისწინებს სად, რა აპარატურა უნდა იდგას, რამდენი ჩამქრობი უნდა იყოს და რა მანძილზე იდგას ერთმანეთისგან. რაც შეეხება საევაკუაციო კიბეს, ეს არის არა ტექნიკურ რეგლამენტში, არამედ არქიტექტურულ-გეგმარებით ნაწილში გათვალისწინებული, თუმცა იქაც ზოგადად წერია, რომ საევაკუაციო კიბე უნდა არსებობდეს“,  აცხადებს აბაშიძე.


რაც შეეხება საერთაშორისო პრაქტიკას, მაგალითისთვის, ავსტრიაში ჩვეულებრივ საცხოვრებელ კორპუსებში უსაფრთხოების სისტემა მაღალ დონეზეა მოწესრიგებული. ჟურნალისტის დავით კიკალიშვილის მიერ სოციალურ ქსელში გავრცელებულ ვიდეოში კარგად ჩანს, თუ როგორ არის დაცული ხანძარსაწინააღმდეგო ნორმები დაცული. როგორც კიკალიშვილი ვიდეოში აღნიშნავს, სადარბაზოშივე არის სპეციალური წარწერა, ღილაკი და მანათობელი ნიშნული, რომელიც დაკვამლიანებისასაც კარგად ჩანს, სინათლის ჩაქრობისას კი მაინც ანათებს. „ქვემოთ დამონტაჟებულ ღილაკზე ხელის დაჭერით მთელ კორპუსში ავტომატურად განგაშის ღილაკი ირთვება. აქვე არის წარწერა, რომ ღილაკს თუ ტყუილ-უბრალოდ გამოიყენებ, დიდი ოდენობით ჯარიმა დაგერისკება. ამასთან, სახლის დატოვება თუ ვერ მოახერხე, სარდაფში სპეციალური ბუნკერია მოწყობილი. მანათობელი ნიშნულები ყველა სართულზეა დამონტაჟებული  და სიბნელეშიც ჩანს. ასე რომ, მანათობლების დახმარებით, ბუნკერამდე გზას ადვილად გაიკვლევ. ბუნკერებთან სხვადასხვა ხანძარსაწინააღმდეგო საშუალებებია განთავსებული. ასევე, სახლის ავტოფარეხთან სპეციალური სახანძრო შლანგია დამონტაჟებული, რომელიც წყლის სისტემასთანაა დაკავშირებული. ის სახლის ყველა სართულს სწვდება. ყველა ეს სიტემა მწყობრშია თუ არა, სახელმწიფო დონეზე მკაცრად კონტროლდება. გარდა ამისა, ავტოფარეხს აქვს დამოკიდებელი გასასვლელი, რომლითაც ხანძრის დროს გარეთ გასვლას შეძლებ. ავტოფარეხში და სახლის ყოველ 15 მეტრში სახანძრო ბალონებია დამონტაჟებული. მსგავსი თავდაცვისა და უსაფრთხოების ნორმების შესრულების გარეშე სახლი ექსპლუატაციაში ვერ შევა“, -ამბობს ჟურნალისტი ვიდეოში.


ნიკოლოზ აბაშიძის თქმით, საერთაშორისო პრაქტიკა ასეთია, რომ ყველა პროექტს ჰყავს პასუხისმგებელი არქიტექტორი, ჩვენთან კი მსგავსი პასუხისმგებელი პირი არ არსებობს.


„ჩვენთან რეგლამენტირებული პროფესიული მხარე არ არსებობს. საზღვარგარეთ, როდესაც პროექტს აკეთებს ვიღაც, აუცილებელია სერტიფიცირებული არქიტექტორი ჩართოს. ეს უკანასკნელი კი პასუხს აგებს მოქმედ რეგლამენტებთან კავშირში. ჩვენთან ეს დაშვებული არ იქნა, შესაბამისად, არ გვყავს მომზადებული და პასუხისმგებელი პირები, ვინც რეგლამენტს გაატარებდა. არ ვიცით ვინ არის პასუხიმგებელი, ვინ უნდა შეამოწმოს პროექტი. ადრე იყვნენ პროექტის მთავარი არქიტექტორები და მთავარი ინჟინრები, რომლებიც დაგეგმარებით ექსპერტიზას ატარებდნენ. დღეს კი სერტიფიცირებული ინჟინერებიც კი არ გვყავს. როგორც უკვე აღვნიშნე, ამას დაემატა ისიც, რომ გეგმარებითი ექსპერტიზა მოიხსნა. ამის შემდეგ, კონტროლის ეს მექანიზმი ადგილობრივ ორგანოებში მაინც უნდა გადასულიყო, თუნდაც არქიტექტურის სამსახურებს ჩაეტარებინათ მსგავსი ტიპის ექსპერტიზები. მსგავსი სამსახურები მხოლოდ გარე შემოწმებას ახდენენ ფასადის, აივნების, ფანჯრების, მშენებლობის კოეფიციენტების, ქალაქგეგმარებით ნაწილს რამდენად შეესაბამება და ა.შ. შიდა გეგმარებითი ნაწილის შემოწმება სამწუხაროდ,  არ ხდება.


რადგანაც პროექტირებაში რეგლამენტირება არ არის, ამ პროექტებს ახალგაზრდა არქიტექტორებს იაფად აკეთებინებენ. მათ კი რეგლამენტი არ იციან. პროექტი ისე თანხმდება, რომ გეგმარებით ნაწილში რა დევს, არავინ იყურება. პროექტირება მეტ-ნაკლებად პროფესიონალის გაკეთებული თუ არის, მაშინ შეიძლება ეს დეტალები პროექტში გაითვალისწინოს. თუმცა მას ამას არავინ სთხოვს და შემდგომში არც არავინ ამოწმებს“, - აცხადებს ნიკოლოზ აბაშიძე.


მისივე თქმით, კონკრეტულად სასტუმრო „ლეოგრანდში“ ხანძრის გამომწვევი მიზეზი რა გახდა და რა დონეზე ჰქონდა ობიექტს ხანძარსაწინააღმდეგო ნორმები დაცული, ამაზე გამოძიების დასრულებამდე, შეფასების გაკეთება რთული იქნება, თუმცა აბაშიძის თქმით, ამ შემთხვევაში პასუხისმეგებელი პირის პოვნა რთული იქნება.


„გამოძიების დასრულდება, ჩვენ გვესმის მხოლოდ შესაძლო მიზეზები, რასაც ხანძრის და შემდეგომში ასეთი ტრაგედიის გამოწვევა შეეძლო. ამბობენ, რომ სასტუმროს კიბის უჯრედებსა და ლიფტში კვამლმა გაიარა. შემდეგ სინათლე გაითიშა. წესით ამ დროს ახალ კვებით წყაროზე უნდა გადადიოდეს ის სისტემები, რომლებიც ხანძრისა და უსაფრთხოების კუთხით მუშაობენ. უნდა იყოს მოწყობილობები, საიდანაც ჰაერის მიწოდება მოხდება, რომ კიბის უჯრედსა და ლიფტის შახტაში კვამლის გავრცელება არ მოხდეს. ეს სისტემები თუ თავიდანვე არავინ დააპროექტა, არც ექნება შენობას. ამ შემთხვევაში ალბათ, პასუხისმგებელ პირსაც კი ვერ ვიპოვით. ეს არის მთელი ჩვენი უბედურება“,  განაცხადა ნიკოლოზ აბაშიძემ.


ავტორი: თეონა კენჭიაშვილი

 

 

 





მილიარდელი დევიდ კოხი გარდაიცვალა

 მილიარდელი დევიდ კოხი გარდაიცვალა
access_time2019-08-23 19:00:32
მილიარდელი, რომელიც ამერიკული პოლიტიკის გარდაქმნას ცდილობდა და ქველმოქმედებაში მილიარდზე მეტი აქვს დახარჯული, 79 წლის ასაკში გარდაიცვალა. ფაქტის შესახებ კოხის სპიკერმა კრისტიან ნიკოლასმა განაცხადა. ბიზნესმენი, რომლის ქონება 59 მილიად დოლარს შეადგენდა, მსოფლიოში უმდიდრეს  ადამიანებს შორის მეშვიდე ადგილს იკავებდა. შემოსავლის დიდი ნაწილი მან კანზასის ქალაქ ვიჩიტაში დაფუძნებული კომპანია Koch Industries-იდან მიიღო, რომლის წლიური შემოსავალი 110 მილიარდ...

სებ-ი ვალდებულია ხაზარაძის განცხადებით დაინტერესდეს და განმარტება გააკეთოს - აკაკი ჩარგეიშვილი

სებ-ი ვალდებულია ხაზარაძის განცხადებით დაინტერესდეს და განმარტება გააკეთოს - აკაკი ჩარგეიშვილი
access_time2019-08-23 17:00:11
„საქართველოს ეროვნული ბანკი ვალდებულია დაინტერესდეს და შესაბამისი განმარტება გააკეთოს მამუკა ხაზარაძის განცხადებაზე, რომელიც ძალიან დამაინტრიგებელია. საზოგადოებაში კითხვები გაჩნდა და საჭიროა ამ კითხვებს დროულად გაეცეს პასუხი. ჩვენ ვართ სხვადასხვა ბანკის მომხმარებელი, ამიტომ ეს უფრო გააღრმავებს საფინანსო ორგანიზაციებსა და საზოგადოებას შორის ისედაც უკვე დიდი ხნის...

სოფელ საყავრესთან ტყეში გაჩენილი ხანძარი ლოკალიზებულია - რა რესურსით ებრძვის სახანძრო-სამაშველო დეპარტამენტი ხანძრებს

სოფელ საყავრესთან ტყეში გაჩენილი ხანძარი ლოკალიზებულია - რა რესურსით ებრძვის სახანძრო-სამაშველო დეპარტამენტი ხანძრებს
access_time2019-08-23 15:30:18
გორის მუნიციპალიტეტში, სოფელ საყავრესთან ტყის მასივში გაჩენილი ხანძარი ლოკალიზებულია. მეხანძრე-მაშველებმა, სასაზღვრო პოლიციის სამი ვერტმფრენის დამხარებით ტყის ხანძრის ლოკალიზება შეძლეს. 3 ათასი მეხანძრე, 304 - სახანძრო ავტოტრანსპოტრი, სამაშველო...

ADB საქართველოსთან თანამშრომლობის ახალი სტრატეგია დაამტკიცა - სესხების მოცულობა შემდგომი ხუთი წლის განმავლობაში 2 მილიარდ აშშ დოლარს შეადგენს

ADB საქართველოსთან თანამშრომლობის ახალი სტრატეგია დაამტკიცა - სესხების მოცულობა შემდგომი ხუთი წლის განმავლობაში 2 მილიარდ აშშ დოლარს შეადგენს
access_time2019-08-23 12:30:39
აზიის განვითარების ბანკმა (ADB) დღეს საქართველოსთან თანამშრომლობის ახალი სტრატეგია დაამტკიცა. ბანკის ცნობით, 2019-2023 წლების თანამშრომლობის ხუთწლიანი სტრატეგია, მხარს უჭერს საქართველოს მთავრობის განვითარების სტრატეგიას, რომელიც ეფექტურობის გაზრდასა და სიღარიბის შემცირებას ისახავს მიზნად მეზობელ ქვეყნებთან და დანარჩენ მსოფლიოსთან ეკონომიკური ინტეგრაციის გზით. ქვეყანასთან თანამშრომლობის ახალი სტრატეგია მიმართული იქნება სავაჭრო კავშირების გაღრმავებაზე,...

ზაზა ფაჩულიამ „არქი“ იყიდა!

ზაზა ფაჩულიამ „არქი“ იყიდა!
access_time2019-08-23 10:55:30
ცცნობილი ქართველი კალათბურთელი, NBA-ს ორგზის ჩემპიონი ზაზა ფაჩულია დეველოპერული კომპანია „არქის“ წილის მფლობელი გახდა. ფაჩულიას “არქისთან” მრავალწლიანი ურთიერთობა აკავშირებს და მისი მონაწილეობით კომპანიამ არაერთი მარკეტინგული აქტივობა განახორციელა. 21 აგვისტოს, კი ზაზა ფაჩულიასა და “არქის” თანამშრომლობამ განსხვავებული ფორმა შეიძინა. გაფორმებული მემორანდუმის მიხედვით ფაჩულიამ კომპანიის წილი იყიდა და ილია წულაიასთან და მენი ბენიშთან ერთად „არქის“ თანამფლობელი...


მსგავსი სიახლეები

up