პანდემიამ ქართული ელექტომობილის  წარმოება გადადო

პანდემიამ ქართული ელექტომობილის წარმოება გადადო

access_time2020-06-11 15:55:38

ერთი წლის წინ, ქუთაისში ელექტრომობილების ქარხნის პროექტის გრანდიოზული პრეზენტაცია გაიმართა.ღონისძიებაზე ითქვა, რომ  საწარმოს ნაწილის მშენებლობა 2019 წელს დასრულდებოდა და ქუთაისი ოფიციალურად დაიბრუნებდა ავტომშენებელი ქალაქის სტატუსს. თუმცა, უძველესი ქალაქის ეკონომიკური განვითარება უახლესმა რეალობამ შეაფერხა. კორონავირუსის პანდემიის გამო მწვანე ეკონომიკის მშენებლობა დროებით გადაიდო.

 

ელექტრომობილების წარმოების განმახორციელებელი კომპანიის, „აიგრუპის“დირექტორთა საბჭოს თავმჯდომარე კახა გულედანი განმარტავს, რომ მსოფლიოში შექმნილი ურთულესი მდგომარეობის გამო 2019 წლის შემოდგომაზე  შეძენილი საწარმოო ხაზისა და ტექნოლოგიური სიმძლავრეების ჩინეთიდან დროული მოწოდება ამ დრომდე ვერ მოხერხდა. გულედანი იმედს იტოვებს, რომ არსებული ვითარება უახლოეს პერიოდში დასტაბილურდება, რაც კომპანიას საშუალებას მისცემს დაწყებული პროცესი გააგრძელოს. „აიგრუპის“დირექტორთა საბჭოს თავმჯდომარე ვარაუდობს, რომ კომპანიას ქართული ელექტრომობილის წარმოების დაწყების დათქმული თარიღების გადახედვა მოუწევს.

 

„COVID 19-ის გამო მსოფლიოში განვითარებულმა პროცესებმა, რომელიც ჩინეთში ყველაზე ადრე, დეკემბრის თვიდან დაიწყო, ცხადია შეაფერხა ჩვენი გეგმები.  უმნიშვნელოვანესი პრობლემა იყო ლოგისტიკური შეფერხებები. ჩვენმა პარტნიორმა, ავტოინდუსტრიის ჩინურმა გიგანტმა, ჩანგანმა მხოლოდ თებერვლის მეორე ნახევარში დაიწყო საწარმოო პროცესების განახლება, ისიც მხოლოდ ავტომატიზირებულ ნაწილებში. სრულად, სამუშაო პროცესს ქარხანა როდის დაუბრუნდება, ჯერ არ ვიცით. დღეს უკვე შეგვიძლია ვთქვათ, რომ სრულად დაკომპლექტებული ტექნოლოგიური სიმძლავრეები საქართველოში ივლისის დასაწყისში  ჩამოვა.

 

მეორე, ასევე უმნიშვნელოვანესი პრობლემა, კადრების მივლინებასთან არის  დაკავშირებული. ჩვენ ველოდებოდით ინჟინრების გუნდს ჩინეთიდან, ვისაც უნდა ემართა საწარმოს მშენებლობის და საწარმოო ხაზების მონტაჟის მიმართულება. ასევე, უნდა გაგვეგზავნა ქართველ სპეციალისტთა გუნდი გადამზადებაზე ჩინეთში. მიმდინარე მოვლენების გამო ეს მიმართულებაც  2019 წლის  ბოლოდან  დღემდე შეჩერებულია“,- განმარტავს კახა გულედანი.

 

აღსანიშნავია, რომ ელექტრომობილების დიზაინზე ცნობილი ქართველი სამრეწველო დიზაინერი ზვიად ციკოლია მუშაობს. „კომერსანტთან“ საუბარში იგი აცხადებს, რომ ავტომობილის დიზაინზე მუშაობა უკვე დაწყებული აქვს. ზვიად ციკოლიას განმარტებით საქართველოს კარგი პოტენციალი და პერსპექტივა აქვს იმისთვის, რომ


 

„დაწყებული მაქვს მუშაობა მანქანაზე, კონცეფცია არსებობს, მაგრამ ავტომობილის წარმოებაში ჩაშვება მარტივად არ ხდება. დიდი გზა გვაქვს გასავლელი, უნდა დავიწყოთ არსებული სტანდარტული მოდელის ათვისება. საქართველოში წარმოების კულტურა არ არსებობს და იმისთვის, რომ სხვა ქვეყნებს გავუწიოთ კონკურნცია ჩვენ გვჭირდება ამ კულტურის ამაღლდება. აქედან გამომდინარე, ქარხანა როგორც კი ამუშავდება დასჭირდება დაახლოებით 2-3 წელი იმისთვის, რომ ეს კულტურა შესაბამის დონზე ავიდეს.


პარალელურ რეჟიმში ჩვენ ვიმუშავებთ გარდამავალ მოდელზე, პრაქტიკულად დიზაინი გაკეთებულია. გარდამავალ მოდელში არსებული ჩინური ავტომობილის სახეცვლილება მოხდება და წარდგება როგორც განსხვავებული მოდელი ამავე დროს იქნება მუშაობა იმაზე, რომ ჩვენ ვაწარმოოთ ქართული ავტომობილი, თუმცა ეს შორს მიმავალი გეგმებია, დღესდღეობით ნომერ პირველი დავალებაა ის, რომ ჩინური ავტომობილის წარმოება დავიწყოთ. ვირუსმა მსოფლიოში პრიორიტეტები და შეხედულება ბიზნესზე შეცვალა“, - განაცხადა ზვიად ციკოლიამ.

 

შეგახსენებთ, რომ ქუთაისში მდებარე ელექტრომობილების მწარმოებელი ქარხანა ერთ-ერთია, რომელსაც 2019 წელს, საინვესტიციო ვალდებულებებით, 68 მილიონი ლარის ღირებულების სახელმწიფო ქონება - მიწა და შენობა 1 ლარად გადაეცა. ელექტრომობილების წარმოების დაწყების შესახებ მემორანდუმი 2019 წლის მაისში გაფორმდა, რომელსაც ხელი მოაწერეს  საქართველოს ეკონომიკისა და მდგრადი განვითარების მინისტრმა ნათია თურნავამ, ეკონომიკისა და მდგრადი განვითარების სამინისტროს სსიპ ქონების ეროვნული სააგენტოს ხელმძღვანელმა გიორგი დუგლაძემ, ქართული კომპანია Aigroup და ჩინური კომპანია „ჩანგანის“ წარმომადგენლებმა. ელექტრომობილების ქარხნის ამოქმედებიდან 18 თვის ვადაში ბაზარზე 5 000 ელექტრომობილის წარმოება იგეგმებოდა ხოლო საწარმოს სრულად­ დატვირთვის შემდეგ 40 000 ელექტრომობილის საიდანაც ნახევარი საექსპორტოდ, მეორე ნახევარი კი ადგილობრივი ბაზრისთვის იქნებოდა განკუთვნილი. ბრენდირებული ელექტრომობილები წარწერით Made in Georgia კი ევროპისა და აზიის ქვეყნების ბაზრებზე საქართველოს მთავარი საექსპორტო პროდუქტი უნდა გამხდარიყო.


ბაჩო ადამია





ქართული არხები ხვალიდან, შესაძლოა, ფასიანი გახდეს

ქართული არხები ხვალიდან, შესაძლოა, ფასიანი გახდეს
access_time2021-07-31 13:04:25
ხვალიდან, ქართული არხები შესაძლოა, საკაბელო ტელევიზიებისთვის ფასიანი გახდეს. აღნიშნულის შესახებ საკაბელო ტელევიზიების კავშირის მიერ გავრცელებულ განცხადებაშია აღნიშნული.   კავშირის ცნობით, 2021 წლის ივნისში მაუწყებლობის ტრანზიტზე ავტორიზებულმა პირებმა მიიღეს შპს “მედია რაითს ჯორჯიას“ წერილი, ტელეარხების - „იმედი“, „ჯიდიეს tv“, „რუსთავი 2“, „პოს tv“, „tv პირველი“, „ფორმულა“, „მთავარი არხის“ ფასიანი ტრანზიტის ხელშეკრულებების გაფორმების მოთხოვნით.   კერძოდ,...

საქართველოს საფონდო ბირჟაზე 5 თვეა ნულოვანი ბრუნვა ფიქსირდება

საქართველოს საფონდო ბირჟაზე 5 თვეა ნულოვანი ბრუნვა ფიქსირდება
access_time2021-07-31 12:00:02
საქართველოს ისედაც თითქმის უმოქმედო საფონდო ბირჟა 2021 წელს მთლიანად გაჩერდა. თებერვლის შემდეგ 1 გარიგებაც კი არ შემდგარა. 7 თვის განმავლობაში კი ყველა გარიგების ჯამმა 2453 ლარი შეადგინა, რაც იმდენად ცოტაა, რომ შეიზლება 0-დაც ჩაითვალოს. 2021 წლის ივლისში საქართველოს საფონდო ბირჟის ვებგვერდზე ზოგადი ინფორმაციის ველში წერია, რომ 1-ლი ივლისის მდგომარეობით ბირჟაზე სულ 26 კომპანიის აქციები იყო განთავსებული, რომელთა კაპიტალიზაცია $754 მლრდ-ს აღწევდა, მაგრამ ივნისში დღიური...

ლარი დოლართან და ევროსთან გაუფასურდა

ლარი დოლართან და ევროსთან გაუფასურდა
access_time2021-07-30 18:00:43
30 ივნისის ვაჭრობის შედეგად ლარი დოლართან მიმართებაში 0.47 თეთრით 3.1244-მდე გაუფასურდა. Bloomberg-ის პლატფორმაზე კი დღის ბოლოს კურსმა 3.1100 შეადგინა. დოლარის მსგავსად ლარი ასევე გაუფასურდა ევროსთან 1.31 თეთრით 3.7174-მდე, ბრიტანლ ფუნტთან 1.28 თეთრით 4.3670-მდე, თურქულ ლირასთან 0.46 თეთრით 0.3713-მდე, აზერბაიჯანულ მანათთან 0.67 თეთრით 1.8391-მდე, 100 რუსულ რუბლთან 1.88 თეთრით 4.2829-მდე. გამონაკლისი სომხური დრამი აღმოჩნდა 1000 დრამი 2.73 თეთრით 6.4197-მდე...

AstraZeneca-ს ვაქცინების გაყიდვიდან მიღებული შემოსავლები 1,17 მილიარდ დოლარს, Pfizer-ის კი ათჯერ მეტს აღწევს

AstraZeneca-ს ვაქცინების გაყიდვიდან მიღებული შემოსავლები 1,17 მილიარდ დოლარს, Pfizer-ის კი ათჯერ მეტს აღწევს
access_time2021-07-31 16:00:06
ბრიტანულ-შვედური ფარმაცევტული კომპანიის AstraZeneca-ს ვაქცინების გაყიდვებიდან მიღებულმა შემოსავლებმა 2021 წლის პირველ 6 თვეში 1,17 მილიარდი დოლარი შეადგინა. როგორც ანგარიშში ვკითხულობთ, ვაქცინების გაყიდვები მეორე კვარტალში მოსალოდნელზე მეტი აღმოჩნდა და 894 მილიონი დოლარი შეადგინა.   როგორც დოკუმენტშია აღნიშნული, კომპანიამ და მისმა პარტნიორებმა მიმდინარე წლის 6 თვეში 700 მილიონი დოზა ვაქცინის რეალიზება მოახდინეს მსოფლიოს 170 ქვეყანაში, მათ შორის 80 მილიონი დოზა...

იანვარ-ივნისში სამშენებლო ნებართვების რაოდენობა 4400-მდე გაიზარდა

იანვარ-ივნისში სამშენებლო ნებართვების რაოდენობა 4400-მდე გაიზარდა
access_time2021-07-31 14:00:49
ოფიციალური დეკლარირებული მონაცემებით, საქართველოში 2021 წლის იანვარ-ივნისში შენობა-ნაგებობის მშენებლობაზე 4400 ნებართვა გაიცა, რაც წინა წლის შესაბამის პერიოდთან შედარებით 5,5-ით მეტია.   საერთო ჯამში, ნებართვა გაიცა 2955,0 ათასი კვ.მ ფართზე. ეს მაჩვენებელი წინა წელს 14,7%-ით უსწრებს.   აღსანიშნავია, რომ ნებართვების 71,8% მოდის ქვეყნის 4 რეგიონზე. კერძოდ, ჩასატარებელი სამშენებლო სამუშაოების 47,3%- ქ. თბილისზე, 9% - ქვემო ქართლის რეგიონზე, 8,6% - იმერეთის...


მსგავსი სიახლეები

up