მწარმოებელთა ფედერაციის პრეზიდენტი: ბანკები უპირატესობას იმპორტიორ კომპანიებს ანიჭებენ

მწარმოებელთა ფედერაციის პრეზიდენტი: ბანკები უპირატესობას იმპორტიორ კომპანიებს ანიჭებენ

person access_time2016-04-11 18:19:04

ინტერვიუ საქართველოს მწარმოებელთა ფედერაციის პრეზიდენტ ლევან სილაგავასთან


- თქვენი ახალი ფედერაცია 6 ასოციაციას და 100-ზე მეტ დამოუკიდებელ მწარმოებელს აერთიანებს, რომლებიც აქამდე არცერთი ორგანიზაციის წევრი არ ყოფილან. რატომ გადაწყვიტეთ სხვადასხვა ასოციაციებმა ერთი ქოლგის ქვეშ გაერთიანება?


- არამარტო ჩამოთვლილმა ასოციაციებმა დააფუძნეს, არამედ ჩვენთან ერთად არის არაალკოჰოლურ სასმელთა ასოციაცია, აგრეთვე კომპანიები, რომლებიც მუშაობენ მრეწველობის დარგში. ესენია საქკაბელი, მაღალტექნოლოგიების მწარმოებლები და ა.შ. ჩვენ ეს ასოციაცია იქიდან გამომდინარე დავაფუძნეთ, რომ პრობლემები, რომლებიც ადგილობრივი წარმოების წინაშეა, ყველა სუბიექტს ერთი აქვს და გადაწყვეტის გზაც ერთია. ანუ ეს არის კომუნიკაცია მთავრობასთან, აგრეთვე არასამთავრობო და სხვადასხვა ორგანიზაციებთან და მიმართულია იმისკენ, რომ შეიქმნას კონკურენტუნარიანი ველი საქართველოში და ადგილობრივ წარმოებას სრულყოფილად ფუნქციონირების საშუალება მიეცეს, ვინაიდან დღესდღეობით ძალიან ცუდი სტატისტიკაა. იმპორტი არის 80%, აქედან ადგილობრივი წარმოების წილი არის 20%. ჩვენთან გაერთიანებული მწარმოებლები თავისთავად არიან ინვესტორები და შესაბამისად მათ აქვთ მრავალმილიონიანი ინვესტიცია ჩადებული საქართველოს ეკონომიკაში.


- თქვენი ბიზნეს ასოციაციის გაერთიანების უმთავრესი მიზანია ადგილობრივი ბაზრის დაცვა, მეწარმეობის უნარის განვითარება და ექსპორტის გაზრდა. საკმაოდ ამბიციური და რთული მიზნები გაქვთ დასახული, რამდენადაც ცნობილია, დიდი ხანი მიდიოდა განხილვები ახალი ფედერაციის შექმნის იდეაზე. თუ შეიმუშავეთ უკვე გარკვეული გეგმა, როგორ აპირებთ მიზნების მიღწევას? 


- არამარტო ჩამოთვლილი ადგილობრივი წარმოების კონკურენტული გარემოს შექმნა არის ჩვენი მიზანი, არამედ ყველა იმ დარგის, რომლებიც ჩვენთან არიან, პრობლემების წამოწევა და მიტანა მთავრობასთან. შესაბამისად, ის რომ მხოლოდ ერთ გარკვეულ თემაზე ვმუშაობთ, არასწორია. ჩვენ ყველა დარგის კომპანიების სატკივარს ვითვალისწინებთ და მივდივართ მიზნისაკენ. 



- რამდენად ღია იქნება თქვენი ბიზნეს გაერთიანება ახალი წევრების მიმართ? გაქვთ რაიმე კრიტერიუმები, რასაც ფედერაციის წევრი უნდა აკმაყოფილებდეს თუ ნებისმიერი ტიპის და ზომის ბიზნესის მიღებას შეძლებთ სურვილის შემთხვევაში? 


- ჩვენ შევძლებთ ყველა კომპანიის მიღებას, ვინც აწარმოებს პროდუქციას საქართველოში. ეს არის საქართველოს მწარმოებელთა ასოციაცია, შესაბამისად ჩვენ გვაქვს გეგმები, რომლის მიხედვითაც შეიძლება საქართველოს ეკონომიკა ადგილობრივი წარმოების მეშვეობით გამოვიდეს იმ პრობლემებიდან, რომელიც სამწუხაროდ დღეს საქართველოში არის. 


- ბიზნეს ასოციაცია საქართველოში უკვე არსებობს, მის ფარგლებში ვერ ხერხდებოდა აღნიშნული პრობლემების გადაჭრა? 


- მე ვახსენე სტატისტიკა, 20% ადგილობრივი წარმოება და 80% იმპორტი. შესაბამისად ეს ყველაფერი ასახულია ცხოვრებაში. ბიზნეს ასოციაციაში რა თქმა უნდა წარმოდგენილნი იყვნენ კომპანიები, რომლებიც საქართველოში აწარმოებდნენ პროდუქციას, თუმცა როგორც სტატისტიკიდან ჩანს, გადაწყვეტილების მიღების დროს არ იყო შესაძლებელი ბოლომდე დაეცვათ თავიანთი პოზიციები. ჩვენ პატივს ვცემთ ყველა ბიზნეს გაერთიანებას და მათ შორის ძალიან დიდ პატივს ვცემთ ბიზნეს ასოციაციას, თუმცა ადგილობრივი მწარმოებლების პრიორიტეტები უფრო ჩვენს ასოციაციაში იქნება წარმოდგენილი.


- ადგილობრივი მწარმოებლები ერთ-ერთ პრობლემად ასახელებენ იმას, რომ კრედიტებზე არ მიუწვდებათ ხელი. რამდენად მიხედავთ აღნიშნულ პრობლემას? 


- ესეც მისახედი პრობლემაა, იქიდან გამომდინარე, რომ როდესაც ვლაპარაკობთ არაკონკურენტულ გარემოზე, თავისთავად ცხადია, რომ წარმოებები, რომლებიც ადგილზე აწარმოებენ პროდუქციას, რისკის ჯგუფში იმყოფებიან იმპორტთან შედარებით. საკმაოდ ხშირია, როდესაც პროდუქცია შემოდის სუბსიდირებულად ბანკებისთვის უფრო მისაღებია ის ფასი, რომლითაც იმპორტიორს შემოაქვს პროდუქცია და როდესაც ჩვენ კრედიტების აღებაზე ველაპარაკებით ბანკებს, ისნი თვლიან, რომ ის ღირებულება რომელიც ახლოს არის რეალიზაციის ზღვართან საკმაოდ სარისკოა. აქედან გამომდინარე ბანკებს უპირატესობა უფრო იმპორტიორებისკენ აქვთ. სწორი კონკურნტუნარიანი გარემოს პირობებში ამის გამოსწორება სრულიად შესაძლებელია და ადგილობრივი წარმოება არის ის, რაც ქმნის ადგილობრივ პროდუქტს, რომელიც ასაქმებს ხალხს და შეაქვს ბიუჯეტში შემოსავალი.


 - რამდენად გაქვთ ხელისუფლები მხრიდან მხარდაჭერის იმედი და თუ მუშაობთ ამ მიმართულებით? 


- აუცილებლად გვაქვს ხელისუფლების მხრიდან მხარდაჭერის იმედი, რადგანაც ჩვენ ერთი მხრივ გამოვდივართ საერთო პრობლემებით.




იპოთეკის სუბსიდირება, ბავშვთა შემწეობის გაორმაგება, ბიზნესის მხარდაჭერა, დასაქმება – პრემიერ–მინისტრის პარლამენტში გამოსვლის ძირითადი თეზისები

იპოთეკის სუბსიდირება, ბავშვთა შემწეობის გაორმაგება, ბიზნესის მხარდაჭერა, დასაქმება – პრემიერ–მინისტრის პარლამენტში გამოსვლის ძირითადი თეზისები
access_time2021-06-25 16:30:13
საქართველოს მე-10 მოწვევის პარლამენტის საგაზაფხულო სესიის 25 ივნისის პლენარული სხდომაზე საქართველოს პრემიერ-მინისტრმა ირაკლი  ღარიბაშვილმა ანგარიში და ქვეყნის  განვითარების 10-წლიანი გეგმა წარადგინა. მისი თქმით, ეკონომიკური სტაბილურობისა და ქვეყნის სიძლიერისთვის რეგიონების განვითარება და ახალი სამუშაო ადგილების შემქნა...

„ტურიზმის სექტორიდან კადრების გადინება ერთ-ერთი მწვავე პრობლემაა, რომელიც სწრაფ და ეფექტიან რეაგირებას საჭიროებს“ - ლევან ვეფხვაძე

„ტურიზმის სექტორიდან კადრების გადინება ერთ-ერთი მწვავე პრობლემაა, რომელიც სწრაფ და ეფექტიან რეაგირებას საჭიროებს“ - ლევან ვეფხვაძე
access_time2021-06-25 14:50:47
საქართველოს ბიზნეს ასოციაციაში ტურიზმის კომიტეტის სხდომა გაიმართა, სადაც სექტორში არსებულ მთავარ გამოწვევად კვალიფიციური კადრების გადინება და შედეგად მათი სხვადასხვა ინდუსტრიებში გადანაწილება დასახელდა. ასოციაციის წევრი კომპანიებისა და კომიტეტის...

თინუსის სენდვიჩი თინუსისა და პურის გარეშე – NYT–ის ჟურნალისტურ გამოძიებას საქართველოში Subway–ს წარმომადგენელი პასუხობს

თინუსის სენდვიჩი თინუსისა და პურის გარეშე –  NYT–ის ჟურნალისტურ გამოძიებას საქართველოში Subway–ს წარმომადგენელი პასუხობს
access_time2021-06-25 16:00:51
Subway–ს რესტორნების ქსელს ახალი პრობლემა აქვს: The New York Times–ის დამოუკიდებელმა გამოძიებამ ირიბად დაადასტურა, რომ პოპულარულ სენდვიჩში ჩადებული თინუსი არ აღმოჩნდა რეალური თინუსი. გამოძიების შედეგი თანხვედრაშია აშშ–ში მიმდინარე წელს გაკეთებულ კოლექტიურ სარჩელთან. გასულ წელს ირლანდიის სასამართლომ დაადგინა, რომ ამ პროდუქტში არც პურია პური. ამის შესახებ The New York Times წერდა. ამ თემაზე „კომერსანტი“ საქართველოში Subway–ს  წარმომადგენელს გივი ორდენიძეს დაუკავშირდა,...

გადაიხადე საკომისიოს გარეშე - აქცია თიბისი ფეისგან

გადაიხადე საკომისიოს გარეშე - აქცია თიბისი ფეისგან
access_time2021-06-25 13:55:24
დღეიდან თიბისი ფეის ვებგვერდსა და აპლიკაციაში ნებისმიერი სერვისის გადახდას საკომისიოს გარეშე შეძლებთ.   თიბისი ფეი არის პორტალი, სადაც თავმოყრილია 1000-ზე მეტი სერვისი. აქ შესაძლებელია გადაიხადოთ სხვადასხვა ტიპის გადასახადი, ასევე გადარიცხოთ ან მოითხოვოთ თანხა.   www.tbcpay.ge-ს მეშვეობით შეგიძლიათ დაფაროთ კომუნალური გადასახადები, საბანკო და სადაზღვევო თანხები, გადაიხადოთ სწავლის საფასური, შეიძინოთ სასაჩუქრე ბარათები...

ხაზარაძე საშემოსავლო გადასახადის შემცირების ინიციატივით გამოდის

ხაზარაძე საშემოსავლო გადასახადის შემცირების ინიციატივით გამოდის
access_time2021-06-25 13:50:20
ლელოს ლიდერი მამუკა ხაზარაძე პარლამენტის დარგობრივი ეკონომიკის კომიტეტის სხდომაზე საშემოსავლო გადასახადის 15–18%–მდე შემცირების ინიციატივით გამოვიდა. „თუ გვინდა რომ შემოსავალი გავზარდოთ, საშემოსავლო გადასახადი ქვეყანაში უნდა იქნას დაწეული. თუ საშემოსავლო გადასახადს დავწევთ 15-18 პროცედნტამდე, მე გარანტიას გაძლევთ, რომ ქვეყანა მიღებს მშპ–ის საკმაოდ სერიოზულ დანამატს და შეოსავალს ქვეყნის ბიუჯეტში“, - განაცხადა მამუკა ხაზარაძემ. მან „სტრატეგია აღმაშენებლის“ ლიდერის გიორგი...


მსგავსი სიახლეები

up