მტვერსასრუტების კომპანია ელექტრომობილების წარმოებას იწყებს

მტვერსასრუტების კომპანია ელექტრომობილების წარმოებას იწყებს

access_time2016-04-03 10:09:15

მტვერსასრუტებისა და სხვა საყოფაცხოვრებო ტექნიკის მწარმოებელი კომპანია Dyson–ი ელექტროქარების გამოშვებას გეგმავს.  The Guardian–ის ინფორმაციით, ბრიტანეთის მთავრობა მზადაა კომპანიას მხარდაჭერა აღმოუჩინოს და მოდელის შექმნაზე 174 მილიონი გირვანქა სტერლინგის ინვესტიცია გამოუყოს.


ამის შესახებ ნათქვამია დოკუმენტში, რომელიც დიდი ბრიტანეთის მთავრობის საიტზეა განთავსებული. ინფორმაციაში აღნიშნულია, რომ ინვესტიციები დაიხარჯება 500 სამუშაო ადგილის შექმნაზე, რომელთა უმრავლესობა ინჟინერი იქნება. იგივე დასახელების მტვერსასრუტის შექმნის გარდა, Dyson–იცნობილია „უფრთო“ ვენტილატორისა და ციკლონ–სეპარატორის წარმოებით, რომელმაც ტრადიციული ფილტრები შეცვალა. 

 

კომპანიას გარკვეული გამოცდილება აქვს სატრანსპორტო საშუალებების კონსტრუქციის მიმართულებითაც. 1970 წელს Dyson–ის მომავალმა ხელმძღვანელმა ჯეისონ დაისონმა შექმნა სწრაფმავალი სატვირთო გემი Sea Truck, რომელსაც შეუძლია მოუწყობელ სანაპიროზე გაჩერება. მისი კიდევ ერთი პროექტი იყო სასოფლო–სამეურნეო ურიკა Ballbarrow, რომელსაც ბორბლის ნაცვლად ბურთი აქვს.



ელექტროქარები თანდათანობით ხდება ავტოინდუსტრიის მთავარი ტრენდი. 24 თებერვალს ცნობილი გახდა, რომ 2015 წელს მთელ მსოფლიოში ელექტრომობილების გაყიდვების მოცულობა 60%–ით გაიზარდა მიუხედავად ბენზინის დაბალი ფასებისა. უახლოესი ორი წლის განმავლობაში Tesla და Chevrolet აპირებენ ელექტრომობილების გაყიდვების მკვეთრ გაზრდას. ამ მანქანების საშუალო ფასი 30 ათას დოლარამდე უნდა შემცირდეს, რაც პოტენციური კლიენტების ბაზას გააფართოებს.

 

უახლოესი 5 წლის განმავლობაში კომპანია Ford –ი აპირებს თავისი პროდუქტების ხაზს 13 ახალი ავტომობილი დაამატოს. 2020 წლისთვის Ford –ის ავტომობილების 40% ელექტრონულ ძრავაზე იმუშავებს. ელექტროქარების შექმნაში კომპანია 4,5 მილიარდი დოლარის ჩადებას აპირებს. გარდა ამისა, Ford–ი გეგმავს გაზარდოს გლობალური კვლევები ელექტროქარების აკუმულატორების სფეროში და კვლევებში ევროპელი და აზიელი მეცნიერები და ინჟინრები ჩართოს.

 

ელექტროძრავიანი ავტომობილების წარმოებაში მილიარდობით დოლარს დებენ Volkswagen, Nissan და BMW.

 

ავტომწარმოებლების გარდა, ამ ბაზარზე საკუთარი ნიშის ათვისებას გეგმავენ Apple–ი და Google–ი. სპეციალისტები აღნიშნავენ, რომ ეს ტენდენცია შესაძლოა პრობლემად იქცეს ნავთობის ბაზრის მოთამაშეებისთვის.



ბიძინა ივანიშვილის გარემოცვა ჩართული არის ელიტარულ კორუფციაში

ბიძინა ივანიშვილის გარემოცვა ჩართული არის ელიტარულ კორუფციაში
access_time2020-02-25 19:00:51
პარლამენტის დარგობრივ სხდომაზე ფინანსთა მინისტრი არ მივიდა. ფრაქცია „დამოუკიდებელი დეპუტატების“ წევრმა ლევან კობერიძემ გადაცემაში „პოლიტიკის ფორმულა“  განაცხადა,რომ ფინანსთა მინისტრმა ისინი მოატყუა. „ჩვენ გავაგზავნეთ ფინანსთა და ჯანდაცვის მინისტრებთან წერილი,რომ მობრძანებულიყვნენ ფრაქციაში და კონკრეტულ საკითხებზე გვესაუბრა. ეს საკითხებია დღგ-ს ნაწილში ყალბი აქტივის შექმნა, ტელევიზიების მიერ არგადახდილი დღგ და აზარტული თამაშები.  კითხვები გვქონდა...

როგორ მივაღწიოთ ინკლუზიურ ეკონომიკურ ზრდას საქართველოში?

როგორ მივაღწიოთ ინკლუზიურ ეკონომიკურ ზრდას საქართველოში?
access_time2020-02-25 17:00:17
ISET-ი ინკლუზიურ ეკონომიკურ ზრდასთან დაკავშირებით კვლევას აქვეყნებს. მათი ინფორმაციით,საქართველოში ბოლო ათწლეულებში ეკონომიკური პოლიტიკის გარკვეული ინიციატივები ერთმანეთთან შეუსაბამობაში მოდის. მაგალითად, ერთი მხრივ, მთავრობა ცდილობს, წაახალისოს მცირე ფერმერები, გადაინაცვლონ ეკონომიკის სხვა სექტორებში (რისთვისაც წარმოების ხელშემწყობ სააგენტოებს აარსებს), მეორე მხრივ, ეხმარება მათ სხვადასხვა პროგრამებით (მაგ. კოოპერატივების მხარდაჭერით), აიმაღლონ პროდუქტიულობა და დარჩნენ სოფლის მეურნეობაში....

გლობალური პანდემია შესაძლოა მსოფლიოს 1 ტრილიონი დოლარი დაუჯდეს

გლობალური პანდემია შესაძლოა მსოფლიოს 1 ტრილიონი დოლარი დაუჯდეს
access_time2020-02-25 20:00:35
შემაშფოთებელი პერსპექტივა იმის, რომ კორონავირუსის მასშტაბური გავრცელება გლობალიზაციის ეპოქის პირველი მძლავრი პანდემია აღმოჩნდეს, ბადებს ეჭვებს მსოფლიოს ეკონომიკურ სტაბილურობაზე. კორონავირუსით გარდაცვლილთა რიცხვმა 3000-ს მიაღწია, დაფიქსირდა 80 000-ზე მეტი შემთხვევა.  იტალიაში ვირუსის გავრცელებამ ეკონომიკის უმდიდრეს ზონებს დარტყმა მიაყენა. ზოგი ეკონომისტი საუბრობს, თუ რა შეიძლება გამოიწვიოს არათანაბარმა განვითარებამ გლობალურ...

876 ათასი ლარი ავეჯის შესაძენად – ვინ მართავს ბათუმის სტადიონს

876 ათასი ლარი ავეჯის შესაძენად – ვინ მართავს ბათუმის სტადიონს
access_time2020-02-25 18:00:17
ბათუმის საფეხბურთო სტადიონისთვის ავეჯის შესაძენად აჭარის ფინანსთა და ეკონომიკის სამინისტროს შპს „სტადიონმა“ ელექტრონული ტენდერი გამოაცხადა. სკამების, მაგიდების, დივნების, კარადების და სხვა ინვენტარის შესაძენად აჭარის ბიუჯეტიდან 876 ათასი ლარია გამოყოფილი.ავეჯის დიზაინი, დეტალური ტექნიკური მახასიათებლები, განლაგების სქემა და ნახაზები ტენდერის პირობებშია...

როგორ კარგავს ბიუჯეტი მნიშვნელოვან თანხებს თხევადი აირის იმპორტიდან

როგორ კარგავს ბიუჯეტი მნიშვნელოვან თანხებს თხევადი აირის იმპორტიდან
access_time2020-02-25 15:45:46
თხევადი აირი (LPG) სულ უფრო პოპულარული ხდება ქართველ მომხმარებელში და ამას აქვს არაერთი მიზეზი. მაგალითად არაოფიციალური მონაცემებით (ოფიციალური სტატისტიკა არ იწარმოება), თუ 2 წლის წინ ამ საწვავზე მომუშავე ავტომანქანების რაოდენობა 1 000 ავტომობილს აღწევდა, დღეს მათი რიცხვი 10 000 ავტომობილს აჭარბებს. LPG -ის სწრაფი პოპულარობის მიზეზი კი როგორც ვახსენეთ რამდენიმეა. პირველი და, რა თქმა უნდა, მთავარი არის ფასი. ერთი კოლოგრამი LPG-ის ღირებულება, საშუალოდ 1.25 ლარია. საგულისხმოა ის გარემოებაც, რომ...


მსგავსი სიახლეები

up