ეკონომიკისა და მდგრადი განვითარების სამინისტროს შპს „მთის კურორტების განვითარების კომპანიასა“ და USAID ის ეკონომიკური უსაფრთხოების პროგრამის თანამშრომლობის ფარგლებში, ხორციელდება შპს „მთის კურორტების განვითარების კომპანიის“ მხარდაჭერა ახალი ტურისტული პროდუქტების შექმნის, საერთაშორისო სპორტული ღონისძიებების ორგანიზების, კურორტებზე უსაფრთხოების ზომების გაუმჯობესების, მთის კურორტების პერსონალის კვალიფიკაციის ამაღლებისა და სხვა მიმართულებით.
„2023 წლამდე ქვეყანას აქვს ვალდებულება ჩაატაროს საერთაშორისო დონის შეჯიბრებები. არსებული გადამზადების პროექტი ემსახურება ჩვენი პერსონალის მომზადებას და კვალიფიკაციის ამაღლებას. პროექტში ჩართულია, როგორც გუდაურის, ასევე ბაკურიანის პერსონალი, რაც მნიშვნელოვანია ორივე კურორტის განვითარებისთვის“- მთის კურორტების განვითარების კომპანიის დირექტორი ირაკლი ჭირაქაძე.
აღნიშნული თანამშრომლობის ფარგლებში, USAID-ის ეკონომიკური უსაფრთხოების პროგრამის მხარდაჭერით ხორციელდება პროექტი „სნოუპარკის პროდუქტის განვითარება.“ პროექტის პარტნიორები არიან საერთაშორისო კომპანიები Prinoth და F-Tech.
“ჩვენ აქტიურად ვთანამშრომლობთ მთის კურორტების განვითარების კომპანიასთან, როგორც ზამთრის ტურისტული პროდუქტების განვითარების, ასევე სპორტული ღონისძიებების მაღალ დონეზე ჩატარებისთვის საჭირო პროექტების განხორციელებაში. მოწვეული გვყავს, საერთაშორისო ექსპერტთა ჯგუფი, რომლებიც გაუზიარებენ გამოცდილებას მთის კურორტების კომპანიის თანამშრომლებს“ ვანო ვაშაყმაძე, USAID ეკონომიკური უსაფრთხობის პროგრამის ტურიზმის მიმართულების ხელმძღვანელი.
პროექტი მოიცავს საქართველოს სამთო-სათხილამურო კურორტებზე ზამთრის ტურისტული პროდუქტის შექმნა-განვითარებას, სნოუპარკის მშენებლობას, საერთაშორისო გამოცდილების გაზიარებას და ინსტრუქტაჟის გაწევას. ამ მიზნით, კომპანია Prinoth-სა და F-Tech-ის საერთაშორისო ექსპერტების მიერ გადამზადდნენ გუდაურის და ბაკურიანის თოვლსატკეპნი ტექნიკის მემანქანე ოპერატორები, ღონისძიებების მართვის, ტექნიკური სამსახურისა და კომპანია White Rabbit-ის თანამშრომლები.
“ჩვენ გვიმუშავია არა ერთ მსოფლიო ჩემპიონატზე სხვადასხვა კურორტებზე. გუდაურში, დაგვხდა გასაოცარი სათხილამურო კურორტი, უზარმაზარი მთები, ბევრი თოვლი და უამრავი ადამიანი, ვინც ნამდვილად ბევრი გააკეთა სათხილამურო კურორტის წინსვლისთვის. ჩვენ ჩამოვედით იმისთვის, რომ გაგიზიაროთ გამოცდილება .” F-Tech-ის წარმომადგენელი, ჰარალდ გრისმაირ.
აღნიშნული პროექტის განხორციელება უმნიშვნელოვანესია, მთის კურორტების პოპულარიზაციისთვის, ზამთრის ტურისტული პროდუქტების განვითარების და სპორტული ღონისძიებების ღირსეული მასპინძლობისთვის. „სნოუპარკის პროდუქტის განვითარება „ კი წარმოადგენს განვითარების ახალ ეტაპს, როელიც საერთაშორისო ექსპერტების მიერ შემუშავებული რეკომენდაციების შესაბამისად ხორციელდება.