„მთავრობის მიერ წარმოდგენილი 10-წლიანი ეკონომიკური განვითარების გეგმა მიმართულია ეკონომიკის სწრაფ განვითარებასა და სიღარიბის შემცირებისკენ“ - სოსო ფხაკაძე

„მთავრობის მიერ წარმოდგენილი 10-წლიანი ეკონომიკური განვითარების გეგმა მიმართულია ეკონომიკის სწრაფ განვითარებასა და სიღარიბის შემცირებისკენ“ - სოსო ფხაკაძე

access_time2021-07-06 20:55:58

საქართველოს ბიზნეს ასოციაციის პრეზიდენტი სოსო ფხაკაძე საქართველოს ეკონომიკისა და მდგრადი განვითარების სამინისტროს მიერ წარმოდგენილ 10-წლიანი ეკონომიკური განვითარების გეგმას ეხმაურება. მისი თქმით, „ძალიან მნიშვნელოვანია, რომ ბიზნესმა იცოდეს ეკონომიკური განვითარების გრძელვადიანი მიდგომები და გეგმები და მისასალმებელია, რომ დღეს ეკონომიკის სამინისტრომ წარმოადგინა 2030 წლამდე ეკონომიკის განვითარების კონკრეტული ხედვა. ეს დოკუმენტი ბევრ საინტერესო კომპონენტს მოიცავს.


გამოვყოფდით იმ ნაწილს, რომელიც რეფორმებს ეხება. კარგია, რომ ეკონომიკის სამინისტრო აქტიურად იმუშავებს კაპიტალის ბაზრების განვითარებაზე, ვინაიდან დამატებით, სხვადასხვა ტიპის კაპიტალის შემოდინება, მათ შორის ინსტიტუციონალური ინვესტიციების, საქართველოში ბიზნესისთვის გააჩენს დამატებით ფინანსურ რესურსებს, რაც იქნება ქვეყანაში დღემდე არსებული ფინანსური რესურსების მოძიების გზების კარგი ალტერნატივა. ფინანსური კაპიტალის მოძიების გაადვილება ბევრ კარგ, ახალ ბიზნეს წამოწყებას ჩაუყრის საფუძველს.


ასევე გამოვყოფდით რეფორმებს ენერგეტიკაში, წიაღის მოპოვების მიმართულებით, სახელმწიფო საწარმოების მართვის კუთხით. ეს ყველაფერი მნიშვნელოვნად გახსნის ბიზნესთან თანამშრომლობის შესაძლებლობებს. იმედს გამოვთქვამთ, რომ აღნიშნული ეკონომიკური რეფორმები ლოგიკურ შედეგამდე მიიყვანს ქვეყანას, რაც გულისხმობს, ინვესტიციების მოზიდვას, ქართული ბიზნესის უფრო მეტად გააქტიურებას, ეკონომიკის განვითარებას და საბოლოო ჯამში ჩვენი ქვეყნისთვის მთავარი ამოცანის მიღწევას - სიღარიბის შემცირებას.



ასოციაციის პრეზიდენტი, ასევე გამოეხმაურა იმ მხარდამჭერ სქემებს, რომელიც სახელმწიფომ შესთავაზა ბიზნესს. მისი თქმით „სხვა მხარდამჭერ პროექტებთან ერთად, საუბარია უძრავი ქონების სექტორის და სამშენებლო კომპანიების მხარდაჭერაზე, რომელიც ასევე გულისხმობს დემოგრაფიული პრობლემების მიმართულებით მნიშვნელოვანი ყურადღების გამახვილებას, კერძოდ შვილის შეძენის შემთხვევაში ამ ოჯახებისთვის ბინების შესყიდვისას საპროცენტო ხარჯების ნაწილობრივად სახელმწიფოს მიერ დაფინანსებას. ეს ძალიან ღირებული გადაწყვეტილებაა“.


სხვა საკითხებთან ერთად, საქართველოს ბიზნეს ასოციაციის პრეზიდენტმა ყურადღება გაამახვილა საგრანტო, საკრედიტო-საგარანტიო და სუბსიდირების სქემებზეც.


„არანაკლებ მნიშვნელოვანია ბიზნესის სხვადასხვა ტიპის მხარდაჭერის სქემები, რადგანაც საბოლოო ჯამში გრანტები, წამახალისებელი სესხები და საკრედიტო-საგარანტიო სქემები უზრუნველყოფენ ადგილობრივი თუ უცხოელი ინვესტორების საკმაოდ თამამ აქტივობას სხვადასხვა სექტორებში, განსაკუთრებით მრეწველობისა და ქართული პროდუქციის წარმოების მიმართულებით. ამ სექტორების განვითარება ქართულ ეკონომიკაში დღემდე პრობლემას წარმოადგენს და მათი გაძლიერების აუცილებლობა, ვფიქრობთ, სწორად არის პროგრამაში დასახული.


ასევე საგულისხმოა იმპორტის ჩანაცვლებასა და ექსპორტის წახალისების სქემები და თუ ეს განხორციელდა, სხვა რიგ სიკეთეებთან ერთად, იგი ასევე გამოიწვევს მიმდინარე ანგარიშის დეფიციტის შემცირებას და ლარის კურსის სტაბილურობას, რაც ჩვენი ქვეყნის ბიზნესის მთავარი გამოწვევაა.


ყოველივე აქედან გამომდინარე, ზემოთ ჩამოთვლილი ფაქტორები და მთავრობის მიერ წარმოდგენილი 10-წლიანი ეკონომიკური განვითარების გეგმა, ჩვენი აზრით, მიმართულია ეკონომიკის სწრაფ განვითარებასა და სიღარიბის შემცირებისაკენ და ვისურვებდით, რომ დასახული მიზნები განხორციელდეს. ბიზნესის ჩართულობა ამ ამოცანების რეალიზაციის საქმეში მაქსიმალური იქნება. ასევე, უახლოეს დღეებში ჩვენ წარმოვადგენთ ჩვენს შენიშვნებს 10-წლიანი ეკონომიკური გეგმის პროექტთან დაკავშირებით“ - განაცხადა საქართველოს ბიზნეს ასოციაციის პრეზიდენტმა, სოსო ფხაკაძემ.


(R)





„ბორჯომის“ თანამფლობელი რუსი ოლიგარქი მიხაილ ფრიდმანი ლონდონში დააკავეს

„ბორჯომის“ თანამფლობელი რუსი ოლიგარქი მიხაილ ფრიდმანი ლონდონში დააკავეს
access_time2022-12-03 22:50:49
    დიდი ბრიტანეთის დანაშაულის ეროვნული სააგენტო (NCA) იტყობინება, რომ 58 წლის რუსი ბიზნესმენი ლონდონში დააკავეს, შემდეგ კი გირაოს სანაცვლოდ გაათავისუფლეს. რუსეთის ცენტრალური სახელმწიფო საინფორმაციო სააგენტოს (TASS) წყარო ირწმუნება, რომ ის Alfa Group-ის დამფუძნებელი მიხაილ ფრიდმანია. ინფორმაციას ...

2021 წელს ევროკავშირმა კვლევასა და განვითარებაზე 328 მლრდ ევრო დახარჯა

2021 წელს ევროკავშირმა კვლევასა და განვითარებაზე 328 მლრდ ევრო დახარჯა
access_time2022-12-03 22:20:33
2021 წელს ევროკავშირმა 328 მლრდ ევრო დახარჯა კვლევასა და განვითარებაზე, (R & D) რაც 6%-ით მეტია წინა წელთან შედარებით. 2020 წელს ამ მიმართულებით 310 მლრდ ევრო დაიხარჯა, მონაცემებს ევროსტატი აქვეყნებს.   2021 წელს R&D ხარჯები მშპ-ს პროცენტულად ყველაზე მაღალი დაფიქსირდა: შვედეთში (3.35%), ავსტრიასა (3.22%) და ბელგიაში (3.19%). ყველაზე დაბალი - რუმინეთში (0.48%), მალტასა (0.65%) და ლატვიაში...

ნოემბერში მარცვლეულის მსოფლიო ფასები 1,3%-ით შემცირდა - გაეროს

ნოემბერში მარცვლეულის მსოფლიო ფასები 1,3%-ით შემცირდა - გაეროს
access_time2022-12-03 19:30:40
მარცვლეულის მსოფლიო ფასი ნოემბერში 1,3%-ით დაეცა. ამის მიზეზია შავი ზღვაზე „მარცვლეულის შეთანხმების“ ინიციატივის გაგრძელება.   შავი ზღვის გავლით მარცვლეულის ექსპორტის შეთანხმება 120 დღით გახანგრძლივდა ამის შესახებ გაერო-ს სურსათისა და სოფლის მეურნეობის ორგანიზაციის (FAO) მთავარმა ეკონომისტმა მაქსიმო ტორერომ ბრიფინგზე განაცხადა.   „მარცვლეულის ფასის ინდექსი 1,3%-ით დაეცა. ნოემბერში კლება განპირობებულია შავი ზღვის მარცვლეულის ინიციატივის...

შუა დერეფანი „მწვანე“ და ელექტრონულ სატრანსპორტო მარშრუტად გადაიქცევა

შუა დერეფანი „მწვანე“ და ელექტრონულ სატრანსპორტო მარშრუტად გადაიქცევა
access_time2022-12-03 20:00:58
სამომავლოდ, შუა დერეფნის (ტრანსკასპიური საერთაშორისო სატრანსპორტო მარშრუტი) „მწვანე“ და ელექტრონულ სატრანსპორტო მარშრუტად გადაქცევა იგეგმება. ამის შესახებ ჟურნალისტებს ბაქოს საერთაშორისო საზღვაო სავაჭრო პორტის გენერალურმა დირექტორმა ტალეჰ ზიადოვმა განუცხადა.   მისი თქმით, უახლოეს 10 წელიწადში შუა დერეფანი შესაძლოა, აღმოსავლეთისა და დასავლეთის დამაკავშირებელი მთავარი რგოლი გახდეს.   მისივე თქმით „მწვანე კონცეფცია“ ათ წელიწადში უფრო მეტად აქტუალური...

მეცნიერები C ჰეპატიტის ვაქცინის შექმნას ერთი ნაბიჯით მიუახლოვდნენ

მეცნიერები C ჰეპატიტის ვაქცინის შექმნას ერთი ნაბიჯით მიუახლოვდნენ
access_time2022-12-03 19:00:47
C ჰეპატიტის ვირუსი (HCV) ყოველწლიურად 70 მილიონზე მეტ ადამიანს აინფიცირებს და დაახლოებით 400 000-ს კლავს. ვირუსი ღვიძლის ქრონიკულ ინფექციას იწვევს და უფრო მძიმე შემთხვევებში შეიძლება ღვიძლის ქსოვილის ნაწიბურების წარმოქმნა ან კიბოც კი გამოიწვიოს, წერს Inverse-ი.   ამჟამად HCV-ის შედეგად გამოწვეული ინფექციების მკურნალობა შესაძლებელია, მაგრამ ძვირია და პაციენტს ხელახალი...


მსგავსი სიახლეები

up