სახელმწიფომ დაანონსა ინიციატივა, რომელიც მცირე და საშუალო ბიზნესის ხელშეწყობას გულისხმობს. სქემის მიხედვით, მეწარმეები ახალი პროექტებისთვის საბანკო სესხის 90 პროცენტის გარანტიას, ხოლო უკვე არსებულისთვის 30 პროცენტის გარანტიას მიიღებენ. 

„კომერსანტი“ დაინტერესდა იცნობენ თუ არა აღნიშნულ საგარანტიო სქემას მეწარმეები და რამდენად დადებითად აფასებენ ისინი მთავრობის ინიციატივას.   

„მნიშვნელოვანი და უნიკალური პროექტი და ძალიან ცოტა ქვეყანას აქვს იმის ფუფუნება რომ თავიანთ მეწარმეებს ასეთი შეღავათი გაუწიოს“,— მეწარმეთა ასოციაციის ხელმძღვანელი მიხეილ ჭელიძე მთავრობის საკრედიტო-საგარანტიო სქემის  დაამტკიცებას ეხმაურება. სახელმწიფოს მხრიდან მცირე და საშუალო ბიზნესის მხარდაჭერას ჭელიძე დადებითად აფასებს.   

სქემის მიხედვით, ახალ პროექტებს, სახელმწიფო მხარში დაუდგება საბანკო სესხის 90 პროცენტის გარანტიით, ხოლო იმ კომპანიებს, რომლებსაც უკვე აღებული აქვთ სესხი, არსებულ პროექტებში, მათ სახელმწიფო გვერდში დაუდგება 30 პროცენტის გარანტიით. ჭელიძის თქმით, ეს ყველაფერი მეწარმეების განვითარებასა და ფინანსურ ხელშეწყობაზეა ორიენტირებული.  

„საგარანტიო სქემა შინაარსობრივად  შედეგზე ორიენტირებულია და მცირე და საშუალო ბიზნესის ხელშეწყობისკენაა მიმართული. ერთ-ერთი მთავარი პრობლემა მცირე და საშუალო ბიზნესში იყო ის, რომ უზრუნველყოფის გარეშე სესხის აღება არ შეეძლოთ. სწორედ ამ პრობლემის გადაჭრას ემსახურება სახელმწიფოს ინიციატივა. ამ ნაბიჯით მცირე და საშუალო ბიზნესი მნიშვნელოვნად განვითარდება. 2019 წელსაც არსებობდა მსგავსი ვარიანტი,  უბრალოდ უფრო მასშტაბური, ადრე 70% იყო უზრუნველყოფა და ახლა 90% გახდა და საქმიანობის სფეროებიც გაიზარდა,“-აცხადებს მიხეილ ჭელიძე.

 მცირე და საშუალო მეწარმეთა ასოციაციის ხელმძღვანელის თქმით, დაფინანსების ბიზნესი სესხს როგორც კომერციული ბანკის ასევე მიკროსაფინანსოს გავლითაც მიიღებს და ორივე შემთხვევაში პროცენტი მეწარმის საქმიანობაზე მორგებული იქნება.

საკითხის სრულვასოვნად გარკვევამდე დაზუსტებით საგარანტიო სქემის მნიშვნელობაზე საუბარი უჭირს მცირე მეწარმე პაატა აბრამიას. მიუხედავად იმისა, რომ მეწარმე მთავრობის ინიციატივად დადებითად აფასებს არ იცის რამდენად საკმარისია ბიზნესითვის გამოყოფილი 40 მლნ.

„არ ვიცით რას მოიზარებს შინაარსობრივად ეს საგარანტიო სქემა.  ამ დღეებში იქნება ცნობილი, შინაარსობრივად რაც გულისხმობს ეს გარანტია. ძალიან კარგი ინსტრუმენტია მეწარმისთვის მაგრამ ბანკი რას მოითხოვს ეს არის მთავარი. თავად ეს მექანიზმიც როგორ იმუშავებს საინტერესოა. აწარმოე საქართველოს არ აქვს დოკუმენტი, დღეს ან ხვალ მთლიანი შინაარსი ექნება და უფრო დეტალურად გავივლი საკითხს.

ახალი  და მიმდინარე  პროექტების წახალისება რა თქმა უნდა კარგი ნაბიჯია, თუმცა როგორ იმოქმედებს ან რაზე გადანაწილდება ეს 40 მლნ. ეს არის მნიშვნელოვანი,“— აცხადებს პაატა აბრამია.

აღსანიშნავია, რომ 2019 წლის  1 აპრილიდან ამოქმედდა საკრედიტო საგარანტიო სქემის სახელმწიფო პროგრამა, რომელიც მცირე და საშუალო ბიზნესის მხარდაჭერისთვის შეიქმნა და ამ ფონდისთვის 2019-2023 წლებში ყოველწლიურად, ბიუჯეტიდან 20 მლნ ლარი გამოიყო.  დღეს საგარანტიო სქემის სახით გამოყოფილი თანხა 40 მლნ. ლარს შეადგენს.  

ნათია ლომიძე