მთავრობის გაურკვეველი მიდგომა და არაპროფესიონალიზმი – ვასო ურუშაძე ტექდათვალიერების პროექტს აკრიტიკებს

მთავრობის გაურკვეველი მიდგომა და არაპროფესიონალიზმი – ვასო ურუშაძე ტექდათვალიერების პროექტს აკრიტიკებს

access_time2017-10-06 10:20:21

„საზოგადოებრივი ინტერესებიდან გამომდინარე, ტექდათვალიერების კუთხით უამრავი გამოწვევა არსებობს და ამაზე საქართველოს მთავრობისგან რეალური პასუხები არ გვაქვს“, - ამის შესახებ „ეკო ტრანსპორტ ცენტრის“ აღმასრულებელმა დირექტორმა ვასო ურუშაძემ „კომერსანტს“ განუცხადა.

 

1,2 მლნ. რეგისტრირებული ავტომობილისთვის სავალდებულო ტექნიკური ინსპექტირების ფასი 60 ლარი იქნება. ამის შესახებ ეკონომიკის სამინისტროს სახმელეთო ტრანსპორტის სააგენტოს დირექტორმა მიხეილ ხმალაძემ განაცხადა.  ხმალაძის ინფორმაციით, აუცილებლად დაწესდება მომსახურების ფასის ზედა ზღვარი - ფასი იქნება რეგულირებული, რათა შემდეგ ბაზარზე ხელოვნურად არ გაიზარდოს ფასი და მოსახლეობას ეს სერვისი ტვირთად არ დააწვეს. გარდა ამისა, მისივე თქმით, ავტომობილების ტექდათვალიერების დროს 7 ყველაზე მნიშვნელოვანი კრიტერიუმი იმოქმედებს, რომელიც ყველას მოეთხოვება, ეს არის - მუხრუჭები, საჭის მექანიზმი, სავალი ნაწილი, ხილვადობა, მაშუქები ანუ ფარები, გამონაბოლქვი და საბურავები.

 

როგორც „ეკო ტრანსპორტ ცენტრის“ აღმასრულებელი დირექტორი ვასო ურუშაძე „კომერსანტთან“ საუბრისას აღნიშნავს, ტექდათვალიერების მომსახურების ფასის დასახელება საკმაოდ ადრეა, მაშინ, როდესაც სტანდარტი და თამაშის წესები არ არის გამოვლენილი.

 

„სტანდარტი და თამაშის წესები არაა გამოვლენილი და ამ დროს ტარიფებზე ვსაუბრობთ. საინტერესოა, რის საფუძველზე ვასახელებთ ტარიფს? 60 ლარი იქნება, 120 თუ 180, ეს იმის შემდეგ უნდა გაირკვეს, როცა გვეცოდინება ინსპექტირებას სახელმწიფო ორგანიზაციები განახორციელებენ, თუ კერძო სექტორი. მთავრობის გაურკვეველი მიდგომა, არაპროფესიონალიზმი და დაბალი კვალიფიკაცია მეტყველებს იმაზე, რომ ქვეყანაში სატრანსპორტო პოლიტიკა არ გვაქვს. ტექნიკური დათვალიერების ინსპექტირებაში ღირებულება ბოლო ეტაპია. ჯერ სხვა მნიშვნელოვანი სამუშაოებია ჩასატარებელი. მთავრობამ კითხვებს უნდა უპასუხოს. არსებობს უამრავი გამოწვევა საზოგადოებრივი ინტერესებიდან გამომდინარე და ამაზე ჩვენ რეალური პასუხები არ გვაქვს“, - აღნიშნა ურუშაძემ.

 

მისივე თქმით, ტექდათვალიერების ინსპექტირების აღდგენა ხდება თუ რეფორმის გატარება, ესეც გასარკვევია, რადგან ამჟამად მოქმედი სავალდებული ინსპექტირება არაეფექტიანია.


 

„პირველ რიგში, გასარკვევია ის, ჩვენ ვსაუბრობთ ტექდათვალიერების აღდგენაზე, თუ სავალდებულო ტექნიკური დათვალიერების რეფორმაზე. თუ აღდგენაზეა საუბარი, ეს ისედაც სავალდებულოა იმ სატრანსპორტო საშუალებებისთვის, რომელსაც რვა მგზავრი და მეტი გადაჰყავს და მისი მასა სამტონახევარზე მეტია. დღეს არსებული ტექნიკური დათვალიერება არის არაეფექტიანი, რადგან ამ სავალდებულო ინსპექტირებას მხოლოდ 14% გადის. ამიტომაც არა აღდგენაზე, არამედ რეფორმაზე უნდა ვიფიქროთ“, - განაცხადა ურუშაძემ.

 

მისივე განმარტებით, დასადგენია ის დეტალიც ტექდათვალიერების ინსპექტირება ორ მთავარ კომპონენტს - მოძრაობის უსაფრთხოებასა და ეკოლოგიის პრობლემას თუ მოაგვარებს.

 

„შესწავლილი და გაანალიზებული უნდა იყოს ჰაერის დაბინძურების კუთხით რა მდგომარეობაა თბილისსა და რეგიონებში და ამის შემდეგ დადგინდეს დაბინძურებაში, რა წილი აქვს ტექნიკურად გაუმართავ ავტომანქანებს.  რაც შეეხება მოძრაობის უსაფრთხოებას, შსს-ს ოფიციალური სტატისტიკის მიხედვით, წლის განმავლობაში ავტოსაგზაო შემთხვევებიდან 2-3 ხდება ტექნიკურად გაუმართავი ავტომანქანის მიზეზით. მაშინ ჩნდება კითხვა - რა საჭიროა ასეთი მასშტაბური რეფორმა, თუ მხოლოდ რამდენიმე შემთხვევის პრევენცია უნდა მოხდეს. ეს არის ერთ-ერთი ყველაზე მასშტაბური რეფორმა, რომლის ანალოგიც საქართველოს დამოუკიდებლობის ისტორიაში არ გატარებულა. ამიტომაც ანალიზი, კვლევები და დასაბუთებაა საჭირო, თუ რისთვის გვინდა ინსპექტირება და რა უნდა შეცვალოს. მიზანი ის არის, რომ ევროკავშირის დირექტივას ვასრულებთ, თუ გზებზე მოძრაობის უსაფრთხოება და ეკოლოგიური მდგომარეობის გაუმჯობესება გვინდა“, - აღნიშნა ურუშაძემ.

 

რაც შეეხება იმ საკითხს, რომ ტექნიკური დათვალიერების ინსპექტირებამ შესაძლოა, მომსახურებისა და ავტონაწილების გაძვირება გამოიწვიოს, რაზეც სფეროს ექსპერტებიც საუბრობენ, „ეკო ტრანსპორტ ცენტრის“ აღმასრულებელი დირექტორის თქმით, ეს გარდაუვალი იქნება, თუმცა დროებითი: „მოთხოვნა რომ გაიზრდება და მიწოდება შემცირდება გარკვეული პერიოდით ბაზარზე რყევები მოხდება. როდესაც ასეთი რამ ხდება, ამას სხვადასხვა ორგანიზაციები ბოროტად იყენებენ და შესაბამისად, პროდუქცია ძვირდება. ტექდათვალიერება ამ პრობლემას გააჩენს, თუმცა ეს იქნება დროებითი“, - განმარტა ვასო ურუშაძემ.

 

ავტოსატრანსპორტო საშუალებების სავალდებულო ტექნიკური ინსპექტირება 2018 წლის 1–ლი იანვრიდან დაიწყება და ის ეტაპობრივად განხორციელდება.

 

ავტორი: თეონა კენჭიაშვილი

 




„ვერ გამოვრიცხავ სასამართლო დავას ანაკლიის კონსორციუმის მხრიდან - იმედი ვიქონიოთ, იქნებ მათ ეყოთ ნამუსი, რომ პროცესში არ შევიდნენ, თუნდაც არბიტრაჟის სახით“

„ვერ გამოვრიცხავ სასამართლო დავას ანაკლიის კონსორციუმის მხრიდან - იმედი ვიქონიოთ, იქნებ მათ ეყოთ ნამუსი, რომ პროცესში არ შევიდნენ, თუნდაც არბიტრაჟის სახით“
access_time2019-10-20 20:48:43
ანაკლიის განვითარების კონსორციუმმა თუ ვერ შეასრულა დაფინანსების მოზიდვის ვალდებულება, შესაბამისად, ჩვენ სამწუხაროდ, აღარ გვექნება მეტი საშუალება, რომ გადავდოთ ამ ძალიან მნიშვნელოვანი პროექტის განხორციელება, - ამის შესახებ რეგიონული განვითარებისა და ინფრასტრუქტურის...

The Washington Post: აფხაზეთში ცხოვრობს 400 ჩრდილოეთ კორეელი მიგრანტი

The Washington Post: აფხაზეთში ცხოვრობს 400 ჩრდილოეთ კორეელი მიგრანტი
access_time2019-10-20 22:00:50
ამ დროისთვის აფხაზეთში ცხოვრობს და მუშაობს 400 ჩრდილოეთ კორეელი, რომელსაც შეუძლია დარჩეს არაღიარებულ რესპუბლიკაში საერთაშორისო სანქციების მიუხედავად.   დილით ადრე, ჯერ კიდევ მზის ამოსვლამდე, ჩრდილოეთ კორეელი მუშები გადიან აფხაზეთის ქალაქების ქუჩებში სახლების ასაშენებლად და რკინიგზის გასაყვანად.   ისინი ცხოვრობენ მიტოვებულ საბჭოთა სასტუმროში, რომელიც გარშემორტყმულია პალმებით და მოზაიკებით ლენინის...

რატომ აფეთქდა გურამიშვილის გამზირზე გაზი - ურთიერთ ბრალდებები და რისიკის ქვეშ მყოფი ქალაქი

რატომ აფეთქდა გურამიშვილის გამზირზე გაზი - ურთიერთ ბრალდებები და რისიკის ქვეშ მყოფი ქალაქი
access_time2019-10-20 20:00:27
კიდევ ერთი აფეთქება თბილისში, გურამიშვილის გამზირზე, რომელიც სავარაუდოდ, გაზის გაჟონვის შედეგად მოხდა. სპეციალისტთა შეფასებით, ამისგან თბილისში დაზღვეული პრაქტიკულად არავინაა. ვის ეკუთვნის პასუხისმგებლობა მომხდარზე და რა მექანიზმებს მიმართა ხელისუფლებამ იმისთვის, რომ მსგავსი ფაქტები აღარ განმეორდეს?   აფეთქების შედეგად 4 ადამიანია დაშავებული, რომელთა შორის ერთი არასრუწლოვანია. ხოლო სახლის მეპატრონეს, სადაც აფეთქება მოხდა, მძიმე სახის დამწვრობა აქვს მიღებული. სამაშველო...

Lufthansa-ს სუბსიდირებული ავიაკოპანიების თანამშრომლები გაიფიცნენ

Lufthansa-ს სუბსიდირებული ავიაკოპანიების თანამშრომლები გაიფიცნენ
access_time2019-10-20 19:00:06
გერმანიის ბორტგამცილებლების პროფკავშირმა დღეს გაფიცვა მოაწყო, რის შედეგადაც Eurowings-ის, Germanwings-ის, Lufthansa Cityline-ისა და Sunexpress-ის რეისები არ შესრულდა. გაფიცვა შუა ღამემდე, ადგილობრივი დროით 02:00 საათამდე გაგრძელდება. ამის შესახებ...

ბაკურიანისთვის სამგზავრო ავტობუსების შესყიდვაზე ტენდერი გამოცხადდა

ბაკურიანისთვის სამგზავრო ავტობუსების შესყიდვაზე ტენდერი გამოცხადდა
access_time2019-10-20 17:40:20
საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდმა ბაკურიანის სამგზავრო ავტობუსების შესყიდვაზე ტენდერი გამოაცხადა. ინფორმაციას ფონდი ავრცელებს. შესყიდვა ევროპის რეკონსტრუქციისა და განვითარების ბანკის (EBRD) დაფინანსებით ხორციელდება და ითვალისწინებს 10 ერთეული სამგზავრო ავტობუსის შეძენას. „გარდა სამგზავრო ავტობუსებისა, ფონდს დაგეგმილი აქვს ბაკურიანისთვის თოვლის საწმენდი, სათხილამურო ტრასების მოსაწესრიგებელი, მყარი...


მსგავსი სიახლეები

up