მთავრობის ადმინისტრაცია ქობულიას გათავისუფლების ბრძანებაზე - როგორ მოხვდა სამუშაო დოკუმენტი კონკრეტული მედიასაშუალების ხელში, ინფორმაციას არ ვფლობთ

მთავრობის ადმინისტრაცია ქობულიას გათავისუფლების ბრძანებაზე - როგორ მოხვდა სამუშაო დოკუმენტი კონკრეტული მედიასაშუალების ხელში, ინფორმაციას არ ვფლობთ

access_time2019-04-19 16:07:56

საქართველოს მთავრობის ადმინისტრაციის განმარტებით, ეკონომიკის მინისტრის გიორგი ქობულიას თანამდებობიდან გათავისუფლების შესახებ ბრძანება, რომელიც ერთ-ერთმა მედიასაშუალებამ გამოაქვეყნა, იყო სამუშაო ვერსია და მასში კანონი არასწორად იყო მითითებული. ამასთან, მთავრობის ადმინისტრაციის უფროსის მოადგილის, ალექსანდრე დარახველიძის განცხადებით, მთავრობის ადმინისტრაციისთვის უცნობია, როგორ მოხვდა ბრძანების სამუშაო ვერსია ერთ-ერთი მედიასაშუალების ხელში.


„მთავრობის წევრის დანიშვნა - გათავისუფლების საკითხი ეფუძნება საქართველოს კონსტიტუციის მიერ დადგენილ ნორმებს. თავდაპირველად, საქართველოს ეკონომიკისა და მდგრადი განვითარების მინისტრის გიორგი ქობულიას გათავისუფლებასთან დაკავშირებით ბრძანება მომზადდა „მთავრობის სტრუქტურისა და უფლებამოსილების წესის შესახებ კანონის“ შესაბამისად. შემდეგ დადგენილი პრაქტიკის შესაბამისად, გასწორდა ეს ბრძანება და კონსტიტუციის ნორმებზე დაყრდნობით მომზადდა გიორგი ქობულიას გათავისუფლების ახალი ბრძანება, რაც გამოქვეყნებულია საქართველოს მთავრობის ოფიციალურ ვებ-გვერდზე. რაც შეეხება იმას, როგორ მოხვდა სამუშაო პროცესში სამუშაო დოკუმენტი კონკრეტული მედიასაშუალების ხელში, აღნიშნულის შესახებ ინფორმაციას არ ვფლობთ,“ - განაცხადა ალექსანდრე დარახველიძემ.



როგორც პრემიერ-მინისტრის ბრძანებაშია აღნიშნული, გიორგი ქობულია ეკონომიკისა და მდგრადი განვითარების მინისტრის პოსტიდან გათავისუფლებულია საქართველოს კონსტიტუციის 55-ე მუხლის მე-4 პუნქტის საფუძველზე.


შეგახსენებთ, რომ გუშინ, ერთ-ერთმა ტელეკომპანიამ გაავრცელა პრემიერ-მინისტრ მამუკა ბახტაძის ბრძანება, რომელიც ეკონომიკის მინისტრის პოსტიდან გიორგი ქობულიას გათავისუფლებას შეეხებოდა და აღნიშნა, რომ ბრძანება მთავრობის ოფიციალურ ვებ-გვერდზე გამოქვეყნდა, თუმცა იმ დროისთვის აღნიშნული დოკუმენტი მთავრობის ვებ-გვერდზე განთავსებული არ იყო.






შპს „ჯორჯიან მანგანეზი“ განცხადებას ავრცელებს

შპს „ჯორჯიან მანგანეზი“ განცხადებას ავრცელებს
access_time2019-05-19 21:53:45
შპს „ჯორჯიან მანგანეზი“ განცხადებას ავრცელებს, რომელშიც „ჯორჯიან მანგანეზი“ პასუხობს დავის მედიატორის მიმართვას. ინფორმაციაში აღნიშნულია, რომ კომპანია მზადაა, დასაქმებულებთან მოლაპარაკება აწარმოოს.   „2019 წლის 18 მაისს, შპს „ჯორჯიან მანგანეზის“ ადმინისტრაციასა და გაფიცულ დასაქმებულებს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მიერ დანიშნულმა მედიატორმა მიმართა, კანონით სავალდებულო...

გია ხუხაშვილი - რა შედეგითაც არ უნდა დასრულდეს არჩევნები, სახელმწიფო მაინც წაგებულია

გია ხუხაშვილი - რა შედეგითაც არ უნდა დასრულდეს არჩევნები, სახელმწიფო მაინც წაგებულია
access_time2019-05-19 19:30:25
ეს ხომ მარაზმია, ამ ორ პოლუსიან შულერულ თამაშს გვაყურებინებენ, - ამის შესახებ „პალიტრანიუსის“ გადაცემაში „360 გრადუსში“ პოლიტოლოგმა გია ხუხაშვილმა განაცხადა და დღევანდელი საარჩევნო პროცესი შეაფასა ხუხაშვილის თქმით, რა შედეგითაც არ უნდა დასრულდეს არჩევნები, სახელმწიფო მაინც წაგებულია. „რა მნიშვნელობა აქვს, ვინ მოიგებს ამ არჩევნებს ზუდიდში?! სახელმწიფო ყველა შემთხვევაში წაგებულია. ახლა მხოლოდ იმაზე ვფიქრობთ, რამე უბედურება არ...

PwC – 2018 წელს ტოპ-მენეჯერების მხრიდან სამსახურის დატოვების რეკორდული რაოდენობა დაფიქსირდა

PwC – 2018 წელს ტოპ-მენეჯერების მხრიდან სამსახურის დატოვების რეკორდული რაოდენობა დაფიქსირდა
access_time2019-05-19 18:00:09
წამყვანი კომპანიების ტოპ-მენეჯერების მხრიდან სამსახურის დატოვების შემთხვევებმა 2018 წელს რეკორდულ მაჩვენებელს მიაღწია. ამის შესახებ აღნიშნულია PwC-ის კვლევაში -...

მერის რიგგარეშე არჩევნები 5 მუნიციპალიტეტში მიმდინარეობს

მერის რიგგარეშე არჩევნები 5 მუნიციპალიტეტში მიმდინარეობს
access_time2019-05-19 09:00:18
მერის რიგგარეშე არჩევნები ხუთ მუნიციპალიტეტში იმართება. დღეს მერებს აირჩევენ მარნეულში, ზესტაფონში, ჭიათურაში, ზუგდიდსა და ხულოში. მერების არჩევა საარჩევნო ბარიერის პირობებში ხდება და გამარჯვებულად ის კანდიდატი ჩაითვლება, ვინც ხმების 50%-ზე მეტს მიიღებს. მეორე ტურის დანიშვის შემთხვევაში კი, მისი გამართვის ბოლო ვადა 13 ივნისია. მარნეულში მერობის 15 კანდიდატია რეგისტრირებული: - “მოძრაობა სახელმწიფო ხალხისთვის” - ელენე გაბინაშვილი; “ევროპული საქართველო...

რა გვიჯდება სტრატეგიული სატრანსპორტო მდებარეობის გამოუყენებლობა?

რა გვიჯდება სტრატეგიული სატრანსპორტო მდებარეობის გამოუყენებლობა?
access_time2019-05-19 16:00:34
წლიურად გლობალური საერთაშორისო ვაჭრობა 18 ტრილიონ დოლარს აღწევს, ტურისტების რაოდენობა მილიარდ მოგზაურზე მეტია, რომლებიც ტრილიონ დოლარზე მეტს ხარჯავენ. ეს ყველაფერი შეუძლებელი...


მსგავსი სიახლეები

up