მთავრობაში უარყოფენ რომ ანაკლიის პროექტისთვის ვადის გაგრძელება პომპეოს განცხადებამ განაპირობა

მთავრობაში უარყოფენ რომ ანაკლიის პროექტისთვის ვადის გაგრძელება პომპეოს განცხადებამ განაპირობა

access_time2019-06-12 16:42:41

საქართველოს მთავრობა უახლოეს სხდომაზე ოფიციალურად შეათანხმებს ანაკლიის პორტისთვის ფინანსების მოსაზიდად ვადის 6 თვით გაგრძელების საკითხს. ამის შესახებ 12 ივნისს განაცხადა რეგიონული განვითარების და ინფრასტრუქტურის მინისტრმა, ვიცე-პრემიერმა, მაია ცქიტიშვილმა.


მისი თქმით, საქართველოს მთავრობამ არაერთხელ განაცხადა, რომ ანაკლიის ღრმაწყლოვანი პორტი პრიორიტეტული პროექტია და არაერთხელ მოახდინა ამის დემონსტრირებაც, მათ შორის გადავადებების სახით, რომელიც ინვესტორს სჭირდებოდა სახსრების მოსაზიდად.


„ბოლოს, საერთაშორისო საფინანსო ინსტიტუტებთან შეხვედრის დროს, რომელიც 21 მაისს შედგა, განვაცხადეთ, რომ ვადა, რომელიც იყო განსაზღვრული 15 ივნისამდე, არ იყო საკმარისი დაფინანსების ან საკრედიტო ხელშეკრულების ხელმოწერისთვის. შესაბამისად, ჩვენ ამ შეხვედრაზევე შევთანხმდით ბანკებთან და კონსორციუმთან, რომ წარმოადგენდნენ მათთვის სასურველ ვადას, რაც საჭიროა ყველა ფორმალობის დასასრულებლად“ - უთხრა ჟურნალისტებს მაია ცქიტიშვილმა. მისი ინფორმაციით, ამ კვირაში მთავრობამ „ანაკლიის განვითარების კონსორციუმიდან“ მიიღო ინფორმაცია, რომ სასურველი იქნებოდა ექვსი თვით გადავადება.


„როგორც წინასწარ ვიყავით შეთანხმებული, ჩვენ გავიზიარებდით ვადას, რა ვადაც იქნებოდა მოწოდებული კონსორციუმის მხრიდან. ამდენად, ახლა ვიმყოფებით შიდა სამთავრობო პროცედურებში. უახლოეს სხდომაზე გვექნება უკვე შეთანხმება გადავადებასთან დაკავშირებით“ - განაცხადა მაია ცქიტიშვილმა.


ჟურნალისტების შეკითხვას, ხომ არ უკავშირდება ვადის გაგრძელების გადაწყვეტილება აშშ-ის სახელმწიფო მდივნის, მაიკ პომპეოს განცხადებას, მაია ცქიტიშვილმა უპასუხა, რომ საქართველოს მთავრობა კონსორციუმისთვის ვადის გახანგრძლივების პროცესში იმყოფება გასული წლის დეკემბრიდან.


„ჩემი დღევანდელი განცხადება გაკეთდა მას შემდეგ, რაც გუშინ პრემიერ-მინისტრმა, მამუკა ბახტაძემ ერთ-ერთი ტელეეთერით გააკეთა კომენტარი, მათ შორის, ასევე ერთ-ერთ მედიასაშუალებაში გავრცელებულ კონსორციუმისვე განცხადებასთან დაკავშირებით, რომ კონსორციუმმა მიმართა მთავრობას ვადის გახანგრძლივების თაობაზე. ასე რომ, ჩემი დღევანდელი კომენტარი არანაირად არ უკავშირდება მაიკ პომპეოს განცხადებას” - თქვა ცქიტიშვილმა.


11 ივნისს, ვაშინგტონში, საქართველოს პრემიერ-მინისტრთან შეხვედრის შემდეგ აშშ-ის სახელმწიფო მდივანმა იმედი გამოთქვა, რომ საქართველო დაასრულებს ანაკლიის პორტის პროექტს, რომელიც დაეხმარება განავითაროს ურთიერთობები თავისუფალი ეკონომიკის ქვეყნებთან და არ მოექცეს რუსეთისა და ჩინეთის გავლენის ქვეშ.


იმავე დღეს, პრემიერ-მინისტრმა, მამუკა ბახტაძემ ტელეკომპანია “იმედის” პირდაპირ ეთერში ჩართვისას განაცხადა, რომ საქართველოს მთავრობა მზად არის „ანაკლიის განვითარების კონსორციუმს“ ფინანსური დოკუმენტაციის წარსადგენად ვადა გაუგრძელოს.


რადიო კომერსანტი





„საკმაოდ პესიმისტური პროგნოზი გვაქვს, ალბათ, რესტორნების დიდი ნაწილი ასეთ რეგულაციებს ვერ გაუძლებს“

 „საკმაოდ პესიმისტური პროგნოზი გვაქვს, ალბათ, რესტორნების დიდი ნაწილი ასეთ რეგულაციებს ვერ გაუძლებს“
access_time2020-05-24 19:00:27
„საკმაოდ პესიმისტური პროგნოზი გვაქვს. ალბათ, რესტორნების დიდი ნაწილი ასეთ რეგულაციებს ვერ გაუძლებს“,- ამის შესახებ საქართველოს რესტორატორთა ასოციაციის პრეზიდენტმა კოტე გაბრიჩიძემ „ბიზნესპრესნიუსთან“ საუბრისას განაცხადა. აღნიშულით ის covid19-თან დაკავშირებით მიღებულ...

საზოგადოებრივი ტრანსპორტით გადაადგილების შეზღუდვა 15 ივლისამდე გაგრძელდება

საზოგადოებრივი ტრანსპორტით გადაადგილების შეზღუდვა 15 ივლისამდე გაგრძელდება
access_time2020-05-24 10:00:55
საზოგადოებრივი ტრანსპორტით გადაადგილების შეზღუდვა 15 ივლისამდე გაგრძელდება. შესაბამისი გადაწყვეტილება საქართველოს მთავრობის N322 დადგენილებაშია ასახული.  ჩერდება: სარკინიგზო ტრანსპორტით მგზავრთა გადაყვანა, გარდა სამომსახურეო სარკინიგზო მიმოსვლისა, რომლის ფარგლებში სატვირთო გადაზიდვების შეუფერხებლად წარმოების მიზნით ხდება სს „საქართველოს რკინიგზის“ მიერ შემუშავებული გრაფიკით თანამშრომლების გადაადგილება/გადაყვანა საცხოვრებელი...

ქართულ ეთერზეთს უკვე ევროპაშიც ყიდიან

ქართულ ეთერზეთს უკვე ევროპაშიც ყიდიან
access_time2020-05-24 18:00:45
წლების განმავლობაში საქართველოში მრეწველობის ისეთი მნიშვნელოვანი დარგიც განადგურდა, როგორიც ეთერზეთების წარმოებაა, არადა, ევროპის ბაზარზე ამ პროდუქციაზე დიდი მოთხოვნაა. მას იყენებენ პარფიუმერიაში, მედიცინაში, კულინარიასა თუ ქიმიურ მრეწველობაში. თავის დროზე საბჭოთა კავშირი რამდენიმე სახეობის ეთერზეთს სწორედ საქართველოდან გზავნიდა....

ფრანგები თვეში საშუალოდ 5.9 მლრდ ევროს ზოგავდნენ, მარტში ეს მაჩვენებელი 19,6 მლრდ. ევრომდე გაიზარდა - პანდემიის შემდეგ ფრანგები ცხოვრების წესს ცვლიან

ფრანგები თვეში საშუალოდ 5.9 მლრდ ევროს ზოგავდნენ, მარტში ეს მაჩვენებელი 19,6 მლრდ. ევრომდე გაიზარდა - პანდემიის შემდეგ ფრანგები ცხოვრების წესს ცვლიან
access_time2020-05-24 20:00:33
  გასულ კვირას საფრანგეთში იზოლაციის რეჟიმიდან გასვლა დაიწყო - მოქალაქეებს მოხმარების და გადაადგილების გაცილებით მეტი შესაძლებლობები გაუჩნდა.   თუმცა, კვლევების თანახმად, ფრანგები სამომხმარებლო ქცევის შეცვლას და მეტ ფულის დაზოგვას გეგმავენ. პრიორიტეტების იცვლება - ზოგი მეტად ადგილობრივი საქონლის შეძენას, ზოგი ჰიპერმარკეტებში ვაჭრობაზე უარის თქმას, ზოგი ონლაინ-ყიდვების გააქტიურებას, ზოგი - ჯანმრთელობაზე დანახარჯების ზრდას აპირებს.   ეს...

The Telegraph: ზამთარში ევროპას კორონავირუსის უფრო მძიმე ტალღა ელის

The Telegraph: ზამთარში ევროპას კორონავირუსის უფრო მძიმე ტალღა ელის
access_time2020-05-24 16:00:00
  ევროპა კორონავირუსის მეორე, უფრო მძიმე და მომაკვდინებელი ტალღისთვის უნდა მოემზადოს, რადგანაც, პანდემია ჯერ არ დასრულებულა - განაცხადა ჯანდაცვის მსოფლიო ორგანიზაციის დირექტორმა ევროპაში ჰანს კლიუგემ.   მან გააფრთხილა ევროპის ქვეყნები, რომლებიც შეზღუდვებს ხსნიან - „დღეს არა ზეიმის, არამედ მომზადების დროა“.   მისი თქმით კორონავირუსით დაავდების შემთხვევების რაოდენობა ევროპის ქვეყნებში აშკარად შემცირდა, თუმცა, ეს პანდემიის დასრულებას...


მსგავსი სიახლეები

up