მთავრობამ უკან დაიხია – შემდეგი წლის ბიუჯეტში აქციზის საპროგნოზო მაჩვენებელი მცირდება

მთავრობამ უკან დაიხია – შემდეგი წლის ბიუჯეტში აქციზის საპროგნოზო მაჩვენებელი მცირდება

access_time2019-10-09 16:00:54

შემდეგი წლის ბიუჯეტში მთავრობა აქციზის გადასახადის საპროგნოზო მაჩვენებელს 82 მილიონი ლარით ამცირებს. 2019 წელს ბიუჯეტში აქციზის მაჩვენებელი 1.462 მლრდ ლარით იყო განსაზღვრული, შემდეგი წლის ბიუჯეტში კი საპროგნოზო მაჩვენებელი 1.380 მლრდ ლარამდე შემცირდება. საინტერესოა, რამ განაპირობა აღნიშნული გადაწყვეტილება მით უფრო, რომ შემდეგი წლიდან აქციზის გადასახადით კიდევ ერთი პროდუქტი, გადასახვევი თამბაქოც დაიბეგრება.


ნათელია, რომ ამ ნაბიჯით ხელისუფლებამ უკან დაიხია და აღიარა, რომ თამბაქოზე მხოლოდ ფასების ზრდით ვერც მწეველთა რაოდენობას ამცირებს და ბიუჯეტის ფისკალურ ნაწილშიც მნიშვნელოვანი ჩამორჩენა აქვს. აღსანიშნავია, რომ ამის შესახებ ეკონომიკის ექსპერტები წლების წინ აფრთხილებდნენ ხელისუფლებას. უფრო ნათელი სურათის მისაღებად, ერთად გადავავლოთ თვალი ბიუჯეტის საშემოსავლო ნაწილს და იმ ჩამორჩენას, რომელიც აქციზის ნაწილში მუდმივად ფიქსირდება.



მიმდინარე წლის პირველ ნახევარში, აქციზების ნაწილში გეგმა მხოლოდ 83%-ით შესრულდა და მაჩვენებელი 544 მლნ ლარს არ აღემატებოდა. მაშინ, როდესაც ბიუჯეტის გეგმის მიხედვით, აქციზიდან მთავრობა წლის პირველ ნახევარში 653 მლნ ლარს ელოდებოდა. აქციზიდან მნიშვნელოვანი კლება ფიქსირდება 8 თვის მონაცემებითაც. კერძოდ, მიმდინარე წლის 8 თვეში, აქციზიდან 9%-იანი კლება ფიქსირდება, რიცხობრივად კი ეს თანხა 85 მილიონ ლარს შეადგენს, ანუ თითქმის იმდენს, რამდენითაც შემდეგი წლის საპროგნოზო მაჩვენებელს ამცირებს მთავრობა, აქციზის ნაწილში. თუმცა, ეს მხოლოდ მიმდინარე წლის ტენდენცია არ არის, ბიუჯეტს აქციზიდან თანხები მას შემდეგ უმცირდება, რაც მნიშვნელოვნად გაიზარდა აქციზის გადასახადები თამბაქოსა და ნავთობპროდუქტებზე. თამბაქოსა და სხვა სააქციზო პროდუქციაზე აქციზის განაკვეთის გაზრდის შემდეგ, ბიუჯეტში სააქციზო შემოსავლების კლების ტენდენცია ორი წელია გრძელდება. თუკი 2017 წელს აქციზიდან შემოსული გადასახადები საშემოსავლო ნაწილის 16,1%-ს შეადგენდა, იგივე მაჩვენებელი 2018 წელს 15,1%-ით განისაზღვრა.


ჩნდება კითხვა, რატომ აკლდება მთავრობას შემოსავლები აქციზის ნაწილში მაშინ, როდესაც ბოლო 4 წელია თითქმის ყოველ წელს იზრდება აქციზის განაკვეთი, რაც თეორიულად ბიუჯეტის ფისკალური ნაწილიზე პოზიტიურად უნდა აისახებოდეს.



ერთ-ერთი მთავარი მიზეზი, რომელმაც აქციზის ნაწილში მნიშვნელოვანი პრობლემები შექმნა არის თამბაქოს შესახებ კანონი და თამბაქოს ნაწარმის ქაოტური და პოსტფაქტუმ მიღებული რეგულაციები. როდესაც მასშტაბურად დაიწყო თამბაქოზე აქციზის განაკვეთის ზრდა, ექსპერტები მაშინვე ვარაუდობდნენ, რომ ეს რეგულაცია მომხმარებლის დაბალხარისხიან თამბაქოზე გადასვლას გამოიწვევდა, თუმცა ამ პათოსს არ იზიარებდნენ აღმასრულებელ ხელისუფლებაში. საბოლოოდ ასეც მოხდა, რეგულაციების შემდეგ, მწეველთა უმრავლესობა დაბალხარისხიან პროდუქტზე ე.წ. უფილტრო სიგარეტზე გადავიდა. ამ გამოწვევას მთავრობამ, ისევ იგივე ტაქტიკა დაუპირისპირა და აქციზის განაკვეთი გასულ წელს ფილტრიან და უფილტრო სიგარეტზე გათანაბრდა. თუმცა, ამით პრობლემა ვერ მოგვარდა და მოსახლეობა უკვე გადასახვევ თამბაქოზე გადავიდა, რომელიც ჩვენი კანონმდებლობით აქციზის განაკვეთით საერთოდ არ იბეგრება.


ამ საკანონმდებლო ხვრელსაც უცვლელი მიდგომა დაუპირისპირა ხელისუფლებამ და შემდეგი წლიდან ეს პროდუქტიც აქციზით დაიბეგრება. ასეთ რეალობაში ჩნდება კითხვა, რატომ ამცირებს მთავრობა აქციზის საპროგნოზო მაჩვენებელს შემდეგი წლის ბიუჯეტში?


საქმე კი იმაშია, რომ ზემოთ ხსენებული პრობლემები საერთო სურათის ნაწილია. ამ სექტორს და ზოგადად ქვეყნის ეკონომიკას მნიშვნელოვან პრობლემას უქმნის თამბაქოს კონტრაბანდული რეალიზაცია, რომელიც ქვეყანაში სხვადასხვა გზებით ხვდება. კონტრაბანდის არსებობას ეკონომიკურ გუნდშიც არ უარყოფენ, მაგრამ შედარებით მოკრძალებულ ციფრებს ასახელებენ. მაგალითად, ფინანსთა მინისტრის მოადგილის, გიორგი კაკაურიძის განცხადებით, ბაზარზე კონტრაბანდული თამბაქოს წილი 3%-ს არ აღემატება.


თუმცა, განსხვავებულ რეალობას მივიღებთ, თუ ბოლო წლებში ფინანსთა სამინისტროს შემოსავლების სამსახურის მონაცემებს ჩავხედავთ. 2017 წელს წინა წელთან შედარებით, უაქციზო თამბაქოს ნაწარმის შემოტანაზე აღძრული სისხლის სამართლის საქმეების რაოდენობა 3-ჯერ გაიზარდა. თუ 2016 წელს თამბაქოს კონტრაბანდაზე სისხლის სამართლის 16 საქმე აღიძრა, 2017 წლის 3 კვარტლის მონაცემებით ეს რიცხვი უკვე 48-მდე იყო გაზარდილი. რაც შეეხება საზღვარზე ამოღებული თამბაქოს რაოდენობას, 2016 წელს ფინანსთა სამინისტროს საგამოძიებო სამსახურმა 28 357 კოლოფი უაქციზო სიგარეტი ამოიღო, 2017 წლის მესამე კვარტლის მდგომარეობით კი 494 320 კოლოფი. 2018 წლის ივლის-სექტემბერში საგამოძიებო სამსახურის მიერ ამოღებული უაქციზო თამბაქოს ღირებულებამ 98 000 ლარს გადააჭარბა. მეტი თვალსაჩინოებისთვის – 2014 წლიდან 2016 წლამდე ქვეყანაში კონტრაბანდული საქონლის შემოტანა 48-ჯერ გაიზარდა და ეს პროცესი მუდმივად გრძელდება. თუ მიმდინარე წლის მონაცემებს ჩავხედავთ დავინახავთ, რომ 2018 წლის პირველ კვარტალთან შედარებით, 2019 წლის პირველ კვარტალში 200%-ით მეტი სისხლის სამართლის საქმე აღიძრა, ქვეყანაში არადეკლარირებული თამბაქოს შემოტანის თაობაზე.


BFM.GE





BAG ინდექსი: დასაქმების ბარომეტრი გაუმჯობესდა, თუმცა კვლავ ნეგატიურია

BAG ინდექსი: დასაქმების ბარომეტრი გაუმჯობესდა, თუმცა კვლავ ნეგატიურია
access_time2020-08-04 11:30:28
BAG ინდექსის ყოველკვარტალური კვლევის ფარგლებში საქართველოს ბიზნეს ასოციაციის გამოკითხული წევრების მოლოდინი დასაქმებასთან დაკავშირებით მნიშვნელოვნად არის გაუმჯობესებული. BAG-ის დასაქმების ბარომეტრი, რომელიც მომდევნო სამი თვის განმავლობაში ასოციაციის წევრების მიერ დასაქმების სავარაუდო ცვლილებას ასახავს, 2020 წლის მეორე კვარტლის ბოლოს ჩატარებული კვლევის საფუძველზე, კვლავ უარყოფითია. თუმცა, აღნიშნული მაჩვენებელი პირველ კვარტალთან შედარებით მნიშვნელოვნად გაუმჯობესდა და -2.8 ქულა შეადგინა....

საპენსიო აქტივებს 68 მლნ-ის სარგებელი დაერიცხა

საპენსიო აქტივებს 68 მლნ-ის სარგებელი დაერიცხა
access_time2020-08-04 12:10:05
საპენსიო აქტივებმა 890 მილიონი ლარი შეადგინა, საიდანაც 1.7% ვადიან დეპოზიტებზე, 25.2% სარგებლიან ანგარიშებზე, ხოლო 73.1% სადეპოზიტო სერტიფიკატებშია ინვესტირებული. ინფორმაციას საპენსიო სააგენტო ავრცელებს. ამჟამად, საპენსიო აქტივების 100% ლარშია დენომინირებული. საპენსიო აქტივებზე დარიცხული წლიური ეფექტური სარგებელი 11.4%-ია, რაც ორჯერ მეტია, ვიდრე ქვეყანაში არსებული წლიური ინფლაცია (ივლისის მდგომარეობით 5.7%). საპენსიო აქტივებზე დარიცხული სარგებელი 68 მილიონ ლარს...

„თბილისის ახალი სატრანსპორტო მასტერ-პლანი - პრიორიტეტი ფეხით მოსიარულე და საზოგადოებრივი ტრანსპორტია“ - თედო ისაკაძე

„თბილისის ახალი სატრანსპორტო მასტერ-პლანი - პრიორიტეტი ფეხით მოსიარულე და საზოგადოებრივი ტრანსპორტია“ - თედო ისაკაძე
access_time2020-08-04 11:10:59
თბილისის საკრებულოს სატრანსპორტო საკითხთა კომისიის თავმჯდომარე თედო ისაკაძე სოციალურ ქსელში ჭავჭავაძის გამზირის ახალი სატრანსპორტო სქემის შესახებ პოსტს აქვეყნებს, რომელსაც კომერსანტი უცვლელად გთავაზობთ: „კამათს არ ექვემდებარება, რომ ნებისმიერი მოქალაქის შეუვალი უფლებაა გამოთქვას აზრი, მათ შორის კრიტიკული, ნებისმიერ საკითხზე, მითუფრო თემაზე, რომელიც მის ყოველდღიურ ცხოვრებას ეხება, თუმცა... დავიწყოთ იმით, რომ თბილისის ახალი...

მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!

მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
access_time2020-08-04 09:25:35
დღეიდან, პროკრედიტ ბანკი მოხმარებელს გადახდის თანამედროვე, მარტივ და დაცულ მეთოდს - Apple Pay ციფრულ საფულეს სთავაზობს.სერვისით სარგებლობა ბანკის მასტერქარდ ბარათის მფლობელებს iPhone-ის, Apple Watch-ის, iPad-ის და Mac-ის გამოყენებით შეუძლიათ. შესყიდვა ყველა იმ ობიექტში სრულდება, რომელსაც უკონტაქტო გადახდის მხარდაჭერა აქვთ, ამასთანავე აპლიკაციებსა და ინტერნეტ ვებ-გვერდებზე.უსაფრთხოება სიმარტივესთან ერთად Apple Pay-ის მთავარი...

TheTimes: ბიზნესმა ჰაკერებს გამოსასყიდის სახით 2019 წელს 25 მლრდ. დოლარი გადაუხადა

TheTimes: ბიზნესმა ჰაკერებს გამოსასყიდის სახით 2019 წელს 25 მლრდ. დოლარი გადაუხადა
access_time2020-08-03 19:55:48
კიბერ-დამნაშავეებმა 2019 წელს მხოლოდ ბრიტანულ ბიზნეს-კომპანიებს 250 მლნ. დოლარზე მეტი გამოსძალეს. ჰაკერები, ძირითადად  ცნობილ კომპანიებს რუსეთიდან ან აღმოსავლეთ ევროპიდან ვირუსული პროგრამებით უტევენ, შემდეგ კი ქსელებთან წვდომის აღდგენის სანაცვლოდ მათგან მილიონებს ითხოვენ. კომპანიებს მათი პრობლემების გასაჯაროება, მონაცემთა დაკარგვა და რეგულატორების მხრიდან ჯარიმების დაკისრება აშინებთ, ამიტომაც ისინი დღეს უფრო მეტად, ვიდრე გასულ წლებში, ფულის გადახდისთვის მზად...


მსგავსი სიახლეები

up