საქართველოს აუდიტის სამსახურის 2019 წლის სახელმწიფო ბიუჯეტის შესრულების წლიურ ანგარიშში იმ საინვესტიციო პროექტების ჩამონათვალია მოცემული, რომელთა წლიური შესრულება ნულის ტოლი ან 70%-ზე დაბალი იყო.
საინვესტიციო კრედიტების 0%-იანი ათვისება შემდეგ პროექტებს ჰქონდა:
თბილისი-სენაკი-ლესელიძის საავტომობილო გზის ძირულა-არგვეთას მშენებლობა, ბიუჯეტი - 48. 8 მლნ ლარი, ათვისება 0%;
რეგიონული განვითარების პროექტი I (კახეთი), ბიუჯეტი 30 000, ათვისება 0%;
ქუთაისის მყარი ნარჩენების ინტეგრირების პროექტი, ბიუჯეტი - 15 მლნ ლარი, ათვისება 0%;
საქართველოს თავდაცვის ძალების შესაძლებლობის გაძლიერება, ბიუჯეტი - 55 მლნ, ათვისება 0%;
კახეთის ინფრასტრუქტურის გაძლიერება. ბიუჯეტი - 9.5 მლნ, ათვისება 0%;
გურიის ელგადამცემი ხაზების ინფრასტრუქტურის გაძლიერება, ბიუჯეტი - 4.5 მლნ ლარი, ათვისება 0%;
ჩრდილოეთის რგოლი ელგადამცემი ხაზები (I ფაზა), ბიუჯეტი - 13.5 მლნ ლარი, ათვისება 9%;
თბილისის ავტობუსების პროექტი (II ფაზა-გაზი), ბიუჯეტი - 75 მლნ ლარი, ათვისება 0%;500 კვ, ელგადამცემი ხაზები „წყალტუბო-ახალციხე-თორთუმი“, ბიუჯეტი - 5 მლნ, ათვისება 0%;
საქართველოს მუნიციპალური ინფრასტრუქტურის განახლების პროექტი, ბიუჯეტი - 8 მლნ, ათვისება 0%;ხელედულა-ლაჯანური-ონი, ბიუჯეტი - 9 მლნ ლარი, ათვისება 0%.
16 საინვესტიციო პროექტის ათვისება 2%-69%-ს შორის მერყეობს.
2019 წლის განმავლობაში 70%-ზე დაბალი ათვისების პროექტებზე გადახდილი ვალდებულებების გადასახადმა (commitment fee) 1.2 მლნ ლარი შეადგინა.
როგორც მონაცემებიდან ჩანს, 2019 წელს 27 საინვესტიციო პროექტი იყო, რომლის ბიუჯეტის ათვისება 0% ან 70%-ზე დაბალი იყო, აღნიშნულის მიუხედავად დასახელებული 9 პროექტების სასესხო მომსახურებამ ჯამში 1.1 მლნ ლარი შეადგინა.
სასურველია, თუ ინფრასტრუქტურის სამინისტრო, სამომავლოდ მაინც, საინვესტიციო პროექტების განხორციელების გეგმას ისე შეადგენს, რომ ნულოვანი ათვისება არცერთ პროექტს აღარ ექნება.
წყარო: factchek.ge