„მთავრობა ყოველწლიურად ზრდის განათლების დაფინანსებას, თუმცა, ეს ხარისხის გაუმჯობესებაზე აქამდე არ ასახულა“

„მთავრობა ყოველწლიურად ზრდის განათლების დაფინანსებას, თუმცა, ეს ხარისხის გაუმჯობესებაზე აქამდე არ ასახულა“

access_time2019-11-20 16:15:40

რამდენიმე დღის წინ, პარტია „ქართული ოცნების“ თავმჯდომარე ბიძინა ივანიშვილმა განათლების სისტემისთვის გამოყოფილი თანხების ზრდა დააანონსა და განაცხადა, რომ მალე ქართველები განათლებული და წარმატებული ქვეყნების რიგში ჩავეწერებით.


„იცით, რომ 2021 წლიდან განათლებაზე დაიხარჯება ბიუჯეტის 25%. შეგვიძლია, რომ 8 წელში პრინციპულად განსხვავებული შედეგი დავინახოთ. თუ ამხელა სახსრებს დავხარჯავთ, შეგვიძლია ძალიან კარგი შედეგი მივიღოთ. განათლებული და წარმატებული ქვეყნების რიგში ჩავეწერებით,“ - განაცხადა ბიძინა ივანიშვილმა.


საქართველოს განათლებისა და მეცნიერების ყოფილ მინისტრი დიმიტრი შაშკინი სკეპტიკურად უყურებს ამ ფაქტს და ამბობს, რომ განათლების სფეროს დაფინანსების ზრდის პარალელურად, განათლების ხარისხი არ იზრდება და ჯერ კიდევ ბევრი გვიკლია განათლებული ქვეყნების რიგში  მოსახვედრად.


„განათლების ბიუჯეტის ზრდა პირდაპირპროპორციული არ არის განათლების ხარისხის და დონის ამაღლებასთან. თუ გადახედავთ განათლების სამინისტროში არსებულ ბიუჯეტს, ის თანხები რომელიც იქ არის, იფლანგება ან იპარავენ. რაც უფრო გაიზრდება ბიუჯეტი უფრო მეტს მოიპარავენ. აი როგორ ხდება გაფლანგვა- მაგალითად განათლების ბიუჯეტში არსებობს მუხლი, რომლის მიხედვითაც გაიხსნა უფასო ფაკულტეტები ფილოსოფოსებისთვის. ამ ინიციატივაზე „ქართულმა ოცნებამ“ დაახლოებით 180 მლნ ლარი  დახარჯა. ყოფილი მინისტრი კი გამოვიდა და განაცხადა, რომ  ყველაფერს აკეთებდა უფასო ფაკულტეტები რომ აღარ არსებობდეს, გამოდის, რომ ეს თანხა ტყუილად გაიფლანგა. მეორე მაგალითს რაც შეეხება, წელიწადში დაახლოებით 60 მილიონი ბავშვების უფასო ტრანსპორტირებაზე  იხარჯება  და თუ გადახედავთ საბუთებს იქ წერია, რომ თბილისში თურმე უფასო ავტობუსები სკოლის მოსწავლეებს ემსახურებიან. ვინმეს როდესმე უსარგებლია ამ უფასო ტრანსპორტით თბილისში ან გსმენიათ მათ შესახებ? იმისათვის, რომ სკოლის მოსწავლეები მიიყვანოს სკოლამდე საქართველოს მთავრობა წელიწადში 60 მლნ-ს ხარჯავს, თუმცა, ეს ტრანსპორტი რეალურად არ არსებობს. ბოლო წლებმა გვაჩვენა, რომ ადამიანებმა, რომლებიც განათლებაში მოვიდნენ, ზოგმა გამოცდები გააუქმა, ზოგმა კი ვაშლები დაარიგა“, - აცხადებს დიმიტრი შაშკინი.



განათლების სისტემისთვის ბიუჯეტის ზრდაში გამოსავალს ვერ ხედავს განათლების სპეციალისტი შალვა ტაბატაძეც და ამბობს, რომ დღემდე დაფინანსების გაზრდისკენ ტენდენცია სულ იყო, თუმცა თანხების გაზრდა ხარისხის ზრდას არ იწვევდა.


„წარმოდგენილი რეფორმა, რომელსაც  ბიუჯეტის 25%  სჭირდება,არ მინახავს, ბიუჯეტის 100%  განათლებაზე რომ წავიდეს, შეიძლება ხარისხი ვერ მივიღოთ. თუკი რეფორმას ვახორციელებთ, უნდა ვთქვათ, რას ვაკეთებთ და შემდეგ იქედან გამომდინარე განვსაზღვროთ რა თანხა გვჭირდება მისი განხორციელებისთვის.  იმაზე საუბარი, რომ დავხარჯავთ მშპ-ის 6%-ს განათლებაზე არსებითი არ არის, არსებითია განათლების რეფორმა, რომელიც განხორციელდება. ბევრი ქვეყანაა ბიუჯეტის 25-30%-იანი დაფინანსებით, მაგრამ განათლებაში და ეკონომიკაში საკმაოდ წარუმატებელი. მთავრობა ყოველწლიურად ზრდის დაფინანსებას, თუმცა, ეს განათლების ხარისხის გაუმჯობესებაზე აქამდე არ ასახულა.


თუ ეს გაზრდილი ბიუჯეტი დაიხარჯება არაკვალიფიციური მასწავლებლების და მეცნიერების ხელფასების ზრდაში ან ადმინისტრაციების დაფინანსების ზრდაში, რომლებიც მართული იქნებიან და არა განათლების ხარისხის გაუმჯობესებისთვის - მაშინ შედეგად ვერაფერს მივიღებთ. შედეგად გვექნება გაზრდილი ბიუჯეტი, რომელშიც მაგალითად არაა გაზრდილი სახელმძღვანელობის და ეროვნული სასწავლო გეგმის დანერგვის მუხლი, ანუ არაა გაზრდილი ის კომპონენტები, რომლებიც სერიოზულ გაზრდას მოითხოვდნენ, ამ დროს კი მასწავლებელთა ხელფასებია გაზრდილი. თუ სახელმწიფო მათი კვალიფიკაციის გაზრდაზე არ ზრუნავს, დაბალხარისხიან მასწავლებელს უბრალოდ ხელფასს უზრდის და განათლების ბიუჯეტიც ამით იზრდება, რა თქმა უნდა, ეს უშედეგოა. მხოლოდ პედაგოგის ხელფასის გაზრდა ხარისხს ვერ უზრუნველყოფს, თუკი ეს მასწავლებლებისა და სასკოლო სახელმძღვანელობის განვითარებაზე არაა მიბმული“, - განმარტავს შალვა ტაბატაძე.

 

ნინო თამაზაშვილი





დღის Top-10 საინტერესო ამბავი

დღის Top-10 საინტერესო ამბავი
access_time2020-07-08 21:30:06
დღის Top-10 საინტერესო ამბავი 1.აშშ-ს ეს დამოკიდებულება ცოტა გადაჭარბებულია -ბიზნესი ამერიკის კონგრესის განცხადებაზე კომპანია „ისთ გეით ჯგუფის“ სამეთვალყურეო საბჭოს თავმჯდომარე და ღვინის მწარმოებელი კომპანია „ვაზიანის“ ხელმძღვანელი ირაკლი იაშვილი „კომერსანტთან“...

ჩვენი ხელისუფლება აშშ-ს მუდმივად ატყუებს,ისინი ყველაფერს ძალიან კარგად ხედავენ- ფრონტერა

ჩვენი ხელისუფლება  აშშ-ს  მუდმივად ატყუებს,ისინი ყველაფერს ძალიან კარგად ხედავენ- ფრონტერა
access_time2020-07-08 17:00:38
 „ჩვენი ხელისუფლება მუდმივად ატყუებს აშშ-ს და ისინი ყველაფერს ძალიან კარგად ხედავენ. ეკონომიკის მინისტრმა ამერიკის ელჩს შეხვედრაზე უთხრა, რომ 34 პროცენტითაა გაზრდილი ამერიკული ინვესტიციები საქართველოში. თუმცა, ამ ამერიკულ კომპანიებში ჩამოთვლილია რატომღაც ქართული ტელეკომპანია   POSTV და  სხვა კომპანიები, რომელთა 90 პროცენტი შექმნილია ირანული კაპიტალით საქართველოში. არანაირი ინვესტიციები არ გაზრდილა ჩვენს ქვეყანაში და  რაც დრო გადის მეტი სიცხადე შედის...

BBC: ევროკავშირი კრიზისამდელ დონეს მხოლოდ 2022 წლის ბოლოსთვის დაუბრუნდება

BBC: ევროკავშირი კრიზისამდელ დონეს მხოლოდ 2022 წლის ბოლოსთვის დაუბრუნდება
access_time2020-07-08 20:00:35
ევროპამ კორონავირუსის პანდემია დაძლია, კარანტინი მოხსნა და საზღვრების გახსნისთვის ემზადება.მიზანია ნორმალური ცხოვრების აღდგენა და გაჩერებული ეკონომიკის ამოქმედება. ჩამოშლის სტადია შეჩერებულია, ეკონომიკური აქტიურობა აღდგენას იწყებს, თუმცა ეკონომისტები ფულის თვლას იწყებენ იმაზე, თუ ასწლეულის უმსხვილესი კრიზისიდან გამოსვლისთვის  რა თანხები იქნება საჭირო. ოპტიმისტები  რამდენიმე მიზეზის გამო უმცირესობაში...

საცურაო აუზები გასახსნელად ემზადებიან - შეზღუდვები ღირებულებაზე აისახება

საცურაო აუზები გასახსნელად ემზადებიან - შეზღუდვები ღირებულებაზე აისახება
access_time2020-07-08 15:00:41
„საცურაო აუზებში 6 კვ/მ-ზე დაშვებულია მხოლოდ ერთი ადამიანი, აუზებში/ აბაზანებში აუცილებელია წყლის ცვლა, ლაბორატორიული კონტროლი 10 დღეში ერთხელ, დისტანცია შეზლონგებს შორის“ - ამ და სხვა რეკომენდაციებით აუზები შემოწმების შემდეგ უახლოეს დღეებში ფუნქციონირებას ეტაპობრივად იწყებენ.  ჯანდაცვის სამინისტრომ ახალი კორონავირუსით გამოწვეულ COVID-19-თან დაკავშირებით...

მთავრობამ გამოგვირეცხა ტვინი, რომ უკეთ გაგვაკონტროლოს-ფადი ასლი

 მთავრობამ გამოგვირეცხა ტვინი, რომ უკეთ გაგვაკონტროლოს-ფადი ასლი
access_time2020-07-08 13:20:04
საერთაშორისო სავაჭრო პალატის საბჭოს თავმჯდომარე ფადი ასლი  განცხადებას ავრცელებს და ქვეყნის მოქალაქეებს მიმართავს. „კომერსანტი“ მას უცვლელად გთავაზობთ:  „ღია წერილი ქართველ ხალხს ჩემო თანამემამულენო, მე გწერთ დამწუხრებული გულით; ამ წლის მარტიდან მოყოლებული ათასობით თქვენგანმა დაკარგა სამსახური, დახურა ბიზნესი, დაიხრჩო ვალებში და ოჯახის შენახვის საშუალება აღარ გაქვთ. ეს ყველაფერი ხდება ვირუსის გამო, რომელიც უარეს შემთხვევაში მოსახლეობის 0.05%ს კლავს და მათთვის...


მსგავსი სიახლეები

up