მთავრობა კოლხეთის პარკთან ტორფის მოპოვების განახლებას აპირებს

მთავრობა კოლხეთის პარკთან ტორფის მოპოვების განახლებას აპირებს

access_time2021-07-30 19:30:47

წიაღის ეროვნულმა სააგენტომ ლანჩხუთის მუნიციპალიტეტის სოფელ გრიგოლეთის მიმდებარე ტერიტორიაზე, კოლხეთის ეროვნულ პარკთან ტორფის წიაღისეულის შესწავლა-მოპოვების აუქციონი გამოაცხადა.


აუქციონში გამარჯვებულმა მხარემ ლიცენზიის ძალაში შესვლიდან არაუმეტეს 5 წლის ვადაში უნდა განახორციელოს 150 000 ლარის ინვესტიცია, ხოლო ერთი წლის ვადაში დაასაქმოს საქართველოს არანაკლებ 10 მოქალაქე.


საქართველოს დაცული ტერიტორიების სააგენტო მხოლოდ იმ პირობით დათანხმდა ტორფის შესწავლა-მოპოვების დაწყებასთან დაკავშირებული ლიცენზიის შესაძლო გაცემას, რომ აუქციონში გამარჯვებულმა პირმა უნდა გაითვალისწინოს სააგენტოს მოთხოვნა, რომ ტორფის მოპოვების დაწყებამდე ჩატარდეს ჰიდროლოგიური, ქიმიური და გარემოზე ზემოქმედების კვლევა, ხოლო მოპოვება დაიწყება მას შემდეგ, რაც აღნიშნული კვლევებს განიხილავს და შეაჯერებს სააგენტო და გარემოს დაცვისა და სოფლის მეურნეობის სამინისტრო.


დაცული ტერიტორიების სააგენტოს მიერ წიაღის ეროვნული სააგენტოსადმი 4 მაისს გაგზავნილ წერილში წერია, რომ წარსულში აღნიშნულ ტერიტორიაზე ტორფის მოპოვებამ დააზიანა პალიასტომის ტბის ეკოსისტემა. ასევე, ის საფრთხეს უქმნის ქ. ფოთის განაპირა ტერიტორიების ეკოლოგიურ წონასწორობას.


“აღნიშნული ობიექტი ესაზღვრება ეროვნული პარკის ტერიტორიაზე განლაგებულ პალიასტომის ტბას, რომელიც დაკავშირებულია შავ ზღვასთან და აღნიშნული წყლის ობიექტები წარმოადგენს ერთიან ჰიდროლოგიურ სისტემას.


აღნიშნულ ტერიტორიაზე ტორფის მოპოვება ორგანული მინერალური სასუქის დამზადების მიზნით დაიწყო მე-20 საუკუნის 30-იან წლებში და მიმდინარეობდა 90-იანი წლების დასაწყისამდე.

ღია კარიერული წესით მოპოვებულ ტორფში აკუმულირებული წყალში გახსნილი სხვადასხვა მომწამლავი ნივთიერებების ჩადინებამ პალიასტომის ტბაში საგრძნობლად გაზარდა ტბის ქიმიური და ბიოლოგიური დაბინძურების დონე, რამაც უარყოფითი გავლენა იქონია მის ეკოსისტემაზე – ტბამ დაიწყო კვდომა და მისი სიღრმე საგრძნობლად არის შემცირებული, რაც დასტურდება ბოლო 10 წლის განმავლობაში ჩატარებული იქტიო და ჰიდროლოგიური კვლევებით.

ასევე, სხვადასხვა დროს განხორციელებული კვლევების შედეგებსა და რეკომენდაციებში აღნიშნულია, რომ მალთაყვასა და იმნათის ტორფნარებში, ასევე, ე.წ. ნათხარებში ტორფის მოპოვება არ არის მიზანშეწონილი, ვინაიდან ტერიტორიის დაღრმავება – ამ მონაკვეთში ტორფის მოპოვების შედეგად გამოიწვევს ზღვის წლის შემოდინებას და ქალაქ ფოთის განაპირა ფართობებისა და ზღვის სანაპიროს დატბორვას, ტერიტორიაზე ეკოლოგიური წონასწორობის რღვევას”, – წერია დაცული ტერიტორიების სააგენტოს მიერ წიაღის ეროვნული სააგენტოსადმი გაგზავნილ წერილში.


აუქციონის საწყისი ფასი 15 750 ლარია, ხოლო ბიჯის ფასი -1575 ლარი, ანუ, საწყისი ფასის 10 პროცენტი.


სტატიის გამოქვეყნების მომენტში ლოტზე არცერთი ბიჯი არ ფიქსირდება. eauction.ge-ზე დამკვიდრებული პრაქტიკის თანახმად, როგორც წესი, ბიჯებს ლოტის დროის გასვლის მოახლოებისას ათავსებენ.


კოლხეთის ეროვნული პარკი მიეკუთვნება დაცული ტერიტორიების IUCN მეორე კატეგორიას. 1997 წლიდან მას იცავს რამსარის კონვენცია, რომელიც წარმოადგენს მთავრობათაშორის შეთანხმებას, რომელიც მიზნად ისახავს მიგრირებად, მიმომფრენ და წყალმცურავ ფრინველთა საბინადროდ ვარგისი არეალების დაცვას.


ტორფი საუკუნეების განმავლობაში წარმოიქმნება ჭაობის მცენარეების ლპობის შედეგად. მას იყენებენ საწვავად, სასუქად და სხვა მიზნებისათვის.

netgazeti.ge




„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up