„Wizzair და ryanair“ შემდეგ ქართულ ავიაბაზარზე ახალი დაბალბიუჯეტიანი კომპანიას „Air Georgia express“-ს უნდა დაეწყო ოპერირება, დღე-დღეზე თბილისის აეროპორტში პირველი AIRBUS A320 ტიპის თვითმფრინავიც უნდა შესულიყო თუმცა, ქართულ დაბალბიუჯეტიანი ავიაკომპანიის პროექტი ამ დრომდე ვერ განხორციელდა. მიზეზი ქართული ავიაკომპანიის დაბალი ცნობადობაა, რის გამოც ქართულ დაბალბიუჯეტიანი ავიაკომპანიას საქართველოს მთავრობამ Wizzair-თან  თანაბარ პირობებში ჩაყენებაზე უარი უთხრა. როგორც „Air Georgia“-ს დამფუძნებელი „გიორგი კოდუა გვეუბნება, რომ პროექტი იმ შემთხვევაში განხორციელდება თუ ამას ეკონომიკის  სამინისტრო მოისურვებს.

„ჩვენ პროექტი ეკონომიკის სამინისტროში გვქონდა წარდგენილი და პირდაპირ  გეუბნებით, რომ ქართული დაბალბიუჯეტიან ავიაკომპანია იფრენს იმ შემთხვევაში თუ  ამას ეკონომიკის სამინისტრო მოისურვებს. ჩვენ ვთხოვთ მთავრობას, რომ მოგვცეს იგივე  პირობები რაც „Wizzair“-ს აქვს, თუ წამოვიდნენ ამ პირობებზე ჩვენ მზად ვართ დავაბაზიროთ ორი AIRBUS A320 ტიპის თვითმფრინავი ქუთაისის აეროპორტში და რეისები შევასრულოთ. თუ მთავრობამ გვითხრა, რომ ფულს მარტო „Wizzair“-ს აძლევს, ხოლო ჩვენ არ მოგვცემს და სხვა პირობებში მოგვიწევს მუშაობა მაშინ გამოვა, რომ ბაზარზე არაჯანსაღი მონოპოლისტური გარემოა და მთავრობა ლობირებს  ერთ კონკრეტულ ავიაკომპანიას, სხვა კომპანიებს კი იგივე პირობებში არ აყენებს.  ეს რა თქმა უნდა  ბიზნეს პირობების დარღვევაა, რა დროსაც ბანკროტობამდე​ ერთი ნაბიჯია. თუ მე უფრო მეტი მექნა გადასახდელი ვიდრე „Wizzair“-ს, რა თქმა უნდა ჩემთან ბილეთი უფრო ძვირი ეღირება, რადგან სახელმწიფომ გადაწყვიტა უფრო მეტი გადამახდევინოს, აპრიორი ეს არ არის ჯანსაღი“, - განაცხადა გიორგი კოდუამ.

ეკონომიკის სამინისტროში მიმდინარე საკადრო ცვლილებებმა „Air Georgia“-ს საქმიანობა კიდევ უფრო გაურთულა. გიორგი კოდუა ახალა ელოდება, როდის დაინიშნება ეკონომიკის მინისტრის მოადგილე, რომელთანაც, მოლაპარაკებებს განაახლებს. ბიზნესმენი ამბობს, რომ კორონავირუსით გამოწვეული პანდემია პირველ ქართულ დაბალბიუჯეტიან ავიაკომპანიას ახალ შესაძლებლობებს აძლევს.

„ველოდები როდის დაინიშნება ეკონომიკის სამინისტროში ახალი მინისტრის მოადგილე. როდესაც ჩვენ მოლაპარაკება დავიწყეთ, იყო თათბირი, ჩართული იყო ეკონომიკის მინისტრი მოადგილე,სამოქალაქო  ავიაციის სააგენტოს ხელმძღვანელი და ჩვენი ინვესტორები, მაშინ საუბარი იყო 4-5 მიმართულებაზე. „ryanair“ დააანონსა, რომ 2021 წელს საერთოდ არ იფრენს, „Wizzair“-მა ძალიან შეამცირა თავისი გეგმები და შეკვეცა რეისები. ქუთაისის აეროპორტში ტერმინალი დაამატეს, ჩემთვის გაუგებარია რისთვის ამატებენ, თუ ავიაკომპანიამ არ იფრინა. აქედან გამომდინარე ჩვენ შანსი მოგვეცა, რომ ის რეისები, რომლებიც „Wizzair“-ს ჰქონდა და შეაჩერა ჩვენ განვახორციელოთ, ანალოგიური თვითმფრინავებით,  რომლითაც „Wizzair“ ოპერირებდა, უბრალოდ დროშა იქნება ქართული“, - განუცხადა გიორგი კოდუამ „კომერსანტს“.

ბაჩო ადმია