მთავრობა დემპინგის წინააღმდეგ ბრძოლას იწყებს - იმპორტიორების პოზიციით, ამით  ბიუროკრატია გაიზრდება

მთავრობა დემპინგის წინააღმდეგ ბრძოლას იწყებს - იმპორტიორების პოზიციით, ამით ბიუროკრატია გაიზრდება

access_time2017-12-22 11:10:37

მთავრობა დემპინგთან დაკავშირებული პრობლემის მოგვარებას იწყებს. ჯერჯერობით უცნობია, რა ჩაიდება კანონპროექტში და რა ზომებს მიიღებს მთავრობა საკუთარი ბაზრის დასაცავად. როგორც გაზეთი „რეზონანსი“ წერს, მწარმოებლები ახალ ცვლილებას მიესალმებიან, იმპორტიორებს კი მისი სრულფასოვანი მოქმედება აეჭვებთ.


როგორც ცნობილია, მთავრობა უახლოეს მომავალში პარლამენტში ანტიდემპინგურ კანონპროექტს შეიტანს. შესაბამისი განცხადებით პარლამენტის სხდომაზე პატრიოტთა ალიანსის ფრაქციასთან საქართველოს პრემიერ-მინისტრი გიორგი კვირიკაშვილი გამოვიდა.


„ჩვენ ვმუშაობთ ანტიდემპინგური კანონმდებლობის შემოტანაზე პარლამენტში და, სავარაუდოდ, ეს უახლოეს მომავალში განხორციელდება. ჩვენ უნდა გაგვაჩნდეს მსოფლიო სავაჭრო ორგანიზაციის საუკეთესო სტანდარტებთან შესაბამისი კანონმდებლობა, რომელიც საშუალებას იძლევა, სახელმწიფომ მიიღოს შესაბამისი ზომები, როდესაც საუბარია არაჯანსაღ კონკურენციაზე. საქართველოს ეკონომიკის გახსნილობა არის საქართველოს ეკონომიკის სიძლიერე, - განაცხადა გიორგი კვირიკაშვილმა.


მისივე თქმით, ყველა ახალ სავაჭრო ხელშეკრულებაში, რომელსაც საქართველო სხვა ქვეყნებთან აფორმებს, ჩადებულია სპეციალური ზომები ადგილობრივი პროდუქციის დაცვისთვის.


„ჩინეთთან გაფორმებულ სავაჭრო შეთანხმებაში ჩადებულია სპეციალური მუხლები. გარდამავალ პერიოდში თუ იმპორტის უცაბედი ზრდის შედეგად ადგილობრივ წარმოებას შეექმნება პრობლემა, საქართველოს აქვს უფლება, შემოიღოს სპეციალური დროებითი ზომები, რომ ასეთი ზეგავლენა აღკვეთოს, - აცხადებს პრემიერი.


სხვათა შორის, კვირიკაშვილი იყო პირველი, ვინც ანტიდემპინგური კანონის შემოღებასთან დაკავშირებით ინფორმაცია 2014 წლის იანვარში გაავრცელა. მაშინდელმა ეკონომიკის მინისტრმა განაცხადა, რომ კანონმდებლობა ყველასთვის მოსაწონი ვერ იქნებოდა და შეიძლება იმპორტიორისთვის - მიუღებელი, ხოლო ადგილობრივი მწარმოებლისთვის მოსაწონი ყოფილიყო.


ფაქტობრივად, ასეა დღესაც. ის, რაც იმპორტიორებისთვის ნაკლებად მისაღებია ან თუნდაც მიუღებელი, მეწარმეებისთვის საკუთარი წარმოების დაცვის შესაძლებლობაა.



როგორც ვიცით, დემპინგური ფასი გახდა მიზეზი, რის გამოც პრობლემა შაქრის წარმოებას შეექმნა და ეს საკითხი დღემდე ვერ მოგვარდა იმის გამო, რომ ფასებს კანონმდებლობა არ არეგულირებს, აგარა შუგარ ქუალითი ბოლო რამდენიმე წელი პოზიციის შესანარჩუნებლად იბრძოდა და ეს პროცესი ნოემბერში საწარმოო პროცესის შეჩერებით დასრულდა.


„აგარა შუგარ ქუალითის გენერალური დირექტორი ალხენ ალიზადე რეზონანსთან ამბობს, რომ შაქრის იმპორტიორების თვითნებური ფასის გამო კომპანიამ მილიონობით ლარი იზარალა.


„დემპინგურ ფასებთან დაკავშირებით მთავრობისთვის არაერთხელ მიგვიმართავს წერილობით. გვაიმედებდნენ, რომ ზომებს მიიღებდნენ, მაგრამ ვერაფერს მივაღწიეთ. ნედლეულისა და თეთრი შაქრის ფასს შორის სხვაობა იმდენად უმნიშვნელოა, რომ წარმოებამ აზრი დაკარგა. იმპორტიორების თვითნებური ფასების გამო დავზარალდით.


მიმაჩნია, რომ კანონმდებლობის შემოღებით მდგომარეობა მნიშვნელოვნად შეიცვლება, იმედი მაქვს, მკაცრ ზომებს მიიღებენ. ჩემი აზრით, ფასი უნდა იყოს რეალური, რომ ადგილობრივი მწარმოებლები პრობლემის წინაშე არ აღმოჩნდნენ. მთავრობა უნდა დაგვეხმაროს და ჯანსაღ კონკურენციას შეუწყოს ხელი. პირველ რიგში კი, იმპორტზე საგადასახადო ბარიერი დაწესდეს. ამიტომ კანონმდებლობის შემოღებას მივესალმები, დიდი იმედი მაქვს, მთავრობა აღსრულების საკითხშიც პრინციპულობას გამოიჩენს და ბაზარს დემპინგური ფასებისგან დაიცავს, - აცხადებს ალიზადე.


მეწარმეები ანტიდემპინგურ ღონისძიებებს ადგილობრივი წარმოების განვითარების ახალ შესაძლებლობად განიხილავენ, თუმცა იმპორტიორები ასეთ გადაწყვეტილებას ემიჯნებიან. ისინი შიშობენ, რომ კანონმდებლობის გამკაცრებით საბაზრო პრინციპი დაზარალდება.


სადისტრიბუციო ასოციაციის დამფუძნებელი, იმპორტიორი ივა ჭყონია ფიქრობს, რომ იდეა სწორია, მაგრამ კანონმდებლობის აღსრულების მხრივ პრობლემა მოსალოდნელია.


„ვფიქრობ, ბიუროკრატია გაიზრდება. შეიძლება ქვეყნისთვის ძალიან მნიშვნელოვანია ეს კანონი, მაგრამ საფრთხილოა, რამდენად მოერგება იგი ადგილობრივი ბაზრის პრინციპებს. კანონპროექტის თავდაპირველ ვარიანტს რომ გავეცანი, ევროპულიდან კოპირებული მომეჩვენა, ნამდვილად არ იყო ქართულ ბაზარზე მორგებული. ევროპის ქვეყნებმა გაცილებით ადრე მიიღეს ასეთი კანონი, მაგრამ ყველა დიდ ქალაქში დიფერენცირებულად განხორციელდა.


საქართველოს შემთხვევაში, მაინცდამაინც თუ არის კანონის მიღებაზე საუბარი, ეს უნდა მოხდეს ისე, რომ ნაკლები ბიუროკრატიული ელემენტი ჩაიდოს და ბიუჯეტს არ დააწვეს ტვირთად. ქვეყნამ უნდა იზრუნოს იმაზე, რომ მეტი ინვესტიცია შემოვიდეს და მეტი დასაქმდეს.


პროდუქტი რომელიმე ქვეყნიდან დემპინგური ფასით შემოდის თუ არა, ძნელად გასარკვევია. როგორ წარმოგიდგენიათ, რომელი ქარხანა გასცემს საზღვარგარეთ პროდუქტის თვითღირებულებასთან დაკავშირებულ ინფორმაციას? არის შემთხვევები, როცა საცალო სექტორი მიწოდებულ ფასზე დაბალი ღირებულებით ყიდის პროდუქტს, რაც სადისტრიბუციო კომპანიებსა და ბაზრის სხვა მოთამაშეებს სერიოზულ პრობლემას უქმნის.


ამიტომ მნიშვნელოვანია, როგორ მოხდება კანონმდებლობის აღსრულება. იდეას ვემხრობი, მაგრამ ჩვენ მიერ გადახდილი გადასახადები არ უნდა გაიფლანგოს. ეს არ უნდა დავუშვათ. სტრატეგია სწორად უნდა შემუშავდეს, რის გარეშეც იმპორტი ვერ იქნება მოქნილი, - აცხადებს იმპორტიორი.



რეზონანსი



ანა მიქაძე: ფერმერებს რეალიზაციის შემცირების ფონზე ყველის წარმოების ინტერესი ეკარგებათ

ანა მიქაძე: ფერმერებს რეალიზაციის შემცირების ფონზე ყველის წარმოების ინტერესი ეკარგებათ
access_time2020-09-18 17:42:25
კოვიდ პანდემიის გავლენის ფონზე ჩავარდნილმა ტურიზმმა, სასტუმროებისა და რესტორნების დახურვამ ყველის გაყიდვები შეამცირა. საქართველოს ყველის მწარმოებელთა ასოციაციის თავმჯდომარის თქმით, ფერმერებს რეალიზაციის არეალის შემცირების ფონზე ყველის წარმოების ინტერესი ეკარგებათ. ამასთან პრობლემას წარმოადგენს პირუტყვის საკვებიც. ანა მიქაძის თქმით, ამ პრობლემების ფონზე, უფრო საქონლის  ხორცად გაყიდვის ტენდენცია შეინიშნება.   „ადამიანებს ინტერესი ეკარგებათ, ვინაიდან კორონავირუსის გამო...

გაეროს მსოფლიო ტურიზმის ორგანიზაციის დელეგაცია წინანდლის ფესტივალის გახსნას დაესწრო

გაეროს მსოფლიო ტურიზმის ორგანიზაციის დელეგაცია წინანდლის ფესტივალის გახსნას დაესწრო
access_time2020-09-18 15:00:11
გაეროს მსოფლიო ტურიზმის ორგანიზაციის (UNWTO) გენერალური მდივანი ზურაბ პოლოლიკაშვილი  დელეგაციასთან ერთად წინანდლის მამულში გამართულ კონცერტს დაესწრნენ.  სტუმრებს შორის იყვნენ ესპანეთის, პორტუგალიის, საბერძნეთის, რუმინეთის, მაროკოს, საუდის არაბეთის, კონგოს, კენიის და სხვა ქვეყნების წარმოამდგენლები,  საქართველოს ეკონომიკისა და მდგრადი განვითარების მინისტრი - ნათია თურნავა და ტურიზმის ეროვნული ადმინისტრაციის ხელმძღვანელი - მარიამ ქვრივიშვილი. წინანდლის ფესტივალის პირველ...

ბიძინა ივანიშვილს საქართველო წარმოუდგენია, როგორც თავისი დენდროლოგიური პარკი - მისი ინტერესია რომ ქვეყანაში ქვეყანაში ინვესტიცია არ შემოვიდეს

ბიძინა ივანიშვილს საქართველო წარმოუდგენია, როგორც თავისი დენდროლოგიური პარკი - მისი ინტერესია რომ ქვეყანაში ქვეყანაში ინვესტიცია არ  შემოვიდეს
access_time2020-09-18 15:48:14
„ბიძინა ივანიშვილის ინტერესი არის რომ ქვეყანაში ინვესტიცია არ  შემოვიდეს, მას  საქართველო წარმოუდგენია, როგორც  თავისი დენდროლოგიური პარკი, თავისი ზოოპარკი უნდა ჰყავდეს და სხვამ არ უნდა გაბედოს ბიზნესის კეთება“, - ამის შესახებ „ევროპული საქართველოს“ წევრმა, ზურაბ ჭიაბერაშვილმა პარლამენტში განაცხადა სადაც ეკონომიკისა და მდგრადი განვითარების მინისტრს დეპუტატები ინტერპელაციის წესით უსმენენ.  ჭიაბერაშვილის თქმით, საქართველოში უმძიმესი მდგომარეობა, უმუშევრობა, ფასების ზრდა...

თქვენს მთავრობაში ვიყავი და ვნახე როდის დაანებეთ თავი რეფორმების გატარებას და გადახვედით ბიზნესის ტერორზე, - თურნავა ოპოზიციას

თქვენს მთავრობაში ვიყავი და ვნახე როდის დაანებეთ თავი რეფორმების გატარებას და გადახვედით ბიზნესის ტერორზე, - თურნავა ოპოზიციას
access_time2020-09-18 15:16:52
„წინა ხელისუფლების დროსაც ვმუშაობდი ეკონომიკის მინისტრის მოადგილედ და დავინახე წყალგამყოფი, როდის დაანებეთ თავი რეფორმების გატარებას და გადახვედით ბიზნესის ტერორზე, - ამის შესახებ ეკონომიკისა და მდგრადი განვითარების მინისტრმა პარლამენტში გამოსვლისას განაცხადა. ნათია თურნავამ პლენარულ სხდომაზე ოპოზიციის საპასუხოდ იმ არაეფექტურ პროგრამებზე ისაუბრა, რომელიც  ერთიანმა ნაციონალურმა მოძრაობამ წინა მმართველობის დროს გაატარა. „წინა ხელისუფლების დროს...

ეკონომიკის მინისტრი არ უნდა საუბრობდეს ბუღალტრულ თემებზე, უნდა გვესაუბრებოდეთ ეკონომიკურ ხედვებზე - კობერიძე თურნავას

ეკონომიკის მინისტრი არ უნდა საუბრობდეს ბუღალტრულ თემებზე, უნდა გვესაუბრებოდეთ ეკონომიკურ ხედვებზე - კობერიძე თურნავას
access_time2020-09-18 14:18:32
„გვაინტერესებს რა არის თქვენი ხედვა, თუნდაც მომავალი წლის ეკონომიკურ სტრატეგიასთან დაკავშირებით რაც უკვე ბიუჯეტში უნდა აისახოს“, - ამ კითხვით მიმართა „ლელოს“ ვაკის მაჟორიტარი დეპუტატობის კანდიდატმა, ლევან კობერიძემ ნათია თურნავას სადაც ეკონომიკისა და მდგრადი განვითარების მინისტრს დეპუტატები ინტერპელაციის წესით უსმენენ.     „პირველი ოქტომბრისთვის მზად უნდა იყოს სახელმწიფო ბიუჯეტის 2020-2021 წლის პროექტი. კარგი იქნება თუ დაგვანახებთ, რომ მთავრობას 2020-21 წლის ბიუჯეტის...


მსგავსი სიახლეები

up