მთავრობა ჩინეთის მსხვილ ქალაქებთან პირდაპირი ავიამიმოსვლის დაწყებაზე მუშაობს

მთავრობა ჩინეთის მსხვილ ქალაქებთან პირდაპირი ავიამიმოსვლის დაწყებაზე მუშაობს

access_time2017-09-25 15:42:02

ეკონომიკისა და მდგრადი განვითარების მინისტრმა გიორგი გახარიამ გადაცემაში "ანალიტიკა" საქართველო-ჩინეთის ეკონომიკური ურთიერთობების განვითარების შესაძლებლობებზე ისაუბრა და აღნიშნა, რომ ჩინეთთან ტურიზმის სფეროში თანამშრომლობა საქართველოსთვის მნიშნელოვანია. როგორც გახარია აცხადებს, ამისთვის უპირველეს ყოვლისა, ჩინეთის დიდ ქალაქებთან პირდაპირი საჰაერო მიმოსვლაა აუცილებელი, რაზეც მისივე განმარტებით, ეკონომიკისა და მდგრადი განვითარების სამინისტრო აქტიურად მუშაობს. 

 



"ჩინეთში ვიზიტის დროს, მთის კომპანიას ცალკე სტენდი ჰქონდა და თავიანთი პროდუქტების პრომოციაში აქტიურად იყვნენ ჩართული. ჩინური ტურისტული ტრაფიკის მოზიდვა დღეს ბევრი ევროპული ქვეყნის ოცნებაა და ამ მიმართულებით ჩვენ ჯერ პირველი ნაბიჯები გვაქვს გადასადგმელი. ჩვენ უპირველესად, ჩინეთის მსხვილ ქალაქებთან პირდაპირ ფრენებსა და პირდაპირ კავშირზე უნდა ვიზრუნოთ. ამ პირდაპირი კავშირების გარეშე, საქართველოში მნიშვნელოვანი ტურისტული ტრაფიკის მოზიდვა რთულია, ამიტომ ამ მიმართულებითაც ვისაუბრეთ და "სიემენის" ავიახაზებთან გვქონდა შეხვედრა. ვიმედოვნებთ, მათ დაინტერესებას შევძლებთ, რომ საქართველოში პირდაპირი ფრენების განხორციელება დაიწყონ. ჩემი აზრით, ეს პირველი ნაბიჯი უნდა იყოს, რომ საქართველოში ჩინეთიდან დიდ ტურისტულ ტრაფიკზე ვისაუბროთ", - განაცხადა მინისტრმა. 

 



მინისტრი აქცენტს ჩინეთთან თავისუფალ სავაჭრო შეთანხმებაზეც აკეთებს და ამბობს, რომ მსგავსი შეთანხმებები ქვეყანას გრძელვადიანი ეკონომიკური ზრდის შესაძლებლობას აძლევს. 

 



"როდესაც ქვეყნის გრძელვადიან ეკონომიკურ ზრდაზე ვსაუბრობთ, უნდა გვახსოვდეს, რომ პატარა და აბსოლუტურად ღია ეკონომიკა გვაქვს. ჩვენ ძირითად მოტივაციას ვერ ვხედავთ იმაში, რომ სამ მილიონ ნახევრიანი ბაზრის დაცვა დავიწყოთ და ამიტომ ვფიქრობთ, რომ თავისუფალი ვაჭრობის რეჟიმები ის შესაძლებლობაა, რომელიც საშუალებას გვიხსნის გრძელვადიანი ეკონომიკური ზრდისთვის. აქედან გამომდინარე, მიგვაჩია, რომ ჩვენი ქვეყნის ყველაზე მნიშვნელოვანი საექსპორტო პროდუქტი ჩვენი ბიზნესგარემო, ინსტიტუციონალური სიძლიერე და რა თქმა უნდა, ჩვენი გეოგრაფიული ლოკაცია უნდა იყოს. ასევე მნიშვნელოვანია ლოგისტიკა და სერვისებიც, რათა ჩვენს პარტნიორ ქვეყნებთან ერთად მაქსიმალურად შევძლოთ მესამე ქვეყნების ბაზრებზე წვდომის განხორციელება. სწორედ ეს არის თავისუფალი ვაჭრობის რეჟიმების ხელშეკრულების გაფორმების ლოგიკა, რომელზეც ჩვენ ვმუშაობთ. 


 



ვფიქრობ, ეს არის ყველაზე მნიშვნელოვანი გრძელვადიანი ენერგია, რომელმაც შესაძლოა ქვეყნისთვის გრძელვადიანი ეკონომიკური ზრდა უზრუნველყოს. ვადებიც, რა თქმა უნდა, მნიშვნელოვანია და აქ შეგვიძლია ოპტიმისტები ვიყოთ, თუნდაც ჩინეთის მაგალითზე, რადგან ბოლო სამი წლის განმავლობაში ჩინეთში ღვინის ექსპორტის ზრდის ტემპებს რომ გადავხედოთ, ძალიან შთამბეჭდავ ციფრებს დავინახავთ. შესაბამისად, ჩვენ ძალიან სერიოზული საშინაო დავალება გვაქვს - განვსაზღვროთ რა ნომენკლატურული ერთეულებით შეგვიძლია კიდევ ამ ბაზარზე შესვლა. წარმოების მიმართულებით საქართველოში პროგრამა ’’აწარმოე საქართველოში“ უნდა გააქტიურდეს. ჩვენ ამ ყველაფერზე ვმუშაობთ და ვფიქრობთ, რომ იმ ბაზრებზე წვდომა, როგორიც არის ჩინეთის და ევროკავშირის ბაზრები, სადაც ჩვენ ასევე გვეზრდება ექსპორტი, ძალიან მნიშვნელოვანია", -განაცხადა გიორგი გახარიამ.

 

 

BM.GE

 

 

 



დღის Top 10 საინტერესო ამბავი

დღის Top 10 საინტერესო ამბავი
access_time2020-10-23 21:00:15
დღის Top 10 საინტერესო ამბავი:   1. თბილისს ხვალიდან 126 ახალი ავტობუსი მოემსახურება მუნიციპალური ავტოპარკის განახლების პროექტის ფარგლებში, თბილისის სატრანსპორტო კომპანიამ, ევროპის რეკონსტრუქციისა და განვითარების ბანკის (EBRD) ხელშეწყობით, 226 ერთეული 12-მეტრიანი, კომპრესირებულ ბუნებრივ აირზე (CNG) მომუშავე, EURO 6-ის სტანდარტის ავტობუსი შეისყიდა. მათი ნაწილი...

23 ოქტომბერი - რეგიონში ყველა ვალუტა გაუფასურდა

23 ოქტომბერი - რეგიონში ყველა ვალუტა გაუფასურდა
access_time2020-10-23 18:15:38
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 23 ოქტომბრის ვაჭრობის შედეგად, ეროვნული ვალუტა აშშ დოლართან მიმართებით გაუფასურდა, რის შედეგადაც ერთი დოლარის ოფიციალური ღირებულება 3.2202 ლარი...

“ვენდი” მიტანის, Pick Up და Drive-Thru სერვისით მომხმარებელს 24/7-ზე ემსახურება

“ვენდი” მიტანის, Pick Up  და Drive-Thru სერვისით მომხმარებელს  24/7-ზე ემსახურება
access_time2020-10-23 17:15:26
“ვენდის” რესტორნების ქსელი სამთავრობო დადგენილების შესაბამისად რესტორნებში სტუმრებს ყოველდღიურად 22:00 საათამდე ემსახურება, თუმცა ამერიკული რესტორნების უგემრიელესი მენიუს დაგემოვნება ერთგულ მომხმარებელს მიტანის, Pick Up  და Drive-Thru სერვისით  24/7-ზე შეუძლიათ.   ““ვენდის” რესტორნების ქსელი ვიზიარებთ ჩვენ წილ საზოგადოებრივ პასუხისმგებლობას და უწყეტ რეჟიმში უზრუნველვყოთ ნებისმიერი ოდენობის მომხმარებელთა მოთხოვნის დაკმაყოფილება, რაც გულისხმობს როგორც ჩვენს...

Starbucks-ი ფულს კლიენტებისგან შეუმჩნევლად სესხულობს

Starbucks-ი ფულს კლიენტებისგან შეუმჩნევლად სესხულობს
access_time2020-10-23 20:00:04
Starbucks-ის ონლაინ დამატება კომპანიას უპროცენტო საკრედიტო დარბაზთან წვდომას და დამატებით შემოსავალს აძლევს.   საქმე იმაშია, რომ ყავახანების ქსელი სასაჩუქრე ბარათებზე დარჩენილ...

საქართველოში უცხოეთიდან შემოსვლის წესები და პირობები შეიცვალა

საქართველოში უცხოეთიდან შემოსვლის წესები და პირობები შეიცვალა
access_time2020-10-23 16:30:10
იზოლაციისა და კარანტინს წესების დამტკიცების შესახებ საქართველოს მთავრობის N322 დადგენილებაში 2020 წლის 21 ოქტომბერს განხორციელებული ცვლილებების თანახმად უცხო ქვეყნიდან ჩამოსული საქართველოს მოქალაქეები, აგრეთვე მათი ოჯახის წევრები, იზოლაციაში განთავსდებიან 8 დღით, შემდეგი წესის შესაბამისად:   ა) უცხო ქვეყნიდან ჩამოსულმა პირმა სასაზღვრო პუნქტებზე უნდა წარადგინოს საქართველოში ვიზიტამდე უკანასკნელი 72 საათის განმავლობაში ჩატარებული PCR კვლევის დამადასტურებელი საბუთი, რის...


მსგავსი სიახლეები

up