მედიაჰოლდინგ „კომერსანტის“ მმართველი პარტნიორი გიორგი აბაშიშვილი რადიო „კომერსანტზე“ თავის რუბრიკაში – „ბიზნეს ინსაიდერის ბრიფინგი“ მსოფლიო ეკონომიკის მნიშვნელოვან ამბებს მოგვითხრობს.

სანქციები და უკრაინა

Business Insider. რუსული ნავთობის გადაზიდვების დაფარვის ტაქტიკა ასევე გამოიყენება შავი ზღვით მარცვლეულის ტვირთების გადაზიდვისათვის.

Business Insider. აშშ-ს ხელისუფლებამ გააჩერა რუსული ნავთობპროდუქტებით სავსე ტანკერი ნიუ ორლეანისკენ მიმავალ გზაზე.

ატლანტიკური საბჭო. G7-ის ლიდერებმა დამატებით 4,5 მილიარდი აშშ დოლარი გამოყვეს გლობალური სასურსათო უსაფრთხოებისთვის.

Business Insider. რუსული გაზის სრული შეწყვეტა აიძულებს ევროპას 30%-მდე შეამციროს მოხმარება.

Bloomberg. გერმანული ენერგეტიკული გიგანტი Uniper აწარმოებს მოლაპარაკებებს მთავრობასთან სახელმწიფო სესხების შესაძლო გაზრდის თაობაზე ან თუნდაც კაპიტალის ინვესტიციების ლიკვიდურობის უზრუნველსაყოფად რუსული გაზის მიწოდების შეწყვეტის გამო.

EBRD პრეზიდენტი თვითერზე. კიდევ ერთი ძალიან მეგობრული შეხვედრა ჩვენთან გვქონდა EIB-თან ლუქსემბურგში.

ჩვენი თანამშრომლობა TeamEurope-ში გვეხმარება ჩვენი ერთობლივი მიზნების მიღწევაში, განსაკუთრებით ახლა უკრაინაში და იქ ომში დაზარალებულ ქვეყნებთან მიმართებაში.

გეორგიევა თვითერზე. ვინაიდან ჩვენი წევრი ქვეყნები უმკლავდებიან მრავალ კრიზისს და რთულ გამოწვევებს - მათ შორის ინფლაციას, ვალს, ენერგეტიკასა და სასურსათო უსაფრთხოებას - საერთაშორისო სავალუტო ფონდი უნდა იყოს მოქნილი და მოერგოს მათ ცვალებად მოთხოვნილებებს და დაეხმაროს ქვეყნებს შეარბილონ ნეგატიური გავლენა ადამიანების საარსებო წყაროზე და მომავლის იმედებზე.

მსოფლიო ბანკი თვითერზე. მხოლოდ მაღალი ფასები ენერგორესურსებზე, სავარაუდოდ, შეამცირებს გლობალურ გამომუშავებას თითქმის 1 პროცენტით 2023 წლის ბოლოსთვის.

FT. მსოფლიოს წამყვანმა ცენტრალურმა ბანკირებმა განაცხადეს, რომ დაბალი საპროცენტო განაკვეთებისა და ზომიერი ინფლაციის ეპოქა დასრულდა მასიური გეოპოლიტიკური შოკის შემდეგ უკრაინაში რუსეთის შემოჭრისა და მანამდე არსებული პანდემიის გამო.

ევროპის ცენტრალური ბანკის ყოველწლიურ კონფერენციაზე გამოსვლისას, კრისტინ ლაგარდმა, მისმა პრეზიდენტმა, ჯეი პაუელმა, ფედერალური სარეზერვო ბანკის თავმჯდომარემ და ენდრიუ ბეილიმ, ინგლისის ბანკის მმართველმა, მოითხოვეს სწრაფი მოქმედება ინფლაციის შესაჩერებლად.

FT. დიდმა ბრიტანეთმა სანქციები დაუწესა ვლადიმერ პოტანინს, რუსეთის ერთ-ერთ უმდიდრეს ოლიგარქს, პრეზიდენტ ვლადიმერ პუტინის ახლო წრესთან დაახლოებულ რამდენიმე სხვა პირთან ერთად.