მთავარი ეკონომიკური მოვლენები 20 მაისის დილისათვის

მთავარი ეკონომიკური მოვლენები 20 მაისის დილისათვის

access_time2022-05-20 10:20:06

მედიაჰოლდინგ „კომერსანტის“ მმართველი პარტნიორი გიორგი აბაშიშვილი რადიო „კომერსანტზე“ თავის რუბრიკაში – „ბიზნეს ინსაიდერის ბრიფინგი“ მსოფლიო ეკონომიკის მნიშვნელოვან ამბებს მოგვითხრობს.

 

ენერგორესურსები

 

EBRD: მოხარული ვართ აღვნიშნოთ, რომ დიდი ბრიტანეთის მხარდაჭერა უკრაინისათვის მოიცავს 50 მილიონი დოლარის დამატებით გარანტიას. ჩვენ უკვე ვეხმარებით Ukrenergo-ს ევროკავშირის მხარდაჭერით გადაუდებელი ლიკვიდურობისთვის 50 მილიონი ევროს ოდენობით.

 

BI: რუსეთი ცდილობს აიძულოს უკრაინა, ელექტროენერგია საკუთარი ატომური ელექტროსადგურიდან იყიდოს, მას შემდეგ, რაც ენერგოობიექტი ოკუპირებულ ტერიტორიაზე მოაქცია.

 

BI: კრემლში აცხადებენ, რომ რუსეთში ნავთობის მოპოვება აღდგება და უფრო გაიზრდება, რადგან მიწოდებამ შეიძლება იპოვოს არაპირდაპირი გზა ევროპისკენ.

 

Bloomberg: ჩინეთი ცდილობს შეავსოს თავისი სტრატეგიული ნედლი მარაგები იაფი რუსული ნავთობით, რადგან G7 ქვეყნები მეორად სანქციებს განიხილავენ უკრაინის გამო.

 

ატლანტიკური საბჭო: რუსეთის მიერ პოლონეთისა და ბულგარეთისთვის გაზის შეწყვეტა წარმოადგენს ევროპის ერთიანობის მთავარ გამოცდას. ევროკავშირს აქვს რამდენიმე ვარიანტი ენერგეტიკული უსაფრთხოების დასაცავად და რუსული ენერგეტიკული საფრთხის ზემოქმედების შესამცირებლად.

 

UN DESA: ენერგეტიკა კლიმატის კრიზისის ცენტრშია და უმრავლესი პრობლემის გადაწყვეტის გასაღებია.


 

სასურსათო უსაფრთხოება და ფასები

 

Forbes: უკრაინიდან მარცვლეულის ექსპორტი მაისში 64%-ით შემცირდა გასული წლის ანალოგიურ პერიოდთან შედარებით, განაცხადა უკრაინის სოფლის მეურნეობის სამინისტრომ.

 

CNN Nightcup: ინდონეზია პალმის ზეთის ექსპორტზე აკრძალვას მომავალი კვირიდან მოხსნის, ამ ნაბიჯმა შეიძლება შეამსუბუქოს გლობალური ბაზარი და შეამციროს გარკვეული ზეწოლა სურსათის ფასებზე.

 

Bloomberg: აშშ-ში ბენზინის ფასებმა ბოლო 10 დღის განმავლობაში ახალ პიკს მიაღწია.

 

Bloomberg: რა არის უარესი: ინფლაცია თუ რეცესია? ცენტრალური ბანკის წარმომადგენლები რამდენიმე არცთუმიმზიდველი არჩევანის წინაშე დგანან.

 

ADB: მეტი გამჭვირვალობის გარეშე, საჯარო და კერძო სექტორები ვერ შეძლებენ კრიტიკული საქონლის ეფექტურ წარმოებასა და მიწოდებაში შეფერხებების იდენტიფიცირებას და გადაჭრას.

 

რუსეთის ეკონომიკა

 

BI: Google-ის შვილობილი კომპანია რუსეთში გაკოტრების პროცესის დაწყებას აპირებს. კომპანიამ განაცხადა, რომ მისთვის შეუძლებელი გახდა თანამშრომლებისთვის შრომის ანაზღაურება და მომწოდებლებთან ანგარიშსწორება, მას შემდეგ, რაც Google-მა შეაჩერა თავისი კომერციული ოპერაციების უმეტესობა რუსეთში.

 

FT: Google-მა განაცხადა, რომ გააგრძელებს მხოლოდ უფასო სერვისების მიწოდებას, მათ შორის საძიებო სერვისების YouTube, Gmail, Maps, Android და Play მომხმარებლებისთვის რუსეთში.  მაკდონალდსი დათანხმდა მიჰყიდოს თავისი რუსული ბიზნესი ციმბირელ მეწარმეს, ხოლო უნგრეთის უდიდესი ენერგეტიკული კომპანია ემზადება რუსული ნავთობისგან თავის დაღწევისთვის.

 

ახალი კვლევები

 

CNBC: კვლევა აჩვენებს, რომ ამერიკელები ფინანსებზე დამოკიდებულების გამო უფრო მეტად სტრესულნი არიან, ვიდრე ოდესმე, და ეს აზიანებს  ფსიქიკურ ჯანმრთელობას.

 

FT: კვლევის თანახმად, დიდ ბრიტანეთში მომხმარებელთა ნდობა ყველაზე დაბალ დონემდე დაეცა, თითქმის 50 წლის განმავლობაში. ეს განპირობებულია ცხოვრების ხარჯების კრიზისის ფონზე, რაც შეშფოთებას იწვევს იმის მოლოდინით, რომ ეკონომიკა 2022 წელს რეცესიაში გადავა.


ბაიდენი ტვიტერზე: დღეს უმუშევრობის დაზღვევის მიმღებთა პროცენტული მაჩვენებელი 1 პროცენტზე დაბალია, პირველად 1969 წლის შემდეგ. ამერიკა სამსახურს დაუბრუნდა.







თურქეთთან თავისუფალი ვაჭრობის ხელშეკრულებაში ცვლილებები შედის

თურქეთთან თავისუფალი ვაჭრობის ხელშეკრულებაში ცვლილებები შედის
access_time2022-07-05 15:40:00
სექტემბრიდან საქართველო-თურქეთს შორის გაფორმებულ თავისუფალ სავაჭრო ხელშეკრულებაში ცვლილებები შედის - მოლაპარაკებები მომსახურებით ვაჭრობის დამატებაზე მიმდინარეობს. გარდა ამისა, მხარეები საქონლით ვაჭრობის შემდგომ ლიბერალიზაციასაც განიხილავენ, რათა თურქულ ბაზარზე უფრო მეტი ქართული პროდუქტი შევიდეს ნულოვანი განაკვეთით. ეკონომიკის სამინისტროს ინფორმაციით, თითქმის დასრულებულია ამ საკითხზე მოლაპრაკებები და მხარეები უკვე შეთანხმდნენ იმ პროდუქციის ჩამონათვალზე, რომელზეც თურქეთი...

ახალი ლიბერთი ადამიანებისთვის - ლიბერთი გაეროს გლობალური შეთანხმების პრინციპების ხელმომწერი გახდა

ახალი ლიბერთი ადამიანებისთვის -  ლიბერთი გაეროს გლობალური შეთანხმების პრინციპების ხელმომწერი გახდა
access_time2022-07-05 13:45:21
ლიბერთი, გაეროს ‘გლობალური შეთანხმების საქართველოს ქსელის’ (Global Compact Network Georgia) წევრი გახდა და დღეიდან, თავის საქმიანობაში, გაეროს გლობალური შეთანხმების ათ პრინციპსა და გაეროს მდგრადი განვითარების მიზნებს გაითვალისწინებს.   „ განათლების ხელშეწყობა, ინკლუზიური ბიზნეს გარემოს შექმნა საქართველოში და  ქალთა ეკონომიკური გაძლიერება ახალი ლიბერთის კორპორაციული მდგრადობის სტრატეგიის მნიშვნელოვანი მიმართულებებია. მოხარულები ვართ, რომ ვუერთდებით გაეროს...

რატომ ვერ იხსნება საქართველოში ტურიზმის პირველი უნივერსიტეტი?

რატომ ვერ იხსნება საქართველოში ტურიზმის პირველი უნივერსიტეტი?
access_time2022-07-05 16:00:39
თბილისში სასტუმროებისა და ტურიზმის მენეჯმენტის პირველი საერთაშორისო უნივერსიტეტი იხსნება, რომელიც ფრანგული ბიზნეს სკოლის – „ვატელის” ეგიდითა და ბრენდით იქნება წარმოდგენილი, „ბლოკ ჯგუფის“ და სეუ-ს ერთობლივი პროექტია. კომპანია „ბლოკ ჯგუფის“ აღმასრულებელი დირექტორი თორნიკე ჯანაშვილი „კომერსანტთან“ აცხადებს, რომ საწყის ეტაპზე საუბარია პროფესიული ტრენინგების დაწყებაზე, რომელიც Vatel-ის სასერთიფიკატო კურსები იქნება. 3, 6 ან 12 თვიანი კურსებზე სწავლის...

ბათუმში კორპუსის ჩამონგრევის საქმეზე დაკავებულებს სასამართლომ პატიმრობა მიუსაჯა

ბათუმში კორპუსის ჩამონგრევის საქმეზე დაკავებულებს სასამართლომ პატიმრობა მიუსაჯა
access_time2022-07-05 13:50:00
ბათუმის საქალაქო სასამართლომ პატიმრობა მიუსაჯა სამივე კაცს, რომელიც ამავე ქალაქში მრავალსართულიანი კორპუსის ჩამონგრევის საქმეზე იყო დაკავებული. გადაწყვეტილება დღეს, 5 ივლისს გამოცხადდა. 26 მაისის ქუჩაზე მდებარე 8 სართულიანი სახლის სადარბაზოს ჩამონგრევის საქმეზე დაკავებულთაგან: ზაურ ბუდაღოვს, პირველ...

მომატებული შემთხვევები, გადატვირთული კლინიკები, შესაძლო რეგულაციები - COVID 19

მომატებული შემთხვევები, გადატვირთული კლინიკები, შესაძლო რეგულაციები - COVID 19
access_time2022-07-05 14:30:00
კორონავირუსის შემთხვევების მატების ფონზე (2570 ახალი კოვინფიცირებულია ბოლო ერთ კვირაში), კლინიკებში კოვიდ-პაციენტთათვის განკუთვნილი საწოლები ბოლო რამდენიმე დღეა დაიტვირთა. მაგალითად, პაციენტების რაოდენობამ მოიმატა პირველ საუნივერსიტეტო კლინიკაშიც. ბოლო სამ დღეში კლინიკამ იმაზე მეტი კოვიდ-პაციენტი მიიღო, ვიდრე საწოლ-ფონდით იყო გათვალისწინებული....


მსგავსი სიახლეები

up