პანდემიური ჩამოშლის შემდეგ ბაზრების სწრაფმა აღდგენამ რეკოდრულ ტემპებს მიაღწია.

თუმცა, ეკონომიკის ვერც ერთი დარგი აღდგენის ისეთი სისწრაფით ვერ დაიკვეხნის, როგორც მაღალი ტექნოლოგიები.

IТ-მეწარმეთა ჯამური კაპიტალი  2,5 ტრლნ. დოლარს შეადგენს, რაც 80%-ით მეტია, ვიდრე 2020 წელს, როდესაც ამ მაჩვენებელმა 1,4 ტრლნ. შეადგინა.

2020 წელს Forbes-მა მაღალ ტექნოლოგიებზე გამდიდრებული 241 მილიარდერი დაითვალა, 2021-ში კი - 365. ამ კუთხით ეს დარგი პირველობას მხოლოდ ფინანსებს და ინვესტიციებს უთმობს  - 371.

მაგრამ რაც შეეხება ფინანსურ მაჩვენებლებს, IТ-მეწარმეთა ჯამური ქონება ნებისმიერ სხვა სექტორს აღემატება - მეორე ადგილზეა ვაჭრობა (1,7 ტრლნ.) და მხოლოდ მესამეზე - ფინანსები და ინვესტიციები - 1,5 ტრლნ. დოლარი.

Forbes-ის მილიარდერთა სიის მთავარი ლიდერები  სწორედ მაღალ ტექნოლოგიებში საქმიანობენ - მხოლოდ 20 უმსხვილესი IТ-მილიარდერი 1,2 ტრლნ. დოლარის ქონებას ფლობს, რაც ამ დაგში მილიარდერთა ჯამური აქტივების 50%-ა.

მსოფლიოს 20 უმდიდრესი ადამიანდან 8 და ამავე დროს 10-დან 6 სწორედ მაღალტექნოლოგიურ სექტორს მიეკუთვნება.

IТ-მილიარდრთა უმრავლესობა დღესაც ამერიკელია, თუმცა, სწრაფად ზრდადი ჩინური ინტერნეტ-სექტორი სულ უფრო მეტადაა წარმოდგენილი რეიტინგში. 20 უმდიდრესი IТ-მილიარდერიდან 9 ჩინელი, მაშინ,  როდესაც 2020 წელს მხოლოდ 6 იყო.

1.ჯეფ ბეზოსი, ქვეყანა - აშშ, ქონება - 177 მლრდ. დოლარი, სიმდიდრის წყარო -  Amazon

წლის ბოლოსთვის მსოფლიოს უმდიდრესი ადამიანი საკუთარი კომპანიის გენერალური დირექტორი აღარ იქნება.  

მისი თქმით, ის ყურადღების კონცენტრაციას სხვა პროექტებზე მოახდენს - ისეთებზე, როგორც კოსმოსური კომპანია  Blue Origin, გაზეთი  The Washington Post და რამდენიმე საქველმოქმედო ფონდია.

2.ბილ გეითსი, ქვეყანა - აშშ, ქონება - 124 მლრდ. დოლარი, Microsoft

გეითსის კაპიტალი 26 მლრდ. დოლარით გაიზარდა, რაც მისი კომპანიების აქციების 66%-ით გაძვირების შედეგი გახდა.

მილიარდერი ასევე აქტიური ქველმოქმედია.

3. მარკ ცუკერბერგი, ქვეყანა - აშშ, ქონება -  97 მლრდ. დოლარი,  Facebook

ცუკერბერგის სოციალური ქსელი პანდემიის პირობებში ურთიერთობის მთავარ პლათფორმად რჩება, თუმცა, ის კრიტიკის ობიექტი სულ უფრო ხშირად ხდება.

მის მიმართ ბევრი კითხვა არსებობს - მაგალითად, Facebook-ში ექსტრემისტული მოწოდებების და ანტიმონოპოლური კანონმდებლობის დარღვევის კუთხით.

4. ლარი ელისონი, ქვეყანა - აშშ, ქონება -  93 მლრდ. დოლარი,  Oracle

ლარი ელისონი იყო პირველი მილიარდერი, რომელმაც თავისი კომპანია  სილიკონის ველიდან ტექასში, ქალაქ ოსტინში გადაიტანა.

2012 წელს მილიარდერმა 300 მლნ. დოლარადად ჰავაიების ერთ-ერთი კუნძული შეიძინა და დღესაც იქ ცხოვრობს.

5. ლარი პეიჯი, ქვეყანა - აშშ, ქონება -  91,5 მლრდ. დოლარი, Google

2019 წლიდან Google-ის დამაარსებლებმა ჩრდილში გადაინაცვლს და თავიანთი კომპანიის მართვიდან გავიდნენ.  თუმცა, პეიჯი და მისი კოლეგა სერგეი ბრინი კომპანიის აქციათა 50%-ს კვლავ ფლობენ, რაც მათ კომპანიის ყველა გადაწყვეტილებაზე კონტროლს ანიჭებს.

6. სერგეი ბრინი, ქვეყანა - აშშ, ქონება -  89  მლრდ. დოლარი, Google

ყველაზე წარმატებული საძიებო სისტემის დამაარსებელი და მისი კოლეგასთან ლარი პეიჯთან ერთად აქციათა 50%-ს კვლავ ფლობენ, რაც მათ კომპანიის ყველა გადაწყვეტილებაზე კონტროლს ანიჭებს.

7. სტივ ბალმერი, ქვეყანა - აშშ, ქონება -  68,7 მლრდ. დოლარი, Microsoft

მეწარმე და ბილ გეითსის საქმიანი პარტნიორი ასევე აქტიური    ქველმოქმედია - 2020 წელს მისმა ფონდმა Ballmer Group-მა პანდემიასთან ბრძოლაზე 54 მლნ. დოლარი დახარჯა.

8. მა ხუატონი, ქვეყანა - ჩინეთი, ქონება -  65,8 მლრდ. დოლარი, Tencent

მა ხუატონის ბიზნესი დარტყმის ქვეშ იმის შემდეგ აღმოჩნდა, რამ ჩინეთის მთავრობამ ქვეყანაში მაღალტექნოლოგიური კომპანიების გავლენის შემცირება დააპირა. თუმცა, Tencent-მა კომპიუტერული თამაშების წარმოებაში დიდ წარმატებებს მიაღწია, რის წყალობითაც ხუატონი ჩინეთს უმდიდრესი  IТ-მეწარე გახდა,  და ქვევნის მილიარდერთა სიაში მე-2 ადგილი დაიკავა.

9. კოლინ ჩჟენ ხუანი, ქვეყანა - ჩინეთი, ქონება -  55,3 მლრდ. დოლარი,  Pinduoduo

ონლაინ-დისკაუნტერი Pinduoduo-ს დამფუძნებელი 2020 წელს 38, 8 მლრდ. დოლარით გამდიდრდა. დაარსებიდან 6 წლის შემდეგ მისი კომპანია ჩინეთის უმსხვილესი ონლაინ-სავაჭრო პლათფორმა გახდა.

10. სკოტ მაკენზი, ქვეყანა - აშშ, ქონება -  68,7 მლრდ. დოლარი,  Amazon

ჯერ ბეზოსის ყოფილი მეუღლე გაყრის შემდეგ საოცრად გამდიდრდა  - მან ქმრისგან კომპენსაციის სახით Amazon-ის აქციების მსხვილი პაკეტი მიიღო, და ამით უმდიდრესი IТ-მეწარმეების სიაში მე-10 ადგილი დაიკავა.

 FORBES.COM

თენგიზ აბლოთია