იყიდება მსოფლიოს უძველესი ტურისტული კომპანია  - ბრიტანულმა Thomas Cook-მა ჩინურ Fosun-თან მოლაპარაკებების წარმოება დაადასტურა

იყიდება მსოფლიოს უძველესი ტურისტული კომპანია - ბრიტანულმა Thomas Cook-მა ჩინურ Fosun-თან მოლაპარაკებების წარმოება დაადასტურა

access_time2019-06-11 18:10:18

მსოფლიოს უძველესი ტურისტული კომპანიის Thomas Cook-ის ჯგუფმა დაადასტურა, რომ აწარმოებს მოლაპარაკებას ჩინურ Fosun International-თან საკუთარი ტურისტული ბიზნესის გაყიდვასთან დაკავშირებით. ჯგუფმა შესაბამისი განცხადება ლონდონის საფონდო ბირჟაზე უკვე გამოაქვეყნა. Fosun ბრიტანული კომპანიის უმსხვილესი აქციონერია 18%-იანი წილით.


Thomas Cook-ის ჯგუფი 1841 წელს დაარსდა. მისი პორტფელი მოიცავს ტურიზმს, ავიაციას და სასტუმროს ბიზნესს. კომპანიის მონაცემებით, მათ დაქვემდებარებაშია დიდ ბრიტანეთში, გერმანიაში, სკანდინავიის ქვეყნებსა და ესპანეთში ბაზირებული 100-ზე მეტი თვითმფრინავი, 186 სასტუმრო 38 000-ზე მეტი ოთახით.


ევროკავშირიდან ბრიტანეთის გასვლის შესახებ არსებულმა გაურკვევლობამ და Thomas Cook-ის მომსახურებებზე მოთხოვნის შემცირებამ, ჯგუფისთვის ევროპაში ბიზნესის კეთება უფრო გაართულა. როგორც Bloomberg-ი წერს, კომპანიას ნაწილობრივი გაყიდვა მას გაკოტრებას თავიდან ააცილებდა. მხოლოდ ბოლო ოთხი წლის განმავლობაში Thomas Cook-ის ოპერაციული შემოსავალი 1.5 ჯერ შემცირდა. 30 სექტემბრის დასრულების ფისკალური წლის განმავლობაში ჯგუფის შემოსავლები მხოლოდ 6.6% -ით გაიზარდა და 9.6 მილიარდი გირვანქა სტერლინგი შეადგინა, ხოლო ოპერაციული შემოსავალი თითქმის 250 მილიონ ფუნტამდე შემცირდა.



Thomas Cook-ის ჯგუფსა და Fosun-ს შორის ბიზნეს-გარიგებასთან დაკავშირებით ინფორმაცია თავდაპირველად Sky News-მა საკუთარ წყაროზე დაყრდნობით გაავრცელა, სადაც აღნიშნულია, რომ მოლაპარაკებები ჯერ ადრეულ სტადიაზეა. ამავე ინფორმაციით, ჩინური მხრიდან დოკუმენტაციას JPMorgan-ი ამზადებს.


„ჯერჯერობით უცნობია, დასრულდება თუ არა ეს მოლაპარაკება Thomas Cook-ის ბრენდის მიყიდვის წინადადებით“, - აცხადებენ Thomas Cook-ის ჯგუფში.


BPN



თეგები:
Thomas Cook Fosun



პარლამენტთან ვითარება კვლავ დაიძაბა, აქციის მონაწილეებმა პოლიციელებს ბოთლები დაუშინეს

პარლამენტთან ვითარება კვლავ დაიძაბა, აქციის მონაწილეებმა პოლიციელებს ბოთლები დაუშინეს
access_time2019-06-20 23:06:49
საქართველოს პარლამენტთან მოქალაქეებსა და პოლიციას შორის ვითარება კვლავ დაიძაბა. აქციის მონაწილეებმა პოლიციელებს ცარიელი ბოთლები დაუშინეს. ამასთან, მათ რამდენიმე სპეცრაზმელს ჩაფხუტები და ფარები წაართვეს. ადგილზე დაძაბული ვითარების განმუხტვას პოლიცია ცდილობს. ამასთან, ისმის შეძახილები „საქართველო, საქართველო“.

გიორგი გახარია - თავდასხმას პოლიციასა და პარლამენტზე ექნება შესაბამისი შეფასება და ყველა დაისჯება კანონის სრული სიმკაცრით

გიორგი გახარია - თავდასხმას პოლიციასა და პარლამენტზე ექნება შესაბამისი შეფასება და ყველა დაისჯება კანონის სრული სიმკაცრით
access_time2019-06-20 22:49:10
როგორც არ უნდა დამთავრდეს დღევანდელი ტრაგიკული შემთხვევა, თავდასხმას პოლიციასა და პარლამენტზე ექნება შესაბამისი შეფასება და ყველა დაისჯება კანონის სრული სიმკაცრით, - ამის შესახებ შინაგან საქმეთა მინისტრმა გიორგი გახარიამ ჟურნალისტებს პარლამენტის შენობაში განუცხადა. „ის, რაც ხდება, არის არა სამწუხარო, არამედ ტრაგედია. რა თქმა უნდა, მიზეზი შეიძლება იყოს ბევრი. ზოგჯერ მიზეზი შეიძლება იყოს სამართლიანი, თუმცა სახელწმიფო ინსტიტუტებზე შეტევა, ან შეტევისკენ მოწოდება, როგორც არ...

არსებული ინფორმაციით, პარლამენტთან დაპირისპირებისას არიან დაშავებულები როგორც აქციის მონაწილეების, ისე პოლიციელების მხრიდან

არსებული ინფორმაციით, პარლამენტთან დაპირისპირებისას არიან დაშავებულები როგორც აქციის მონაწილეების, ისე პოლიციელების მხრიდან
access_time2019-06-20 22:20:57
არსებული ინფორმაციით, პარლამენტთან პოლიციასა და აქციის მონაწილეთა შორის დაპირისპირებისას არიან დაშავებულები. ასევე არაოფიციალური ინფორმაციით, დაშავებულები არიან როგორც აქციის მონაწილეები, ისე სამართალდამცავები. IPN

გიორგი გახარია რუსთაველზე მივიდა - ეს არის სახელისუფლებო ინსტიტუტზე შტურმი

გიორგი გახარია რუსთაველზე მივიდა - ეს არის სახელისუფლებო ინსტიტუტზე შტურმი
access_time2019-06-20 22:09:04
რუსთაველის გამზირზე, პარლამენტის შენობასთან მიმდინარე აქციაზე შინაგან საქმეთა მინისტრი გიორგი გახარია მივიდა. შეიძლება იმ ხალხს, რომლებიც რუსთაველის გამზირზე დგანან შეიძლება აქვთ სამართლიანი პროტესტი, მაგრამ მათ მოვუწოდებ დაემორჩილონ პოლიციას, რადგან ეს არის სახელისუფლებო ინსტიტუტზე შტურმი. მანამდე შსს-მ განცხადება გაავრცელა — შინაგან საქმეთა სამინისტრო მოუწოდებს პარლამენტის წინ შეკრებილ აქციის...

აქციის მონაწილეები პარლამენტში შესვლას ცდილობენ

აქციის მონაწილეები პარლამენტში შესვლას ცდილობენ
access_time2019-06-20 21:52:01
აქციის მონაწილეები პარლამენტში შესვლას ცდილობენ. აქციაზე სპეცრაზმი გამოჩნდა. ამასთან, პარლამენტის შენობის ეზოში შსს-ს დანაყოფები და სპეცტექნიკაა მობილიზებული. დანაყოფები შენობის შემოსასვლელებს იცავენ. ისინი შენობაშიც იმყოფებიან. 


მსგავსი სიახლეები

up