2021 წლის დამდეგისთვის მსოფლიო მოსახლეობის რაოდენობამ 7.835 მლრდ-ს მიაღწია პირველ ადგილზე 1.442 მლრდ-ით ისევ ჩინეთია, თუმცა მას ინდოეთი სულ უფრო და უფრო უახლოვდება, თუ 2020 წელს ჩინეთის მოსახლეობა 5.5 მლნ-ით გაიზარდა, ინდოეთში მატება 2.4-ჯერ მეტი - 13.6 მლნ იყო რის შემდეგაც მოსახლეობა 1.387 მლრდ-მდე გაიზარდა.
ჩინეთში შობადობის კოეფიციენტი 1.7-ს შეადგენს, ინდოეთში 2.2-ს, გარდა ამისა, ჩინეთში მოსახლეობის საშუალო ასაკი 38 წელია, ინდოეთში 10 წლით ნაკლები - 28 წელი. მოსახლეობის რაოდენობის სხვაობა ამ ქვეყნებს შორის ამჟამად 55 მლნ-ს შეადგენს. 2026-2027 წლებში ინდოეთი პირველ ადგილზე გადაინაცვლებს.
1979-2015 წლებში ჩინეთში „ერთი ბავშვის პოლიტიკა“ მოქმედებდა. პეკინსი ფიქრობენ, რომ ამ პროგრამით 36 წლის მანზილზე დაახლოებით 400 მლნ ბავში არ დაიბადა და რომ არა ეს პროგრამა ახლა ჩინეთის მოსახლეობა 1.8 მლრდ-ზე მეტი იქნებოდა და ინდოეთს უახლოეს მომავალში დაწევის შანსს დაუკარგავდა. თავის მხრივ ინდოეთს დამოუკიდებლობის მოპოვებისას 1947 წელს პაკისტანი რომ შეენარჩუნებინა, ახლა მისი მოსახლეობა 388 მლნ-ით მეტი - 1.775 მლნ იქნებოდა. ამჟამად საკუთრივ პაკისტანში 223 მლნ ადამიანი ცხოვრობს და მე-5 ადგილზეა, ხოლო ბანგლადეშში, რომელიც პაკისტანს 1971 წელს გამოეყო - 165 მლნ და მე-8 ადგილზეა. საგულისხმოა, რომ ბანგლადეში ტერიტორიით საქართველოზე მხოლოდ 2-ჯერ დიდია და თუ არ ჩავთვლით რამდენიმე ქალაქ-სახელმწიფოს მოსახლეობის სიმჭიდროვით - 1265 კაცი კვადრატულ კილომეტრზე მსოფლიოში პირველ ადგილზე იმყოფება.
332 მლნ-ით მესამე ადგილზე შეერთებული შტატებია, რომელიც ძირითადად მიგრანტების ხარჯზე იზრდება. პანდემიის პერიოდშიც კი მიგრანტთა რაოდენობა 955 ათასით გაიზარდა.
275 მლნ-ით მეოთხე ადგილს ინდონეზია იკავებს, 223 მლნ-ით მეხუთე ადგილზე პაკისტანია. Worldometers-ისცნობითმოსახლეობა 100 მლნ-ს მათ გარდა კიდევ 9 სახელმწიფოში აღემატება. ჯამში ამ 14 სახელმწიფოში 4.970 მლრდ ადამიანი ცხოვრობს, მთელი მსოფლიოს მოსახლეობის - 63.4%.მათგან პირველ 7 სახელმწიფოში 4.072 მლრდ - მსოფლიო მოსახლეობის 52%.
მოსახლეობა ყველაზე სწრაფად ღარიბ ქვეყნებში იზრდება, ისეთები როგორებიცაა: ნიგერი, უგანდა, ბურუნდი, მალი, ჩადი... ამ ქვეყნებში მოსახლეობის რაოდენობა წლის განმავლობაში 3%-ით ან მეტით გაიზარდა. 3%-იანი ზრდაც კი 24 წელიწადში მოსახლეობის გაორმაგებას ნიშნავს. ამ ქვეყნებში შობადობის კოეფიციენტი 5.0-ს აღემატება, სომალსა და ნიგერში საერთოდ 6.0-ს. სამხრეთ კორეაში, მაკოში, სინგაპურსა და ტაივანსი ეს მაჩვენებელი 1.3-ზე ნაკლებია.
იმის გათვალისწინებით, რომ მოსახლეობის რაოდენობის ზრდა სხვადასხვა ქვეყანაში სხვადასხვაა, 10, 20 და 30 წელიწადსი დემოგრაფიული სტრუქტურა მნიშვნელოვნად შეიცვლება. 2050 წლისთვის ნიგერია აშშ-საც გაასწრებს და 400 მლნ-ით მესამე ადგილს დაიკავებს. მეთორმეტიდან მერვე ადგილზე გადაინაცვლებს ეთიოპია, კონგოს დემოკრატიული რესპუბლიკა კი, სადაც დღეს მოსახლეობა 90 მლნ-ს შეადგენს 2050 წლისთვის 194 მლნ-მდე გაიზრდება და რუსეთს 60 მლნ-ით გადაასწრებს.
გიორგი ელიზბარაშვილი