მსოფლიო „ინფლაციური შოკის“ საფრთხის წინაშეა - Bloomberg-ის სტატისტიკით ნედლეულზე ფასების ზრდამ 40-წლიან მაქსიმუმს მიაღწია

მსოფლიო „ინფლაციური შოკის“ საფრთხის წინაშეა - Bloomberg-ის სტატისტიკით ნედლეულზე ფასების ზრდამ 40-წლიან მაქსიმუმს მიაღწია

access_time2021-05-11 14:10:00

Bloomberg -ის მონაცემებით, ნედლეული საბაზისო საქონლის ფასების ინდიკატორი ბოლო 12 თვის განმავლობაში 62%-ით გაიზარდა. ამ საბაზისო საქონელში შედის როგორც ენერგომატარებლები და ლითონი, ისე ხე-ტყის მასალა და სურსათი. ფასების ინდიკატორის ასეთი ზრდა რეკორდული მაჩვენებელია და 1980 წლის იანვრის შემდეგ არ მომხდარა.


რკინის საბადოს ფიუჩერსები კვირაში 12%-ით, წელიწადში კი 128%-ით გაიზარდა და ტონაზე 200-ზე მეტი დოლარის ისტორიული რეკორდის ნიშნულს გასცდა.


სპილენძი კვირაში 6,6%-ით, წელიწადში კი 102 %-ით გაძვირდა და ისტორიაში პირველად მიაღწია ტონაზე 10 776 დოლარს.


ჩიკაგოში ხე-ტყის მასალის ფიუჩერსებმა კვირაში 12%-ით მოიმატა, წლიურად კი 400%-ით გაიზარდა.



კვირაში 11%-ით გაიზარდა ყავის ფასიც, ბამბა კი 2,2%-ით გაძვირდა.


საბაზისო საკვებ პროდუქტებზე გაეროს სურსათისა და სოფლის მეურნეობის ორგანიზაციის ფასების ინდექსი ბოლო ერთი წლის განმავლობაში 30,8%-ით არის გაზრდილი. ასეთი „ნახტომი“ 2011 წლის შემდეგ მსოფლიო ეკონომიკას ჯერ არ განუცდია. ბოლო 12 თვის განმავლობაში ხორბლის ფასი 26%-ით გაიზარდა, სიმინდი 66%-ით, შაქარი - 60%-ით, რძის პროდუქტები - 24%-ით გაძვირდა, მცენარეული ზეთების ფასი კი გაორმაგდა.


ნედლეულის საინვესტიციო კომპანია BlackRock-ის ხელმძღვანელ ივი ხამბროს შეფასებით, მართალია, ბაზრებზე ფასების რბოლამ ბოლო 4 ათწლეულში არნახულ მასშტაბს მიაღწია, მაგრამ ეს ფასების „ჭერი“ ჯერ არ არის. მისი თქმით, „ბაზრები უმაღლესი ზღვარის ტესტირებას ეწევიან, რომ გაიგონ, თუ როგორი იქნება ფასების დიაპაზონი.“


JPMorgan-ის გლობალური ბაზრების მთავარი სტრატეგი მარკო კოლანოვიჩი პროგნოზირებს, რომ ნედლეულზე ფასების ზრდა მსოფლიო ეკონომიკას სრულფასოვანი „ინფლაციური შოკის“ საფრთხის წინაშე აყენებს.


BPN.GE



თეგები:
ინფლაცია



ფიზიკის დარგში ნობელის პრემიის ლაურეატები გამოვლინდნენ

ფიზიკის დარგში ნობელის პრემიის ლაურეატები გამოვლინდნენ
access_time2022-10-04 15:36:57
ნობელის კომიტეტმა 4 ოქტომბერს გამოაცხადა 2022 წლის ლაურეატები ფიზიკის დარგში. ისინი არიან ფრანგი ალენ ასპე, ამერიკელი ჯონ კლაუერი და ავსტრიელი ანტონ ცაილინგერი. მათ ნობელის პრემია მიენიჭათ ჩახლართული ფოტონების სფეროში ექსპერიმენტებისთვის, ბელის უტოლობის დარღვევის კვლევისთვის და ნაშრომებისთვის კვანტურ ინფორმატიკაში.   მეცნიერებმა ნოვატორული ექსპერიმენტების ჩატარება შეძლეს ჩახლართული კვანტური მდგომარეობებით, როცა ორი ნაწილაკი იქცევა როგორც ერთი მთელი, მაშინაც კი, როცა...

ბოლო წლებში სარეკლამო შემოსავლის ყველაზე დიდი კლება მანამდე ლიდერ „რუსთავი 2-ს“ ჰქონდა - ანგარიში

ბოლო წლებში სარეკლამო შემოსავლის ყველაზე დიდი კლება მანამდე ლიდერ „რუსთავი 2-ს“ ჰქონდა - ანგარიში
access_time2022-10-04 15:00:18
2021 წელს, 2020 წელთან შედარებით, სატელევიზიო სარეკლამო ბაზარი 7.8 მლნ ლარით გაიზარდა (10.4%) და 83.1 მლნ ლარი შეადგინა. ამის შესახებ, საერთაშორისო გამჭვირვალობა საქართველო ახალ ანგარიშს აქვეყნებს. 2021 წლის სატელევიზიო სარეკლამო ბაზრის ანგარიშის მიხედვით, 2021 წელს ყველაზე მეტი რეკლამა, ტრადიციულად „იმედის“ ჰოლდინგმა მიიღო. მისმა შემოსავალმა 2021 წელს 31.1 მლნ ლარი (სარეკლამო ბაზრის 37.4%) შეადგინა. მეორე ადგილზე ტელეკომპანია „რუსთავი 2“ „მთავარმა არხმა“ ჩაანაცვლა...

დეპუტატმა ვიქტორ ჯაფარიძემ ტელეკომპანია POS TV -ის წილების 52% შეიძინა

დეპუტატმა ვიქტორ ჯაფარიძემ ტელეკომპანია POS TV -ის წილების 52% შეიძინა
access_time2022-10-04 14:45:32
დეპუტატმა და ხალხის ძალის“ წევრმა ვიქტორ ჯაფარიძემ ტელეკომპანია POS TV -ის წილების 52% შეიძინა. სიახლის შესახებ დღეს უ,რავლესობიდან წასული დეპუტატებიდან ერთ-ერთმა, სოზარ სუბარმა მოძრაობის ახალი წევრების წარდგენაზე ისაუბრა. გარიგების საფასური 520 000 ლარია. ახლა პოსტვ“-ის მეწილეების სია ასე გამოიყურება: ვიქტორ ჯაფარიძე - 52%;შალვა რამიშვილი -24%;თემურ ჭარელაშვილი - 24%.

2023 წლიდან საჯარო სექტორში საბაზო თანამდებობრივი სარგო იზრდება

 2023 წლიდან საჯარო სექტორში საბაზო თანამდებობრივი სარგო იზრდება
access_time2022-10-04 16:00:54
მთავრობა საჯარო სექტორის ხელფასის არასახელმწიფო სექტორის ხელფასებთან დაახლოებას ცდილობს. ამიტომ 2023 წლიდან საბაზო თანამდებობრივი სარგო იზრდება. „საჯარო დაწესებულებაში შრომის ანაზღაურების შესახებ“ საქართველოს კანონში შესატანი ცვლილებები საკანონმდებლო ორგანოში უკვე ინიცირებულია. ხელისუფლებაში მიაჩნიათ, რომ სახელმწიფო სექტორში საშუალო ხელფასი არასდროს არ უნდა უსწრებდეს არასახელმწიფო სექტორში საშუალო ხელფასს, თუმცა მათ შორის დიდი განსხვავებაც...

რის ხარჯზე გაიზარდა მშენებლობის ღირებულების ინდექსი?

რის ხარჯზე გაიზარდა მშენებლობის ღირებულების ინდექსი?
access_time2022-10-04 14:00:18
აგვისტოში მშენებლობის ღირებულების ინდექსი წინა თვესთან შედარებით 0.05 პროცენტით გაიზარდა. აღნიშნულის სესახებ ინფორმაციას „საქსტატი“ ავრცელებს.  სტატისტიკის ეროვნული სამსახურის მონაცემებით, აღნიშნული ცვლილება, ძირითადად, განპირობებული იყო მშენებლობის დარგში დაქირავებით დასაქმებულთა საშუალო თვიური ნომინალური ხელფასის 3.2 პროცენტიანი ზრდით, რამაც 0.58 პროცენტული პუნქტი შეიტანა ჯამური ინდექსის ცვლილებაში. 2022 წლის თებერვალთან შედარებით...


მსგავსი სიახლეები

up