ინფლაციური წნეხი მსოფლიოში პიკზე იმყოფება, შესაბამისად, მომდევნო თვეებში ფასების ზრდის ტემპი შენელდება. ამის შესახებ გაზეთი Financial Times-ი წერს.
ეკონომისტების შეფასებით, სტატისტიკური მონაცემები აძლევთ საშუალებას ივარაუდონ, რომ მიწოდების ჯაჭვებში არსებული პრობლემები ნელდება და ეს ზრდის ალბათობას შენელდეს ინფლაციური პროცესები, რაც გახდება პოზიტიური სიგნალი მსოფლიოს ცენტრალური ბანკებისთვის, რომლებმაც მეტად გაამკაცრეს მონეტარული პოლიტიკა ფასების შეკავების მიზნით.
Moody's Analytics-ის ექსპერტის მარკ ზანდის შეფასებით ინფლაციამ უკვე პიკს მიაღწია და ახლა უნდა დაიწყოს ფასების ზრდის ტემპის შენელება. ორგანიზაციის შეფასებით, გლობალურად ინფლაციამ ოქტომბერში 12,1% შედგინა.ზანდის თქმით, ეს რიცხვი დარჩება პიკურ მაჩვენებლად მთელს ამ პროცეში.
Capital Economics-ის შეფასებით კი, ისეთ ქვეყნებში როგორიცაა ბრაზილია, ტაილანდი და ჩილე, ინფლაციის პიკმა უკვე გადაიარა და დაიწყო შესუსტება.
ინფლაციური წნეხის შემცირება ფიქსირდება ასევე განვითარებულ ქვეყნებში, მაგალითად, გერმანიაში ფასები 4,2%-ით შემცირდა წინა თვესთან შედარებით. ზაფხულის შემდეგ ინფლაციური პროცესები შენელებულია ასევე აშშ-სა და დიდ ბრიტანეთში.
ამასთან, G20-ის ქვეყნებმა უკვე გაავრცელეს ოქტომბრის ინფლაციური მონაცემები, საიდანაც ნათლად ჩანს, რომ პროცესი შენელებულია.
მიუხედავად ამ სიმპტომებისა, ცალკეული ექსპერტები შიშობენ, რომ წიაღისეულზე ფასები შეიძლება კვლავ გაზიარდოს. ამის მაპროვოცირებელი კი შესაძლოა, გახდეს ჩინეთის ეკონომიკის სწრაფი ტემპებით აღდგენა და ასევე სანქციების ფონზე რუსეთის მხრიდან ექსპორტის კიდევ უფრო შემცირება.
bpn.ge