ეკონომიკისა და ბიზნესის კვლევის ცენტრის თანახმად(CEBR), მსოფლიო ეკონომიკა $100 ტრილიონს პროგნოზირებულზე ორი წლით ადრე, 2022 წელს გადააჭარბებს.
ლონდონში დაფუძნებული ანალიტიკური ცენტრის თანახმად, გლობალური მთლიანი შიდა პროდუქტი პანდემიის შემდგომი აღდგენის შედეგად გაიზრდება. თუმცა, თუ ინფლაცია შენარჩუნდება, პოლიტიკის შემქმნელებს, შესაძლოა, გაუჭირდეთ ეკონომიკის რეცესიაში დაბრუნების თავიდან აცილება.
2020-იანი წლებისთვის ასევე მნიშვნელოვანი საკითხია როგორ გაუმკლავდებიან მსოფლიო ეკონომიკები ინფლაციას. ჩვენ ვიმედოვნებთ, რომ შედარებით მოკრძალებული კორექტირება არატრანზიტორულ ელემენტებს კონტროლის ქვეშ მოაქცევს. სხვა შემთხვევაში მსოფლიო 2023 ან 2024 წელს რეცესიისთვის უნდა მოემზადოს", - განაცხადა დუგლას მაკუილიამსმა, CEBR-ის თავმჯდომარის მოადგილემ.
მსოფლიო ეკონომიკური ლიგის ყოველწლიურ ცხრილში CEBR-ი ასევე პროგნოზირებს:
ჩინეთი აშშ-ს 2030 წელს გაუსწრებს, 2 წლით გვიან ვიდრე ერთი წლის წინ პროგნოზირებული იყო.
მომავალ წელს ინდოეთი საფრანგეთისგან მეექვსე ადგილს დაიბრუნებს, ხოლო 2031 წელს მსოფლიოს მესამე უმსხვილესი ეკონომიკა გახდება.
Brexit-ის მიუხედავად დიდი ბრიტანეთის ეკონომიკა 2036 წელს საფრანგეთის ეკონომიკას 16%-ით გადააჭარბებს.
გერმანია იაპონიის ეკონომიკას 2033 წელს გაუსწრებს.
კლიმატის ცვლილება სამომხმარებლო ხარჯვას 2036 წლამდე წელიწადში საშუალოდ $2 ტრილიონით შეამცირებს.
წყარო: Bloomberg, "ბიზნეს ფორმულა"